اهلين فيك اخوي
الله يوفقكـ بمشروعكـ
الفكره حلوه
بس قبل ما تبدئ
لازم تنسق من هنا قبل ما تشتريها تعرف تبيعها لمين
شوف المعارض ونسق معاهـ
انكـ راح تشتري سياره وتبيعها لهـ
اذا هم اختاروا النوع افضل لكـ واضمن بعد
بس كبدايه بالسيارات الغاليه اعتقد انك تغامر
خليكـ على نوع عندنا مرغوب وبشدهـ ومنها تظمن حقكـ
يعني مثل سياره فورد جراندماركيز لا كراون فكترويا كلهن حلوات


بالتوفيق لكـ اخوي والله يرزقكـ

لا تستعجل .... الآن في مرحلة تصحيح اوضاع العمال وهذه الأمر سبب نزول في اسعار السيارات

اتوقع انو السيارات من موديلات 2006 وما بعدها تدخلها السعوديه اللي قبلها مثل 2005 و 2004 ما تدخل

بالنسبة للسيارات ركز على الـ clean title بس و عندك خمس سنوات يعني ما يدخل حاليا الا موديل 2008 و انت طالع و اهم شئ قبل كل شئ طلع سجل استيراد سيارات حاول تدبر لك لان حاليا ما يصدرون سجلات لاستيراد السيارات اذا لقيت سجل دبر لنا معك

و بالتوفيق

من دبي وقطر تقدر تجيب سيارات مستوردة من امريكا. وبسعر معقول وفيها مكاسب جيدة. اهم شي يكون عندك خبرة في السيارات الله يوفقك.

انت في أي مدينة اخوي ؟؟

بالتوفيق في مشروعك

انا أشوف ما يحتاج تنسق مع معرض أول ما تجي السياره صورها وإعرضها بموقع حراج
أعرف واحد باع سيارتين فيه
والله يكتبلنا وكل مسلم اللي فيه خير

السلام عليكم
أخي الكريم ,,,,

الكلام سهل و التصور لهذا الموضوع يكون بسيط للأشخاص الذين لا يدركون هذا الموضوع

استيراد السيارات من أمريكا ليس بالصعب لكن المشكلة هنا هي تسويق السيارة .

هل تعلم يا أخي أن هناك شركات مختصة في استيراد السيارات المستعملة من أمريكا و توفر الضمان للزبون لخمس سنوات ؟ منها شركة البيان و شركة الجديد و غيرها من الشركات الآخرى

أنا عندما اشتري سيارة فورد أو ماركيز مستعملة ( و هي التي تستورد دائماً ) فأنا لن اشتري منك بل سوف اشتري من الشركات التي تضمن لي السيارة خمس سنوات قادمة و مع مميزات آخرى .

كثيراً ممن أعرفهم و دخل تجارة استيراد السيارات الأمريكية المستعملة خسر خسائر لم يتوقعها .

أنصحك بتتبع الطرق الأتية :
1- اذهب للمعارض و حراج السيارات و أعرف أسعار السيارات التي تريد استيرادها .
2- أعرف كيف تبيع السيارة بسعر فيه مكسب و لا تعتمد على المعارض ( هذه أهم نقطة و هي محور الفشل أو النجاح )
3- اسئل عن كيفية استيراد السيارة من امريكيا و رسوم الشحن و الجمارك مع السيارة و ما يلحقها .
4- أدرس الموضوع بعناية فهناك من سقط كثيراً .

اتمنى لك التوفيق


شخص ناجح

المشـروع حلو ومكاسبه من ذهـب لكن أنه بطيئ نوعا ما في المكاسب

والا مكاسبه طيبه جدا بس علشان تجيب سيارات كثيره لازم لك سجل تجاري وهذا شي معروف

بس برضوا تقدر تجيب سياره او سيارتين بالسنه الوحده باسمك وبدون سجل تجاري

يعني استخدام شخصي مو تجاره ، بس بامكانك تتعاون مع احد مكاتب الاستيراد وياخذ عليك نسبه معينه

او مبلغ معين مثلا 2500 ريال ويختلف من مكتب لمكتب السعر ، غير كذا تقريبا يكلفك مع الشحن وامور

الجمارك والميناء بالسعوديه حول 5 الاف ، وانت لا تفكر بالسيارات الي شبه مصدومه وتروح تصلح فيها

ترا حصلت في احد مواقع السيارات بامريكا جيب لكزس 2011 ماشي 1200 ميل بـ 290 الف

وهذا تطلعه من عند ابو جميل 420 الف


الشغله هذي منها فلوس بعد توفيق من الله ومحتاجه صبر وذكاء وحنكه ومعرفه للسوق

واحتياجاته ورغبة الناس ، علشان السياره تمشي لك وتنباع بسرعه والحاصل انه

الجمسات والفوردات والميركوري هي الي تمشي وكل مدينه يختلف سوقها

نصيحتي لك روح اقرب مكتب استيراد دام معك راس مال وقول لهم انك تبي سياره كذا وكذا

موديل كذا وكذا نوعها كذا وكذا ماشيه كذا وكذا لونها كذا وكذا وراح تسلمهم عربون


ويوم توصل السياره لو ماطلعت نفس مواصفاتك او فيها مشكله تقدر تسترجع العربون

وهذي انصحك فيها وبقوة ،،

او تدخل على احد مواقع السياارات المستعمله الامريكيه وتقول لهم انك تبي هذي السياره


الاهم لا تستعجل واسال كثير ولا تغامر بـ 100 الف مره وحده



بالتوفيق ودعواتك لنا