طبعا انقبلت ولله الحمد بشركه لكن قالولي توقعي عقد حق ثلاثه شهور ويكون راتبك 3000 بعد خصم التامينات يكون 2700 لفتره الثلاث شهور بعد كذا يزيد ؟
طبعا رفضت فقالو لي طيب جربي شهر وبعد الشهر نشوف وضعك ونزيد الراتب ؟

طبعا ماكتب العقد لسه لكن هل ممكن اني اوقع علي عقد مدنه ثلاثه شهور فقط براتب 3000 ويتغير في الشهرين الاخيره ؟؟؟
ولا اكون ملزمه باتمام الشهرين بهدا الراتب


سؤالي الثاني هل لودخلوني التامينات وانا ماعجبوني وحبيت اتركهم من الشركه يكون صعب علي ولا عادي اني اتركهم

مو المفروض نوقع علي عقد فيه الراتب حتي لو فتره تجربه يعني المفروض ماينقصوه كذا
وضحولي الله يسعدكم

وايش ممكن اعمل عشان احفظ حقوقي وما ادخل في مشاكل معاهم

الشركات غريبه وتحايله كل يوم يزيد لاكن أحنا لهم بالمرصاد


قليل من الشركات تستعمل عقد لفترة التجربه

أكثر الشركات توضح بالعقد فترة التجربه ويكون عقد واحد يمتد حتى بعد فترة التجربه


المهم

لو وقعتي على عقد ثلاث شهور يقدرون مايغيرون الراتب الأ بعد ثلاث شهور


بالنسبه لتأمينات هم ينزلون أسمك ولا تأخذي أخلاء طرف منهم وتروحي التأمينات ومكتب العمل

وتنزلي أسمك منهم

انا اشوف ان ذي الشركه نصااااااااااااااابه

وش ذا العقد وش ذا الكلام الفاضي

يا عمي المعروف انه فيه عقد واضح بالراتب وبالاجازات وكل حاجه حتى التأمين الطبي ولهم الحق في الاستغناء عنك خلال الثلاثه الشهور الاولى لانه وقت تجربه

واقل عقد يكون سنه ويتجدد تلقائي كل سنه الا اذا استغنو عنك

هذي شركه تبي سعوده فقط لاغير هما لما قالوا الكلام ذا يمكن يبي يرفعو مستوى الشركه في نطاقات حتى يمشون امورهم وبعدها يدجونك

نصيحتي انو ما توقعي عقد واصبري الين الله يفرجها

والله اختي اللي اعرفه من خبرتي مع الشركات

انو اقل عقد سنه وتأكدي انتي منهم زين يمكن يقصدون وقت التجربه مو العقد

والوقت ذا الشركات اللي مشي حالك فيها اقل راتب فيها يكون 3500 ريال اما الشركه ذي اعطتك 3000 ريال صافي اجل كم الراتب الاساسي وكم بدل السكن والمواصلات ؟؟؟؟ غريبه جدا

وعلى فكره لمن تجين وتقدمي استقالتك يطلعون عينك حتى يسقطون اسمك من التأمينات ويعطونك اخلاء طرف ومو كل الشركات بس اغلبهم كذا

انا اللي خلاني اقول الكلام هذا اني مستغرب من العقد اللي 3 شهور ما عمري سمعت فيها اطلاقا

وقبل كل ذا استخيري الله والله يسهل امرك وامر كل مسلم