بدء التسجيل بدبلومات جامعه الامام محمد بن سعود من جديد

الموعد الضايع · #**101** (**permalink**) 31-08-2013, 06:49 AM

اقتباس:

المشاركة الأصلية كتبت بواسطة يارب أفرج لي

بنات متى يبدأ الدوام الاسبوع الجاي؟ ولا اللي بعده؟مين يعرف؟

يبداء الدوام للدبلومت مسائي في 8-11

بالتوفيق حبيبتي

يارب أفرج لي · #**102** (**permalink**) 31-08-2013, 08:12 AM

اقتباس:

المشاركة الأصلية كتبت بواسطة الموعد الضايع

يبداء الدوام للدبلومت مسائي في 8-11

بالتوفيق حبيبتي

شكرا عزيزتي على الافاده. .الله يوفقك..امين

الرآقية · #**103** (**permalink**) 31-08-2013, 08:47 AM

اقتباس:

المشاركة الأصلية كتبت بواسطة ماعندها سالفه

مرحبا بنات

انا من ضمن اللي ارسلوا لها القبول بالانجليزي ومترددة عندي كم سؤال وابي جواب من البنات الدارسات او المتاكدات من جوابهم

الدبلوم كم سنة / كم يوم فالاسبوع وكم ساعه / جنسيات اللي حيدرسونا / المنهج اللي حندرسة انقلش فقط او فيه مواد اخرئ
يدرسونا من الصفر او لازم يكون عندك خلفية بسيطة

الرسوم حق اول ترم او ندفع كل ترم 5 / اللي درسة انجليزي كيف تدريسهم فيه ناس تمدح وناس تذم

ارجوووووووووووووووكم ابي رد اكيد من تخمين

وعليكم السلام ورحمة الله وبركاته
انا درست دبلوم ادارة اعمال في جامعة الإمام
وكان عندي صديقات يدرسون انجليزي
اولاً : ايام الدراسة , الإدارة 4 ايام في الأسبوع , الإنجليزي 3 ايام فقط
ثانياً : اي معهد في العالم اذا انتِ مجتهدة وتحفظي الكلمات الجديدة وتحافظي
على حل الواجبات بنفسك وتسألي عن كل صغيرة وكبيرة مافهمتيها راح تستفيدين
بدليل صديقاتي الي تهتم استفادت كككككثير , والي مطنشه ولا كأنها درست
بخصوص المبلغ تدفعي 5000 وترجع لك نهاية الدراسة , بعد ( سنتين )
ثالثاً : مدة الدراسة للانجليزي والإدارة (سنتين )
رابعاً : المدرسات اغلبهم مو سعوديات وتدريسهم روعه من تجربة شخصية
حتى انهم غير شديدات في التعامل ومرنات جداً ولله الحمد
ونصيحة اخت قدمي وادرسي وحطي في بالك هدف انك تهتمي وتذاكري كل
يوم بيومه , الإنجليزي تخصص مطلوب في جميع المجالات ويضيف لشهادتك الكثير
والله يوفقك حبيبتي ويوفق جميع الأخوات ,, اريد منكم دعوة بظهر الغيب بتوفيق من الله في جميع
امور حياتي وجزاكم الله خيراً وافرا ً ,,,

الرآقية · #**104** (**permalink**) 31-08-2013, 08:50 AM

اقتباس:

المشاركة الأصلية كتبت بواسطة هدوء روح

مبروووك للجمع - آنآ جآني قبول آدآره آعمآل - بس مدري آدخل وآلآ لآ - لان معي بكآلوريوس هل بتنفعني بعدين وآلآ تضيع سنيني هبآء - وآلآ آنتظر آلوظيفه؟؟ رآيكم يهمني ؟؟

نصيحة ادرسي , سنتين بتطير ماتدرين عنها
وتخصص الإدارة تخصص قويّ ورائع , ولأنك جامعية يكون بمثابة دبلوم عاليّ
انا شخصياً استفدت ذاتياً و من خلال التوظيف مفتوح لي مجالات كثيرة
انا جامعية ودرست دبلوم ,وموفقه حبيبتي

الرآقية · #**105** (**permalink**) 31-08-2013, 08:52 AM

اقتباس:

المشاركة الأصلية كتبت بواسطة خريجة تووحد

بليييييز بخصوص دبلوم الانجليزي كيف الاساتذة يعرفون يشروحون ولهم اساليب واضحة في الشرح ؟؟؟
وهل اكيد بس اول مستوى ندفع ويعفونا عن المستويات القادددمة ؟؟؟؟
وهل يرجعون فلوسي بعد ماخذ الشهادة ؟؟؟؟
سويت بحث في ناس يقولون ماستفادو من دبلوم الامام مو معقول ولا نسبة ٥٠ ٪ اكيد اللي يدرس بيستفيد لو النص عشان كذا مادري مين اسمع
ارجوووو الرددددد

