السلام عليكم ورحمة الله وبركاااته

صفحات تدون درر القصيد

كونوا بالقرب


مسا تشحذ مزاميره لقاا من فتنة الاحباااب
تناثر من بقاياه الافق واستنفر النيه


يثور البحر من دفة حزن ظاهر على الغياب
و يطوي الموج كامل موجه الطاغي على الجيه

منايا تجذب الصوره على هامش حروف كتاب
غلافه للمسا ناي عظيم مالقى زيه

يطربنا ويجذبنا ويسلب كامل الالباب
يبرهن غايته قادم ينادم هاجسه غيه

الا يا بارق ايام العمر لا تلتفت مرتاب
ترى كثر الشموس الحارقه تتغافل الفيه

تجيلك شايله شمع كثير ممتلي بعتاب
وتقطع لك تذاكرها صداع خاشع فيه

على الاوطان معطفها تجارب منظر خلاب
كذب هالمنظر الغاضب وورد للهواويه

عيون تقتل الغافل تخلي قلب منهو تااب
يصير العاشق المغرم بكذبه عمرها ميه

محمد الفيفي

جيت واللي بقوله كنت كابته عام
خلني اعترف لك وارجع اوعدك
ليلة مفارقك مشرعه ل الظلام
ما ردعك الغرام ولا بكاي اردعك
كل ما قلت بمشي قلت لك بانهزام
لحظه ممكن اعلمك بعذر يقنعك
وكل ما شفت بعيونك مواري الهياام
ارتجف واتامل خير واشجعك
كنت زحمة تعابير وشعور وحطاام
لا تعذرت اكابر وان مشيت اتبعك
اتمنى بهالحظه حمامة سلاااام
تاخذك رحله لماضيك وترجعك
كل ذكرى جميله ترتمي في الخصام
تقطع معاتب وتهل من مدمعك
في عدم اهتمامي نوع من الاهتمام
وانا اوعدك قلبي كان يستودعك
ما مسحت الدموع الا عشان الكلام
كنت بسمعك دام اني م راح امنعك
كنت بتروح وادري ما يفيد الملام
قللت احاول اطول بالسوالف معك

