السلام عليكم :
ارجو من الجميع الرد
لماذا العسكريه مكروهه كل ما سالت عسكري تقول ابدخل العسكريه يقولك لا تقربهاا؟؟؟

ششوف ي خوي ابتكلم لك بصصراحه ولايزعلون الي يقلون لك لاتقربها
انت راعي سسفريات لاتقرب العسسكريةة مرهه
يجيك راعي سفريات يقول ي لبيه اخش العسكرية دورة 9 شهور راتب فوق 7
ويغتر يحسب ان سفرياته بتكثر واول مايتعين يطق موتر اقصاد ويروح راتبه ويدور اجازةة مايلقى
وقتها يقول للناس لاتقربونها خير يعني هي تضبط للي ماسسك نفسسه
يعني شف العسكرية كلها عسل الا المرور ابعدو عنهه لن والله اجلس مع كذا واحد
يقلون قبل مانتزوج ي لبيه بس يوم تزوجنا خربت اوم الاوضاع لن نظام دومها زفت وقافله معهم اربع وعشرين ساعه
اذا انت تبي افراد نصيحه من اخو لااخو لاتفوت معهد الدرسات الفنيه للقوات الجوية تتخرج وكيل رقيب فني دوام صباحي واومم الراحهه

اصلا مافي شخص راضي وظيفته سواء كان عسكري او مهندس او طبيب السالفه سالفة ملل من روتين عمله والراتب لو كان مليون تلقاه يشتكي لان كل مازاد الراتب يزيد الطموح واذذا تقول عسكري ابو راتب 7000 مطفر عشان اقساط سياره واجار وغيره حتى ابو راتب عشرين وثلاثين الف تلقاه يقسط اراضي واجارات فلل وغيره

اتمنى ان الفكره وصلت يالغالي

تحياتي

سُئل الإمام أحمد
متى يجد العبد الراحة؟
فقال:عندما يضع العبد أول قدم له في الجنة وقبل ذلك فلا راحة.

مافي وظيفه مريحه كل الوظائف ملل عشان كذا الواحد لازم يتعب وياخذ رزقه بعرق جبينه

وعليكم السلام ورحمة الله وبركاته

والله اعرف كثار عساكر مو مرتاحين في عملهم ، وأعرف كثار مرتاحين وعندهم الأمر عادي
هي حسب القطاع الي أنت فيه ، وحسب الشخص ورغبته وميوله

زي ماقالوا الاخوان اصلاً كل واحد يشتكي من وظيفته لأن الدوامات كلها تعب
لكن الدعوة ميووووووول ورغبة يمكن هذاك العسكري الي نصحك تبعد عن العسكرية مهو ميوله
يكون عسكري فعشان كذا نابذ العسكرية ، غيره لا، ميوله يكون عسكري وعاجبه

طيب اقوله من البداية دام ميولك وظيفة ثانية غير العسكرية ليش اخترت انك تصير عسكري
تحديد مستقبل ذا الواحد مايدخل في أي وظيفة إلا بعد مايفكر الف مرة اذا هي ميوله روغبته
وعاجبته هو أو لا، أهم شي هو ماعليه من الغير المسألة مثل مسألة الأذواق هذا ذوقه يعجبه
اللون ذا وهذاك يعجبه اللون ذاك اتمنى انك فهمت

واذا انت ميولك مب العسكرية ابعد عنها وشف وين ميولك ورغبتك الوظيفية في أي مجال وادخله
والله يوفقك

عشقتها شمطاء وشاب وليدها

وللناس فيما يعشقون مذاهب