بالتوفيق للجميع وبارك الله فيك .

والله مشكله كل واحد حط اعلانك ولا يرد عى الاعضاء
في بدلات في تامينات ردو ياجماعه
جوالات مقفله

ياصاحب الموضوع رد علينا فيه تامينات ولا لا

اولا اسف يالغالين اني مارديت على استفساراتكم لاني انشغلت من المدير في استقبال الملفات

بالنسبه للي يقول ثانوي و3 الاف يعلم الله اني ماني مسئول في الشركه وانا موضف اقل من عادي بس حبيت اسوي خير يمكن في احد يبي الوضيفه او في حاجتها خصوصا ان المدير كلفني ادور على الناس الي تبي الوضايف ولو القى وضايف احسن من كذا ورب العزه والجلال لاكتب رقمها واجيبها لكم لاكن هذا الي بيدي وانا قاعد اخدمكم على حسب قدراتي

ثانياا ياخوان الوضيفه مرتبطه بالتأمينات

بالنسبه للي يقول مقفل جواله السبب الرئيسي للي يخليني اقفل جوالي عدم احترام الوقت ياخوان انا كاتب في الاعلان من بعد صلاه العصر يعني صل العصر بمسجد بيتكم واتصل فيني الى الساعه 12 والقى ناس تتصل فيني الساعه 2 و3 الفجر والصباح والضهر وقت الغدا والقيلوله ؟؟؟؟؟ يعني انتم وش بتسون في هالوضع مع كذاا اغلب الوقت مفتوح واستقبل المكالمات الي اقدر عليها ياخوان الرجاء عدم الازعاج انا اكون نايم وتجلسوني من وسط نومي هذاا اذيه بالنسبه لي وانا ابي لكم الخير وانتوو تذوني

اقرى الاعلان مضبوط قبل تتصل والشخص الي يعطي رقمي خويه يبلغه بالوقت المحدد علشان اقدر اخدكم ولا اسكر جوالي

وسامحوني على الاطاله ايه استفسار علومني انا متابع معكم وشكرا

هل في وظائف للنساء

[align=center]
ياجماعه بلشنا مع هالشركة انا شغال معهم من الشركةالقديمه امنكو

والان تضاريس نجد وربي سرقه عيني عينك

العقود واحده والرواتب تختلف وربي حرام

الدمام يستلمون4300 وحنا ع 3000الاف شوفوا الفرق

مجمع الاحساء مول رجال الامن نفس الشركة ويستلمون 3700ريال

معقوله هالتلاعب شركة الاتصالات ثاني اقوئ مدخول بالمملكة.؟

نصيحه لوجه الله وانا اولكم جالس ابحث عن شغله ثانية

وغير نظام العمل الزفت والكميرات الي تراقبك

يكفي اذا جيت تداوم

شوفوا كم شغله بس ههههه

اول شي 1بصمه2تحضير كنترول3تسجل بملف شركة الاتصالات4 تسجل بملف المقاول الي هي تضاريس نجد5تحضر بجهاز البرافو

وش رايكم

ياجماعه انا خادم 9سنوات وراحت مع شربت الماء

من المواقف الطريف حضروا 10رجال امن جدد قبل يومين اكثر واحد داوم ساعه ونص ههههههههههه

مافي احد من الجدد يرغب بها لسوء رواتبها ونظام عملها ومدرائها لسوء التعامل احنا صبرنا والله كريم ندور غيرها

وبعض الموظفين من القديمين من الشركة الي قبل ماوقعوا عقود وربي وفقهم

الله يفكنا منهم ومن لعبهم بنا

اخر نصيحه لاحد يجي دام الراتب سي الا اذا خلوه مثل الدمام والمناطق الثانية 4300

[/align]

اصلا انا عندي اتصالين واحد 4.40 عصرا والثاني بعد يوم 4.48 عصرا اول مقفل والثاني عطاني مشغول
مانبي منة احد الله الوكيل
لا تتفلسف وتقول وقت غدا وغيره قلت بعد صلاة العصر ومادقينا الا بعد الصلاة وهذا التوقيت عندك وبعد كلام الرجال خلاص مانبي الله الموفق

جزاك الله خير