وعليكم السلام والله اخوى برايي عادى جدا ان اختى متخرجه من الجامعه ومعلمه وزوجها معه الابتدائيه والان لديهم ابناء يدرسون بالجامعه ولم يكن المستوى التعليمى عائقا لزواجهم عاشوالفتره الماضيه ولا زالو والحمد لله اهم شى اولا الدين والاخلاق والتواضع ورايي اذا كنت مقتنع بها توكل على الله

لا تدقق في هالأمور البعض صارت مو مهمة عنده
غالباً الأهل يرون الأهم الدين والأخلاق ،
توكل على الله وربي يكتب لك اللي فيه الخير
واستخير الله قبل الإقدام .

نسيان ,,,, المنتصر بالله أسعدني مروركم جزيتم خيرا ووفقكم الله لما يحبة ويرضاة,, ‘ عطيتوني أمل

عادي جدا بس شف تفكيرك أنت شلون لا تنكد عليها بعدين بسبب هالتفكير
لازم تقتنع100% لأن غالبا البنات عندهم الوضع عادي لكن بعض الرجال يتحسسون
من هالشيء للعلم أعرف جامعية وموجهه وزوجها مامعه الا ابتدائي وبالدف والتشويت بعد
وحياتهم ماشية لأنهم يبونها تمشي وكثير مامعهم شهادات وتزوجوا بنات جامعيات والحمدلله الحياة ماشية
لا والبعض كملوا عن بعد عشان يرتاحون نفسيا أنهم نفس زوجاتهم
الله يكتب اللي فيه الخير والاستخارة مهمة لكن فالغالب عند البنات هالشيء مو مهم أهم شيء رجال وكفو
ويصير سند لها في هالدنيا يعني رجال بمعنى الكلمة لأن الشهادة مو مقياس للرجولة بس بعض الرجااال هم اللي يتحسسون من كون زوجاتهم أعلى منهم في وظيفة أو شهادة فيبدون موال التنكيد عليهم وعلى أنفسهم .

لاتحكم قبل تتقدم صلى صلاة استخارة وتوكل على الله وكلم اهلها لووافقوا خيروبركة ولوالعكس فكل شي مقدروقسمة ونصيب اهم شي التعايش والاخلاق قبل الشهادة اوغيرها مااشوف هالشي يفرق كل شخص يكمل الاخر بعلمه وثقافته واسلوبه وتصرفاته وتقوي الله ميزان لكل شي اما اذا قعدنا ندقق بالاشياءهذي راح نضيع معني الحياة لاجل ورق (شهادة ),,

عادي،،،،مايضر،،، انوي نية صادقة لوجه الله ورح اتقدم،،، وماتدري النصيب وين،،،وانا اخوك،،،لاتخاف اذا انت
انسان عاقل وخلوق ومصلي صايم وموظف وسمعتك زينة وتقدر تفتح بيت روح اخطب لاتتردد
ولاتحط في بالك ان اي اعتبارات،، وانت اول شي جس نبض عن طريق اهلك،، مو تروح تفاجئهم كذا،، خل الحريم يجسون نبض،، يمكن مخطوبة او لولد عمها،، عاد حنا ماذبحنا وهد حيلنا وقلوبنا غير التحجير،،الله يعين بس والحمدلله



رح دور وشف نصيبك،،، اهم شي حط هالكلميتن بين عيونك:


1- نيتك الصافية ،،، لاتخلي نيتك و تفكيرك انها بكرة تتوظف وتعتمد على راتبها

2-خلك رجال قد المسؤولية،، البنت حدها تملك عليها تطلع من ذمة ابوها ،، يعني يا اما تعزها وتكرمها

وتصونها وتخليها تاج بقلبك وعلى راسك،، وتحطها جوه عيونك وتغمض وماعاد تشوف غيرها،، يا اما تخليها

معززة مكرمة عند ابوها،،

3-الزواج ميسر من عند ربي بغمضة عين تتسهل امورك،، بس بشررط النية،، مو الفشخرة وديكورات!!

وعليكم السلام

اذا خاطرك فيها صل صلاة الاستخاره وروح اخطبها والله يكتب لك الخير
و تذكر لو هي من نصيبك حتى لو ما عندك شهاده راح تاخذها
ولو مو مكتوبه لك لو انك دكتور ماراح تاخذها
الموضوع كله قسمه ونصيب مو شهادات
واذا انت رجال كفو ومعروف باخلاقك ما توقع اهلها يرفضونك الا اذا كانوا من النوع اللي يهتم بالمظاهر
توكل ع الله وجرب حظك واهم شي الاستخاره