السلام عليكم ،، ومبارك عليكم رمضان المبارك اخواني واخواتي اعضاء المنتدى

موظوعي اليوم عن استقلال حاجة الفتاه للوظيفه !! اتكلم لكم من تجربه شخصيه ومثل ماكتبت عنوان الموضوع " فشة خلق " يعني بدون كلام منمق وراح ارتجل الموضوع فاعذروني وسامحوني ،،
ليه كذا المجتمع الذكوري يستقل حاجة البنت للوظيفه ويحسسها انها هو الي راح يوظفها اذا تجاوبت معه وعطته وجه !! مايدري ان شهادتها بعد الله هي الي راح توظفها ،، يقعد يدق من جواله الشخصي ولا يرسل لها بروكاست بالواتس اب ولا حتى يتجرا ويكلمها باوقات غير مناسبه جدا ! برايك انت ياللي تتصل بوقت مشبوه ترضى احد يكلم اختك عن وظيفه بوقت زي هذا ! او ان احد يرسل لها واتس اب وكان العلاقه من الف سنه معرفه ! ترضى على نفسك حتى ان احد يتسغل حاجتك للوظيفه لغرض شخصي له !! ياناس انا اكلمكم وانا ابكي من هالحال يعني لازم اكون ماخاف الله عشان اتوظف ؟ كثير رحت مقابللات وانا اقسم بالله ان مرات وليس مره يرفضوني عشان اني اغطي وجهي ويوضفون بنات فاتشات اقل مني شهاده واقل مني خبره بس عشان تفتش له وجهها !! حتى ان في شركة كبيره لشخص معروف والله العظيم قالولي بالحرف الواحد افتشي وجهك وعبايتك حتى بوقت الدوام والدوام طبعا مكس اذا تبينا نوظفك ! وعرضو علي راتب وقدره بس عشان انفذ الي يبونه سبحان الله صارو يساومون الواحد بدينه ويغرونه بوسخ الدنيا عشان يتخلى عن مبادئه !! للاسف متعلمين بلا علم ومتخلفين بلا عاهه ،، هذا الي خلى الغرب يتفوقون علينا باشياء كثيره ان ينظرون للانسان بعلمه وليس بشكله وبطريقت لبسه كلامي هذا ليس من باب التمجيد لهم والعياذ بالله ،،
نقطه اخرى تستحق الوقفه '،،، كثير يقولون الحكومي منصف ولكن الحكومي بنظري غير منصف ( الا من رحم الله ) يتوظف واحد يمكن لايملك نصف شهادتي عشان اللهم انه ولد فلان او انه معه فتامين واو وغيره احق منه ويملك ضعف شهاداته وخبراته وجديته بنهايه مصيره البيت !! هذا انصاف بنظركم !! انا مااعمم بكلامي فالتعميم لغة الجهلاء ولكن اتكلم من واقع مر ووحقيقه امر ،، انا مومنه ان الارزاق بيد الله سبحانه مو بيد البشر وان ربي لو كتبلي وظيفه راح اتوظف غصب عنهم كلهم بس انا مقهوره من الوضع الي صاير ياليت كل واحد يتعامل بهالاسلوب اللدنيئ " اسفه على الكلمه " يتقي الله ولا يرضا لها مايرضاه لاخته او زوجته 'و تذكرو دائما وابدا ان من دق باب الغير دق الله بابه وانه يمثل البيئه اللي ربا فيها اولا وانعكاس للمبادئ المراءه الي ربته ثانيا وانه يمثل الممكان الي قدره واعطاه الصلاحيه في التوظيف ،، هي امانه فلا تستغلها للمصالح الشخصيه وحسبي الله ونعم الوكيل

والله كل كلمة كتبتيها صحيحة،،، وياما بنات عانوا من استغلال مدراء الاقسام،، ومسؤولين التوظيف،،،، وامثالهم
وياما نزلت مواضيع وكتبت ردود بخصوص استغلال بعض ضعفاء النفوس،، وخاصة المقابلات الشخصية والحقارة اللتي تحدث في كواليسها،، لدرجة تصل للتحرش !!!!!!وياما سمعت من ناس ثقة ويعملون بتلك الاماكن وشفت بلاوي من هالاشياء ذي،،، وقسم بالله في حاجات تحصل تشيب الراس،،وذكرت موقف قبل كذا اللي هو صاحب مدرسة اهلية يقابل المقدمات على الوظيفه بنفسه،، وهو رجل اعمال معروف بالمدينة المنورة مراهق طق الخمسين،،وحاط له سكرتيرة تنظم الحفلة حقت التقديم،،، واي وحدة ترفض انها تكشف وجهها مرفوضةّ!!!! ولازم انها تكون لوحدها تدخل مكتبه وتقعد معه،، واذا رفضت تمسك الباب!!!!! شي يجلط!!!! ومن غير بلاوي المستشفيات والبنوك،، والامكان المختلطة،، شي يحرق القلب ويخليه حطام،،،الله يلعن الوظيفة اللي تبي تضيع شرفي وحياتي،، مابي اكمل لاني راح يجيني باند متر ونص افضل اكتفي بكذا




شطحة ختام/

الاجتماع الماضي مع ادارة الشركة اللي موظف فيها،،، طبعا مالكة الشركة حرمة،، بس بالفترة الاخيرة سوت وكالة لزوجها الضايع،،، المهم خلاصة الموضوع،، وحنا نتناقش كيف نطور وكيف نزيد الارباح وكيف وكيف،، شطح صاحبنا بشطحة غريبة عجيبة،، قال شباب شرايكم ندخل العنصر النسائي بمجال عملنا؟؟!! سالته من باب الفضول: طال عمرك مجال عملنا اغلبه فني وميداني داخل الدوائر الحكومية والشركات والجمعيات وغيرها!! وين دور الفتيات بعملنا؟؟؟ طبعا مجال عملنا كاميرات مراقبة واجهزة امنية وحاسب الي وتجهيز معامل ومدارس ودوائر حكومية بقطع امنية وصوتية،، وغيرها،،

رد صاحبنا: ياعزيزي ترى تفرق يوم يكون وجه حسن قبلك جالسة بمكتبك وتكون زميلة عمل ،، ويبدا التنافس والحماس بينكم!!!

