السلام عليكم
اسعد لله اوقاتكم بكل خير ..
اخواني انا تخرجت من الثانوي العام سنة 1433 هـ , نسبتي 97 ثانوي , قياس 69% تحصيلي 62%
اول ما تخرجت كنت ناوي اكمل الجامعة و اموري كويسه قبلت في الملك سعود مسار انساني في بداية السنة سحبت ملفي و قدمت على جامعة الامام ادارة اعمال لانه هو التخصص اللي كنت ارغب فيه دراسته طبعا جاني قبول الفصل الثاني قلت اوكي اريح الفصل الاول و ادرس الفصل الثاني .. المهم قبل بداية الفصل الثاني صار لابوي حادث و دخل العناية المركزة .. و لما عرفت ان حالته صعبه شوي و شلل نصفي قلت اسحب اوراقي و انا مغمض و لا ادري وش بيسير قدام .. من ذاك اليوم الى الان و انا مرافق معه لي 4 شهور الان و الله يشفي مرضانا و مرضى المسلمين اجميعاً ..
المهم الان صارت الامور كويسه و متحسن و الحمد لله و بداية السنة الجديدة قريب و هالوقت بيفتح الكليات العسكرية و التقنية
الان محتار وش ازين الصدق
ودي ادخل كلية الملك فيصل الجوية / فني طيارات , بس متاخر سنة
ودي اكون ضابط بس مدري وين اروح

وقالي اخوي ادرس كلية التقنية تقنية حاسب بكلرويوس بعدين اقدم على كلية الملك فهد الامنية
بس لما صملت على كلام اخوي قالوا لي مب زينة كلية التقنية و من هالكلام ..

ساعدونا يا اهل الخبرة و تراي بحيره من اممري (
سامحوني طولت عليكم ..

تقنيه مابها بكارويس

تقنيه دبلوم بعدين اذا معدلك زين تكمل بكارويس سنتين يعني هيا هيا كمل جامعه احسن لك

جميل وفائك لوالدك

اسأل الله ان يشفي و الدك و يرزقك بالوظيفة اللي تسرك و يجعل بها الخيرة

ماشاء الله على وفائك لوالدك

اسال الله العظيم رب العرش الكريم ان يشفي والديك وان يوفقك في الدنيا والاخره

أسال الله ن يشفي والدك وييسر أمورك وتتوضف الوظيفة اللي تريحك
أخوي أنا أنصحك نصيحة نصحتها لأخوي الصغير هو خريج هاذي السنة اقولك طالما أنت ماشاءالله عليك جايب 97
وماشاءالله بار بوالدك ربك إنشاءالله معاك وبتتوفق في دنيتك وأخرتك النصيحة هي أنك تقدم على كلية الهندسة وتحاول إنك تدخل هندسة كهربائية قسم ممتاز وصعب لاكن مستقبله حلو تتخرج مهندس وعندك كذا مجال تشتغل فيه إذا حبيت تشتغل مدني ف مستقبل المهندسين في الشركات ممتاز وخاصة شركة الكهرباء وإذا حبيت تدخل عسكرية تقدر تقدم على اي كلية عسكرية وتكون مدة دورتك 9 شهور وتتخرج ظابط مهندس وفي كلا الحالتين ما اعتقد أنك خسران

وآآآآآسف على الإطالة وأسأل الله التوفيق للجميع

اليوم الجمعة... بعد الصلاة استخير ....واطلب ربك التوفيق
كل مين راح يقولك رأي وتحتار بينهم..... وكل الامور طيبه سواء تقنية أو جامعة.....
بس انت حدد رغبتك واتوكل على الله واعزم عليها....

(((اللهم اعزم له على أرشد امره,,))
بالتوفيق

اسآل الله آن يشفي وآلدك وجيت خيرآ على بررك بوآلدك

والله يشفييه ويخليه لكم

آمآ من نآحية المستقبل مآشآء الله معدلك حلو

ويأهلك تدخل الجآمعآت بس نصييحه لوجه الله

آذآ آنت هآوي آدآرة اعمال آدخل التخصص هذآ وككمل

والله يوفقك آمآ بآلنسبه للتقنيبه ترآ تغغيرت وصار مستقبلها

حلووو وززين وغير كذا تقدرر تكمل برآ وعلى حسابهم ولما تررجع يوظفونك نفس المؤسسة

ورآتبك من 12 آلف وآنت طآلع

يعني التقنيه صار مستقبلها حلو

والله يوفقك ويسهل امررك

الحين خلاص ياخوك راحت عليك الكليه يا انك تكمل جامعه وتروح الملك فيصل الجويه لانها ماتقبل اهل التقنيه ابد ونصيحتي لك اذ فيك شده كمل الدراسه والله يوووووفقك يارررب

الله يشفي والدك .. العمر قدامك وانت لسى في بدايه عمرك نسبتك حلوه ودرجاتك ,, أنصحك نصيحه تسجل بالجامعه بكالوريوس بااي تخصص وتلحق ع عمرك وترا التقنيه مانصحك فيها لانه نسبتك تاهلك بتخصص حلو بالجامعه

الكليه الامنيه ممتازه اذا تبي عسكريه وتقبل عدد كبير من تخصص ادارة اعمال كمل ادارة اعمال خاصه وانك ماشاء الله باين انك متفوق بدراستك يصير معك سلاح مهم الا وهو الشهاده الجامعيه بحيث انه لاقدر الله وماصار قبول بالامنيه معك شهادة جامعه .. انتبه تدخل عسكريه بالثانوي ومستواك ممتاز ماشاء الله
كل التوفيق لك