محمد المغيرفي

اليوم انا محتاج لك كثر احتياجي للصبر
كثر احتياجي للفرح بعدك ولانفاسي معاه

كثر الوجع كثر الحزن كثر الالم كثرر كثرر
احتاج لك واعرف محد يحتاج فالعمر لشقاه

شهر على غيبتك مر وغيبتك عيت تمر
شهر وانا مدري انتمي للموت والا للحياه

وحيد مدري وش ورى هالوحده لروحي قدر
بعيد مدري للفرح هالبعد هذا وش وراه

انساك في لحظة غبا واطيح من عين العمر
واذكرك حلم كل ما يقرب من التحقيق تاه

تعبت اشيلك في مطارات الزمن شنطة سفر
واضيع في زحمة درووب البعد والقاك اتجاه

عطيتي النسيان فرصه ياخذك مني غدر
ولا عطيتي عاشقك فرصه يودع بك غلاه

وجهك يمر في زحام البال بوجيه البشر
وتقف عليه الذاكره ويصيح قلبك من خذاه

ماخلت رياح الغياب بقلب محبوبك شجر
نسيانه يراوده عن حبك ولكن ما نساااه

ماكان مختارك زمن يمضي ولا نزوه تمر
اختارك العمر الذي كل ما كبر يكبر معاه

يدري رجوعك مستحيل وصعب لكن ينتظر
مثل انتظار المغترب للموطن اللي ما لقاه

اللي يحبك كان يبحث لك ورى بعدك عذر
واليوم يبحث عن عذر للمقبل اللي فيك تاه

خلاك للدرب الطويل والليالي والقدر
كنتي بعينه دمعه الغالي وودعك وبكاه

محمد الوسمي

ورى المنفى البعيد اهنااااك يا احبابي
وصلت المتعب المنهك من احلااامه


تمروني بقايا غيم والقابي
بقايا انسان ما يدري عن ايااامه


واخلي ما ورى بابي ورى بابي
واخلي ما ورى الاحلام قدامه


ادور وجه يشبه ريحة اصحابي
ادور موت يرفع فيني الهااامه


ادور للحضور اللي يبي غيابي
ادور للغياب اللي بكى عامه


انا مليت من فيني ومن مابي
ومن تنهيدة الدفتر من اقلااامه

ومن ورده زهى في عطرها كتابي
ومن طفله لها جرحين لوااامه

ومن عصفور لا مر وتغنابي
ومن مكسور ما تجبر بي عظامه

يا اول من يمر الدمع باهدابي
يا اخر من زرع تنهيدة الاااااامه

تعال ارسم ملامح ضحكه لنابي
وخذني لصبح ضاعت جرة اقدامه

تصفح هالضلوع العوج واقرابي
عيون اطفال مقهوره ومنضامه


انا ما مت لاجل القاك تحيا بي
انا انسان ماتت بيدك احلامه

بركات الشمري

وجهك المنفي على اوراقك تعب
صمتك المبحوح لا عز الكلام

ليتني ما قلت لك طاح الحطب
لاجل يبقى عذر لا احتجت الملام

الكتابه حلم والواقع صعب
ودي اكتب شي في صدري وانام

من زمان الغصن يملاني عتب
لين ما باقي غصون ولا حماام

يا عروق الريح حنجرتي قصب
ناي الايام ومواويل الظلام

ودي اكتب بعض حزني ما انكتب
ان لقيت الحزن ضيعت الكلام

هاني الفرحان

حزين لحد ماني عارف احزن وين
عليك احزن على روحي على مدري

ابقطع هالشجر واجلس برمله لين
يطيح اخر غصوني وانبت بصبري

خطاي اجمل ذنوبي تعرفه بعدين
وساعتها تشوف الناسك العذري

على [تدري فهد ] كنت ابني من الطين
قصور وطاح فيها انسان ما تدري

ضحكت وكانت الضحكه تعيدك بين
اعيشك واكتب الباقي لك بشعري

مهو ترتيب بيت وبعدها بيتين
قوافي باهته يطفي بها جمري

ولا اوزان يشبه بردها السكين
تقطع فوقها حزني مثل عذري

ابكتب كيف احبك كيف اعيش الحين
اذا تطري وشوف شلون بي تطري

كان الارض كذبه فوقها الرجلين
كاني وحدي المبعوث من بدري

ذنوبي انت وحسابي معك بعدين
اذا شفتك وضميتك على صدري

ابسكت واترك الباقي واشيله دين
اسدد ما بقى لك او عسى هجري

يفسر ليه انا ما اقدر امد ايدين
وانا محتاج لك يالعابر بعمري

ابيك وانت ضحكة روحي من سنين
ولكني حزين لحد مااااااااااا ادري

فهد دوحان

زهابي للمسا برد وحنين ودمعه وياليت
اماني والسهر واقف يكلمني وانا قلته

عزفت باصبعيني ناي دوزنت البكا غنيت
سرقت افواه يشربها الكلام وما تحملته

زرعت بتكة الساعه عناويني بلا توقيت
جنيت اقسى مسافات الغياب وضاعت اسئلته

انا ما كنت احسب ان الغياب غياب لو ما جيت
