[frame="13 98"]
قال الغزالي :
إذا رأيت الله يحبس عنك الدنيا ويكثر عليك الشدائد والبلوى ..
فاعلم أنك عزيز عنده .. وأنك عنده بمكان ..
وأنه يسلك بك طريق أوليائه وأصفيائه .. وأنه .. يراك ..
أما تسمع قوله تعالى .. (( واصبر لحكم ربك فإنك بأعيننا))
[/frame]

سبحان الله جُعِلَت اقوال (البشر) قبل قول الله تعالى
يا اخي يكفينا القران وتكفينا احاديث رسول الله
لنكتف بوضع الاية وفقط، فالقران الكريم ، كتاب فصلت اياته ، وهو تبيان لكل شيء.
كفى به وفكونا من فلان وعلان وابن فلان وابن علان .
وجزاك الله خيرا على نيتك الصالحة وقصدك النبيل في التخفيف عنا

للاسف يا شباب يؤسفني ان ابلغكم ما قاله لي مدير فرع مصلحة الزكاة والدخل بجازان حينما سالته عن سبب التاخير فقال
اننا تواصلنا اكثر من مره معهم في الرياض ولكن دون جدوى وذكر لي انه في الغالب بنسبة 90% ان المسابقة
الغيت هذا ما احببت ابلاغكم فيه واسال الله لنا ولكم القبول

يشهد الله ي اخوان سويت هالموضوع من اضن شهر 8 الماضي اول ماجاء خبر التقديم وقدمت معكم وطلعت مع اول دفعه طلعت اسمائهم واستخرت ربي ومارتحت وتركت امر الوظيفه للخالق سبحانه ولارحت للمطابقه ويشهد الله من وقتها وانا الحمدلله بخير وماني محتاج هالوظيفهه واغناني ربي عن الوظيفة هذي**...الله يوفقكم ويرزقكم بالوظائف ودعوااتكم لنااا بظهر الغيب ..***

اعتقد السبب ان اللي كانو يطابقون كانو يطابقون بالشهادة الغلط
يعني تلاقيه مقدم على وظيفة على الرابعة متطلبها شهادة الثانوية فقط او الخامسة اللي متطلبها الدبلوم فقط والاخ جايب معه شهادة الجامعة وشهادات الخبرات
وغيره جايب معه شهادة الثانوي او الدبلوم




وزارة الخدمة لما ترفع لها الاوراق ما راح تعطية السادسة ولا راح تهتم بخبراته لان الوظيفة اصلا مقر لها تكون الرابعة


اتمنى اكون وضحت كلامي
وانا كنت متوقع هالشي من البداية من يوم اعلنو عن دفعة ثانية للمطابقة

[align=right]تساهيل يا شباب تساهيل
اليوم الصباح رحت للادارة العامة عندنا الرياض
وتوجهت لشؤون الموظفين ودلوني على موظف مسؤول عن المسابقة
ولد مهندم واخلاق استفسرت منه عن 3 شغلات وجاوبني بالاتي :
1- المسابقة ما اتلغت لسه يفرزون ويرتبون.
2- اول شهر اربعة راح يحددون موعد الاختبار والمقابلة اللي راح يكونو في يوم واحد.
3- بعدها راح يكون فيه فرز نهائي قبل ما يرسلون لنا المباشرة

وفقنا الله جميعا لما يحبه ويرضاه[/align]

مدام اهل هذه المنطقه محتكرين الوظايف لعيالهم واقاربهم فحنا رايحين فيها رايحين فيها الله يعين بس

انا مستغرب من شغلة . . . الحين مصلحة الزكاة تقديمها من شعبان شهر 8 يعني من قبل سبع شهور والى الان ما اختبرنا والخدمة المدنية قبل اسبوعين تقريبا فاتحة تقديم على وظايف شؤون موظفين وامس اعلنت اسماء اللي بيختبرون الاسبوع الجاي و طلع اسمي الحمدلله . . . محل الاستغراب ان مصلحة الزكاة شغلها مو مضبوط يا ان الموضوع في تلاعب يا انهم مو قد انهم يسوون مسابقة وظيفية !

المفترض يكون فيه مسائلة و رقابة على بعض القطاعات الحكومية كل شهر والثاني يطرحون وظايف ولا يلتزمون بمواعيد الاختبارات والمقابلة ولا الفرز ولا غيره تأخر مو طبيعي وغير مبرر يعني عندكم على سبيل المثال وزارة الخارجية في تقديم هذي الايام رغم انهم الى الان اذا ما خاب ظني ما اعلنو اسماء المقبولين في المسابقة اللي قبل سنة !!؟

<<صبرا جميل والله المستعان>>

انا مقدم على وظيفة مسجل معلومات وعندي شهادة حاسب آلي ستة شهور بس شاريها من معهد نيوهرايزن وما اجيد استخدام الحاسب ابداً والحكم بيد الله لو جاني نصيب وتوفقت الحمدلله ما جت كمان نشكر الله على كل حال