السلام عليكم

عندي سؤال ياشباب وش الاكل الي يخلونك تاكله في الكليات العسكرية

وجبة الفطور وش هي ؟ ووالغداء والعشاء وش هي ؟
وش المشروبات والاكلات الي يوفرونها لك هناك

هل تقدر تشرب وتاكل على كيفك في وقت كل وجبة لين تشبع ولا فيه اكل محدود لك
في كل وجبة ؟

اتمنى من الاشخاص الي عندهم وخبرة وقد دخلوا دورات عسكرية قبل ويعرفون انهم يردون

??????????????

ع حسب قطاعك مافي شي موحد ع حد علمي


في الطوارئ كانو يعدون لنا من 1 الى 10 وخلاص تنتهي الوجبة لكن مدري وش نظام القطاعات الثانيه والكليات

طيب وش كانوا يعطونكم اكل فالطوارىء ، لانه عسكرية ويمكن يكون الاكل متقارب في كل العسكرية

ياخوان وين الردود

ياخوي لاتخاف كل شي موجود فطور وغداء وعشاء
وفيه بوفيه تشتري اللي تبي عصير شبس شوكولاته بس طبعا كله المقلد ابو نص ويببعونه دبل
الله يسهلها عليك

راح تاكل مالذ وطاب اذا النفسية كويسه
في الفطور جبنة مالحة وحلاوة طحينية وكورن فلكي وفول او عدس وبيض شكشوكة وزيتون وعلبة عصير وماء وشاي او حليب.
في الغداء كبسة دجاج او دجاج شواية او كبسة لحم مع لبن وماء وفاكهة.
في العشاء برجر او بروست.
وبالتوفيق.

لا انت محدد بوقت معين ماتشتري الا في هالوقت بس تقدر تسوي لك عملية تخزين في الغرفة يعني تشتري وتخليه في غرفتك لين وقت الحاجة.