انا ياهالشتا عطشى وريق الحزن بللته

تمادى بي جفاف الما وانا ابني من حنيني بيت
ادور قلب يشبهني ومر العمر ما نلته

الشاعره جمان

يا خريف الابجديه وش بلا جرح القصيد ؟
كل ما اذكر فراق الامس يتساقط ورق

من تفارقنا حزين وفي حياتي لا جديد
الا قلب في تفاصيله ملامح ل الارق

حالتي حزن وضياع ونار في صدري تزيد
يعني مشعل في غيابك يا بعد روحي احترق

هذا مني لا وربي هذاا منك يا عنيد
كنت لي ساحل ومينا ليه ياخذني الغرق

شفني لحالي حزين مورقه عيوني وحيد
وامسح الدمعه بايد ويد تمسح لي عرق

ي طريقي ليه خطوة غربتي فيني تجيد
تجبر العاشق يسير بدرب اسمه نفترق

ي حنيني يرحم امك اشش ياخي مايفيد
لا يعذبني ضجيجك ابتدا ياتي الخنق

لو افك كل الزراير اقسم انه ما يعيد
الهوا اللي مع غيابه يا حنيني انسرق

ي ماسي لمي احساسي تعبت من القصيد
وانثريني حرف شاعر مكتئب مل الورق

مشعل الغبين

من متى وعيوني عنك صايمه
من متى وانتي تبين وما تجيني

يا حمامة بيت فيني حايمه
افقدك دايم وادري تفقديني

صرت احس انك مشاعر دايمه
مهما غبتي بالمسافه تسكنيني

لو تجين اجوائي صارت غايمه
تجمعين احساسي فيك وتمطريني

احلمي بالحب طفله هايمه
وان صحيتي تسبحي بدموع عيني

موتي فيني دام عشتي ضايمه
وعيشي عمرك يا حياة القلب فيني

يلا نامي لك عيوني عايمه
انعمت عن شوف غيرك صدقيني

راح اغمض طول ما انتي نايمه
والسهر موضوع بين العين وبيني

يا صباح الخير وانتي قايمه
هو صباحك ليه يفرق علميني

يا بعد قلبي وكل من لايمه
تصبحين بخير و اكثر تعشقيني

احمد الصانع

انا السؤال اللي رحل في شنطة المنفي وطن
وانا الجواب لكل سؤال جاد به فاه اليتيم

وانا الدموع اللي تدور عن كفوف وعن حضن
وانا الجنون اللي نفاه العقل واصبح له غريم

وانا البلاد اللي غرقت في همها وماتت مدن
وانا الولود اللي انجبت من وقتها جرح اليم

وانا الفتاه اللي رفضت في حلمها طعم الوسن
وانا العطر اسكب لهم من سوسن انفاسي نسيم

وانا الموانئ اللي على شطانها يرسى الشجن
وانا الحبيب اللي غدى وصله من احبابه عديم

و انا انا ضيعتني وبعضي على بعضي يحن
مثل المطر ارويتهم من غيمي وزرعي هشيم

في ضعفي قوه بي رقت درب المعالي بلا وهن
وفي قوتي ضعفن سجد وبوجنته ذنبن عظيم

حزني نبيل وانتمائه لارض تهدي له كفن
سافرت بدروب الشقا واسرفت بي و وقتي كريم

فقري غنى لوه عجز يبدل ثياب الحزن
و غناي فقر معه ابلل خبزة احلامي بديم

قطفت من ثمر الشقا واطعمت اهداب سهرن
سريت واهداني الطريق العثرة و ليلي عتيم

يا قلني لا جيتني ابحث عن افراح غدن
عهدي وانا طفله بها اوااه يا عهد النعيم

و يا كثرني لا قلت منفيه وايامي قسن
كل المنافي لي وطن والحزن باوطاني زعيم

تمرني ذكرى حبيب بتربة غيابه دفن
انثى تحن و في دفى انفاس غايبها تهيم

في غيبته حسيتني اطوف والذكرى وثن
حلو الليالي تمرني وامرها مثل السديم

يا كثرهم حولي ولا غيره حبيبي بي سكن
موشوم حبه بالخفوق ولو هوى غيره اثيم

طيفه يشارك كحل عيني اللي رسمته للحسن
ومن غيبته سال ورقى للعين موجوع وسقيم

اذنبت في حبه وياليته يعاقبني بسجن
حب مؤبد داخل ضلوعه و حكمه مستديم

محتاجه لوصله مثل حاجة مواطن للامن
واحتاج يلملم غربتي واحتاجه بقلبي يقيم

تعال ي المعني بي انا من روحك ابني لي حصن
تحتاجني انثى وطن واحتاجك لروحي نديم

مريم الزعبي

في قلبها جرح و مواعيد وآذى

و في روحها حلم خذوا روحه و عاش

حبيبتي \ الله عطا و الله خذا

ليه الحزن في نظرتك والاندهاش !

قولي ل دمع العين يسكت لو هذى

و عيشي ترى الدنيا عصافير و اعشاش

الله خلق في ضحكتك ورد وشذى

و لو ما ابتسمتي يمكن يموت الفراش

وانا كذا والا كذا ,,و الا كذا

ما اقدر اكون الا لك ولا بلاش

لشاعرها