جاوبت فوق , وموفقه حبيبتي

الرآقية · #**106** (**permalink**) 31-08-2013, 09:02 AM

اقتباس:

المشاركة الأصلية كتبت بواسطة وردة عطر

اسأله أخرى ..... وارجو اللي دارسين دبلوم برمجه بالجامعه حي النفل يردو علي :

بالنسبه لجوالات الكاميرا ممنوعه ولا شلون .. مع اني ماعتقد هالآيام في احد جواله مو كام ؟؟

واللبس على راحتي ولا فيه الوان وشروط وقلق ؟؟؟ والعبايه كتف ممنوع ولا لازم راس ؟؟؟

الدوام في الجامعه بالنسبة للدبلوم البرمجه كل يوم مافي اوفات ؟؟ صباحي ولا مسائي ؟؟ وكم ساعه ؟؟؟

الجوالات مثل الجامعات بالضبط
مافيه تفتيش ابداً , واذا بتكلمين ماتخلي الأمن يلاحظونك وكل امورك تمام
اللبس نفس الشئ اذا بتخالفين تحاولين ماتمرين بالأماكن الي فيها امن
واذا لبس مخالف على خفيف بعضهم يتركونك
يعني مافيه تدقيق , واذا مسكوك ورقة تعبيها وبس
مافيه ذاك التشدد , العباية على الكتف مسموحة حتى بوقت الدراسة وبالقاعة
اتذكر فيه بنات كثير مايشيلونها , والدوام 4 ايام في الأسبوع تبدا المحاضرات لجميع التخصصات الساعة 4 الاربع وينتهي الدوام حسب جدولك مرات 7 ومرات 7 ونص وفيه يوم او يومين الى 8
وموفقه حبيبتي

الرآقية · #**107** (**permalink**) 31-08-2013, 09:04 AM

اقتباس:

المشاركة الأصلية كتبت بواسطة نور الخرج

أنا جتني منهم رسالة الليلة تم قبولي في دبلوم اللغة الإنقليزية. . عندي مجموعة أسئلة و أكون شاكرة للي بيجاوب عليها
دبلوم الإنقلش كم سنة؟ وكم يوم بيكون الدوام في الأسبوع؟وكم ساعة؟ وبالتحديد الساعة من كم إلى كم؟وهل ينفع أقسط الرسوم ولا لازم كاش؟!

5000 كاش تحويل
والبافي جاوبت عليه فوق
وموفقه حبيبتي

الرآقية · #**108** (**permalink**) 31-08-2013, 09:10 AM

اقتباس:

المشاركة الأصلية كتبت بواسطة احيائية

بنات وش افضل بالانقلش دبلوم الامام والا دبلوم نورة انا معي بكالوريوس ومحتاجه لغه

قريت الامام ترمين ونورة اربع اترام بس ابي اعرف وش الافضل

الإنجليزي سنتين ياقمر في الإمام
وبرأي مافيه جامعة افضل من الثانية
فيه اهتمام ودراسة كل يوم بيومه
وموفقه

خريجة تووحد · #**109** (**permalink**) 31-08-2013, 10:12 AM

الراقية مشكورة ي قلبي على تجاوبك على استفسارات البنات مره افدتينا ربي يوفقك ياررررررب

طيب انا بسال بخصوص المواصلات كيف للي ماعندها احد يوصلها ؟
هل في باصات حكومية تبع الجامعة او باصات خاصة توصل بسعر معقول مثلا ٦٠٠ بالشهر او وحده اروح معاها واعطيها حقها بيتي في البديعة
ارجو الرد لان متورطة بالتوصيل

نور الخرج · #**110** (**permalink**) 31-08-2013, 04:34 PM

اقتباس:

المشاركة الأصلية كتبت بواسطة الموعد الضايع

حبيبتي ربي يسهل لك امورك شوفي الطريقة كتبتها لحبيبة نفسها لا تخافين دام ارسلو لك القبول باذن الله مقبولة

الله يسعدك و يوفقك ويحقق لك كل ماتتمنينة.. بس سؤال الكرت وبطاقة الضمان أوديها معي الجامعة لا رحت اطلب ورقة الإعفاء؟! وعادي اروح الجامعة وقت الصبح ولا لازم المساء؟!
لأني من الخرج و مشوار اروح مرتين

وتدرين وش الأيام اللي يداومون فيها دبلوم الإنقلش؟؟!