السلام عليكم ،، ومبارك عليكم رمضان المبارك اخواني واخواتي اعضاء المنتدى

موظوعي اليوم عن استقلال حاجة الفتاه للوظيفه !! اتكلم لكم من تجربه شخصيه ومثل ماكتبت عنوان الموضوع " فشة خلق " يعني بدون كلام منمق وراح ارتجل الموضوع فاعذروني وسامحوني ،،
ليه كذا المجتمع الذكوري يستقل حاجة البنت للوظيفه ويحسسها انها هو الي راح يوظفها اذا تجاوبت معه وعطته وجه !! مايدري ان شهادتها بعد الله هي الي راح توظفها ،، يقعد يدق من جواله الشخصي ولا يرسل لها بروكاست بالواتس اب ولا حتى يتجرا ويكلمها باوقات غير مناسبه جدا ! برايك انت ياللي تتصل بوقت مشبوه ترضى احد يكلم اختك عن وظيفه بوقت زي هذا ! او ان احد يرسل لها واتس اب وكان العلاقه من الف سنه معرفه ! ترضى على نفسك حتى ان احد يتسغل حاجتك للوظيفه لغرض شخصي له !! ياناس انا اكلمكم وانا ابكي من هالحال يعني لازم اكون ماخاف الله عشان اتوظف ؟ كثير رحت مقابللات وانا اقسم بالله ان مرات وليس مره يرفضوني عشان اني اغطي وجهي ويوضفون بنات فاتشات اقل مني شهاده واقل مني خبره بس عشان تفتش له وجهها !! حتى ان في شركة كبيره لشخص معروف والله العظيم قالولي بالحرف الواحد افتشي وجهك وعبايتك حتى بوقت الدوام والدوام طبعا مكس اذا تبينا نوظفك ! وعرضو علي راتب وقدره بس عشان انفذ الي يبونه سبحان الله صارو يساومون الواحد بدينه ويغرونه بوسخ الدنيا عشان يتخلى عن مبادئه !! للاسف متعلمين بلا علم ومتخلفين بلا عاهه ،، هذا الي خلى الغرب يتفوقون علينا باشياء كثيره ان ينظرون للانسان بعلمه وليس بشكله وبطريقت لبسه كلامي هذا ليس من باب التمجيد لهم والعياذ بالله ،،
نقطه اخرى تستحق الوقفه '،،، كثير يقولون الحكومي منصف ولكن الحكومي بنظري غير منصف ( الا من رحم الله ) يتوظف واحد يمكن لايملك نصف شهادتي عشان اللهم انه ولد فلان او انه معه فتامين واو وغيره احق منه ويملك ضعف شهاداته وخبراته وجديته بنهايه مصيره البيت !! هذا انصاف بنظركم !! انا مااعمم بكلامي فالتعميم لغة الجهلاء ولكن اتكلم من واقع مر ووحقيقه امر ،، انا مومنه ان الارزاق بيد الله سبحانه مو بيد البشر وان ربي لو كتبلي وظيفه راح اتوظف غصب عنهم كلهم بس انا مقهوره من الوضع الي صاير ياليت كل واحد يتعامل بهالاسلوب اللدنيئ " اسفه على الكلمه " يتقي الله ولا يرضا لها مايرضاه لاخته او زوجته 'و تذكرو دائما وابدا ان من دق باب الغير دق الله بابه وانه يمثل البيئه اللي ربا فيها اولا وانعكاس للمبادئ المراءه الي ربته ثانيا وانه يمثل الممكان الي قدره واعطاه الصلاحيه في التوظيف ،، هي امانه فلا تستغلها للمصالح الشخصيه وحسبي الله ونعم الوكيل