السلام عليكم
صبحكم الله بالخير
بذكر لكم مشكلتي باختصار

انا وقعت عقد مع مصنع تقريبا من شهر واسبوعين وقالوا ان الدوام بيبدا 1\6 ميلادي ولحد هاليوم مافيه دوم
كل ما اتصلنا قالوا انتظروا

والنقطه الاهم انو قالوا لنا الراتب بينزل لكم بعد شهر من توقيع العقد حتى لو ماداومتوا. طبعا صار شهر وزياده ولانزل شيء

الزبده انو ابي انسحب والمشكله انو مسجليني بالتتأمينات

وش اسوي عشان يشيلون اسمي من التأمينات

انا غيرت رايي وقلت اقدم ع الابتعاث الخارجي كود اني اتقبل ان شاء الله
وهالمصنع راتبهم 3000 وكل يوم يصرفونا ماعندهم شغل شكلهم العبوا علينا

المهم كيف اقدر اشيل اسمي من التأمينات لانو ابي اقدم ع الابتعاث واخاف يرفضوني الابتعاث منشان اسمي مسجل بالتأمينات مدري هالشي له دخل او لا

افيدوني تكفون

نظام مكتب العمل يحق للعامل وصاحب العمل فسخ العقد خلال الفترة التجريبية الي هي 3 شهور بدون اي مسؤلية..
وبخصوص الابتعاث أهم شي ان لايكون المتقدم موظف في الحكومة اما القطاع الخاص مافيه مشكلة..
بس أهم شي اذا تبي تقدم استقالتك خلهم يشيلون اسمك من التامينات ضروري..
موفق

اسحب على ام الي جابتهم اذا ماتبيهم قول لهم ابي اخلاء طرف للتأمينات اذا سجلوك بالتامينات

اخاف يماطلون ويطولون مايشيلون اسمي من التأمينات

ولازم اخذ اخلاء طرف حتى لو ماشتغلت ؟

خلال فترة التجربه يحق لأي أحد من الطرفين فسخ العقد

وأطلب منهم فوراُ أنزال أسمك من التأمينات ومكتب العمل

ولا خذ منهم أخلاء طرف ورح بنفسك لتأمنات ومكتب العمل ونزل أسمك

أي أستفسار أنا حاضر

كلام الاخوان صحيح بالاضافه انه يحق لك الشكوى والمطالبة بمبلغ المدة التى سجل فيها إسمك في التامينات