عرفت بعدها ان توظيف البنات احيانا اداة لتطوير الشباب!!! بنفس العمل!!! يعني بالعاميةــ خررررررررفنة

للاسف اليوم صاير تسويق العمل وتنشيطه بمظهر المرأة وجاذبيتها وهذا صدق وحاصل في زمننا ولايختلف عليه ابداً ,,لان المظاهر اساس كل شي واللي ترفض وماتندمج معهم فتخسر وظيفة هي محتاجتها فاالله يكون بالعون والخيرموجود ان شاءالله واللي يخافون الله ولايمشون وراء خطوط الوهم والتضليل قلة لكن موجودين الحمدلله الخاسرة الوحيده هي المرأة حتى لورضت بتخسر يعنى على الحالتين مامن سلامات الافضل ان الوحده تصبر وتبحث عن وظائف مومختلطة وعاقبة الصبرمن الله عظيمة من ترك شيئاً لله عوضه الله خيراً منه لوفيه معاناة بالظروف الاماربك ييسرها ,,والله يعوضك اختي باافضل مماتتوقعين وييسرامرك ..

احمد بطي ،،، اشكرك على التفاعل شي جميل رجل وكذا نظرته راقيه الله يكثر من امثالك

عاطله فقراته ،، اغلب الوظايف فيها اختلاط لو حتى غير مباشر مع المدير !! والحل !!

والله إنك صادقـــه ياختي أحس الوظايف المختلطه إنتشرت بشكل كبير وصار الواحد يتساهل فيها مو مثل أول فيه تحفظ كبير


وشوف عيني ,>>> موظفه قسم الموارد البشريه كانت تسوي مقابله شوي ورن جوالها ردت الا وهو المدير بصراااحه الله يستر عليها غيرت صوتها وصار فيه نوع من التغنج ومن بعدها كل شوي داق عليها والموقف الثاني موظفه كانت تتكلم عن راتبها وتقول اني رحت للمدير بنفسي ورفعت صوتي عليه قلتله ليه تزيد راتب زميلتي وانا لا قالي واهو خايف إبشري من الشهر الجاي برفعه لك <<< من وين جت هالميانه


بالنـــــــــــــــــهايه البنت تقدر تفرض أخلاقها وشخصيتها في أي مكان بس فيه بنات ضعاف نفوس تضيع قدام الفلوس والمدير يتفنن بمساومتها

موفقيــــــــــــــــــن

وعليكم السلام ورحمة الله

والله موضوعج ع الجرح

انا نفسج وتخصصي انجليزي وصار لي سنتين ونص متخرجه

موضوعج ذكرني بموقف من شهر صار معاي

في يوم رحت اقدم بشركه وطبعا انا مو رايحه بروحي الوالده وياي

ولما قابلت مسؤول التوظيف عندهم اول شيء كان يتكلم عادي و يسالني شنو شهاداتي واذا عندي خبره

الى هنا كل شيء تمام

بس انصدمت لمن قالي طيب عطيني رقمج للواتس عشان اتواصل معاج واعلمج بالجديد < اظاهر الاخو بيوظفني وزيره

طاح من عيني الصراحه

انا انصدمت اول مره انحط بمثل هالموقف واللي صدمني اكثر الجرأه منه

انزين انت ما احترمتني احترم امي طيب لا عادي اشكره يرقم

طالعت امي نفسي مصدومه ورديت طالعت فيه ما عرفت شقول ماحسيت بنفسي الا لمن قلت لا لا وقمت انا وامي وطلعنا


للاسف ان في ناس ما تقدر ولا تعرف ان الامانه شيء عظيم
وللاسف ان هالاشخاص يمسكون مناصب هم مو كفو لها
لا يخافون الله ولا يراعون واجباتهم عدل وان الله حط بين اياديهم امانه
لا يستغلون البنات للاسف
اتمنى ان هالنوعيه من البشر ما يكون في لهم وجود ولا سلطه حسبي الله عليهم
وبالنسبه للشركه اللي ذكرتيها اللي يقولون لج عادي كشفي انا اعرفها وصاحبها واصل عشان كذا ماخذين راحتهم مابي اتكلم اكثر خليني ساكته < كل هذا وما هذرت

والله يوفقنا وياج يا قلبي

عاطله وفقرانه ،، اسلوبك جدا مقنع ورائع مشاء الله اهنيك ،، الله يسهلك وتتخرجين بمعدل يخلي الوظايف هي الي تطلبك موب انتي الي تطلبينها قولي امين

احمد بطي ،، والله حنا الي نفتخر بواحد يحمل عقليه راقيه شرواك الله يخليك لاهلك ويكثر من امثالك المحترمين