سلام عليكم ياشباب
انا طالب بالكليه التقنيه تخصصي تسويق الحمد لله دراستي زينه وماشي فيها انا بالترم الاول باقي لنا تقريبا اسبوع بالكثير اسبوعين ونخلص الترم الاول
المعدل باذن الله ما راح ينزل عن 4
طبعا انا ناوي احول من تسويق الى تبريد وتكييف
رحت سالت مشرف قسم التسويق اليوم عن التحويل قلي لازم تجيب 4ونص اذا نبي تحول للتبريد والتكييف قلت له انتوا كاتبين 3,75 للي بيحول
قلي ما يهمني الي مكتوب
طبعا انا انجبرت ادخل ذا التخصص يعني تقدروا تقلون تكمله عدد وفهمني واحد بلجنه القبول والتسجيل انو لو جبت 3,75 راح احول للتخصص الي ابيه
رحت للقبول والتسجيل قلت له الي صار قام يصرفني ويقلي رح لمشرف قسم التبريد والتكييف
الحين انا معرف وش اسوي تكفون يا جماعه الخير الي يعرف نظام التحويل يقلي والله نفسيتي تعبت حرام اداوم واتعب وفي النهايه تخصص تسويق مرغوب بس للشركات
استحاله اكمل الكليه بتخصص تسويق يا جماعه الخير معه حق لمن يقلي لازم اجيب 4 ونص ولا اروح لعماده القبول اقله وضعي

يا حبيبي يحولك وغصبااا عنه روح للعميد وكلمه ما يقبلك الا اذا امتلت الشعب

اذا ما حولك روح للمشرف اذا مفادك روح للعميد اذا مفادك روح للمحافظ

ها حقك مشرف قسمك متكاسل ويبي يصرفك وكل شي معروف بي نظام التحويل

ما عليك منه ،
انا بقولك وش تسوي
رح للقبول والتسجيل
وخذ ورقه تحويل قسم ..
ورح لمشرف قسم التبريد والتكييف وخله يوقع بالموافقــــه
بعدها ترجع لنفس مشرف قسمك وتقوله يوقعها ما وقعها تروح لوكيل شؤون المتدربين ما وقعها تروح للعميـد
هذي طريقتي في التحويل من قسم تبريد وتكييف إلى قسم حاسب آلي . مشرف قسم التبريد وقعها لي ومشرف قسم الحاسب وقعها
بعد ما تنتهي من التواقيع ياخذها مشرف قسمك الجديد ويقولك انتظر يوم او يومين بعدها تشوف أسماء المحولين إذا أنت من ضمنهم الحمدلله تم تحويلك.
موفق إن شاء الله،

الله يسعدك اخوي لاكن من جد لازم اجيب 4 ونص ولا عادي اهم شي فوق 3,75
وهل اقدر اطلب تحويل الى كذا تخصص
يعني اقدم على تبريد وتكييف واقدم على انتاج يعني اذا ما جانتي تبريد وتكييف اروح انتاج
ولا بس اختار تخصص واحد بس

اذا بتحول تروح تاخذ الاذن من رئيس قسم المكانيكا مالك علاقه مع قسم التسويق لا تروح لهم الا اذا طلب منك رئيس قسم المكانيكا خطاب منهم او اي شي يبغاه
لي سابقه في هذا الموضوع وطفشوني اخرتها توسط لي مدرب
شوف لك مدرب تمون عليه والله يوفقك ,,,