السلام عليكم


انا شغال في شركة ولحد الان على راس العمل وطلبت منهم شهادة خبرة ورفضوا يعطوني يقولون لازم تفصل من عندنا ونعطيك وانا محتاجها ضروري عشان ابغي اقدم على وظيفة حكومية


اقدر اروح للتامينات واخذ منهم خبرة والا كيف

حيااااااااااااااك ياوووولد الاجواااااااااااااااد


الخبرة حق من حقوقك اساسا

وبرنت التامينات يبي تقريبا اسم الشركة الي تعمل فيها وراتبك والمسمى الوظيفي ...

لكن بامكان الشركة تعطيك خبره ومكتوب فيه حتى تاريخه لكونك على راس العمل للبحث عن عمل افضل

لكن باين المسؤول بقسم التوظيف عندك اناني وحقير عشان كذا مايبي يفيدك


الله يوفقك ويرزقك ياولد الاجواد بالوظيفة الحكومية ولا الشركات الممتازه وترتاح نفسيا ...

ماقصرت يابعدي اهم رافضين ومو راضين يقولون راح تمشى وتخلينا قلت من حقي امن مستقبلى والا ماتبغون الخير لى

ياارب اقدر ادبرها

وعليكم السلام اخوي

تقدر طال عمرك تسجل بموقع التأمينات وتدخل على حسابك بالتأمينات وبضغطت زر يعطونك برنت على ايميلك

والشهادة اللي بتجيك هذي هي الخبره واسحب على الشركة لا عاد تطلبهم
وفي الاساس الشركة يعطونك مشهد انك على راس العمل حتى تاريخه وهذي تعتبر خبره

بالتوفيق

ياليت توضح لى الطرييقة

تروح للتاامينات ومعك الاثبات ويطلعون البرنت لك انا لسه مطلعته الاربعاء عادي مافيها تعقيد واسم شركتك انت تعرفه اذا سألوك وانت واقف تاخذه ترى كلها سهالة

أخوي لا تصعب الأمور على نفسك ولا تخرب مستقبلك الوظيفي

أنت الحمد الله على رأس العمل وقاعد تدور وظيفة أفضل ومستقبل أفضل وهذا من حقك والله يوفقك

بس وأنا اخوك المفروض ماتقول حق شركتك كذا لأن بهذا تخل بعقد العمل يعني لو يفصلونك

راح مايعطونك شهادة خبره ولا كذلك مستحقات لأن نظاميا أخليت بعقد العمل وحقيقة النظام

لايمكن لأي شركة تعطيك شهادة خبره الا بعد ماتوقع المخالصة الماليه معاهم وزي ماقالو الاخوان فوق

روح حق التأمينات واطلب برنت منهم وراح يسألونك الشركة الجديده وين شغال ووش نوع وظيفتك

ولا راح يطلبون منك شهادة خبره لأنهم يعرفون النظام وبرنت التامينات كافي

والله يوفقك دنيا واخره