السلام عليكم ورحمته الله وبركاته

عندي استفسار بسيط عن شركة السنبلة (شركـة صناعات الأغذية و العجائن الفاخـرة المحـدودة ) بجدة ..

كان عندهم تقديم قبل فترة وقدمت والحمدلله اتصلوا علي .. وسويت مقابله شخصية في المبنى الرئيسي خلف الجمجوم .. وسويت مقابله في المصنع في المرحلة الثالثة ..
اللي سويت معاه مقابله في المصنع اعطاني اوكيه وقال تمام كل شيء .. قال شوف انت الراتب يناسبك او لا ..

اولاً : اللي عنده خلفية عن الرواتب والحوافز والبدلات لا يبخل علينا بالذات المشغلين على خطوط الانتاج ..
ثانياً : اذا احد له مشكله معاهم او شيء ..
ثالثاً : اللي عنده خلفية عن بيئة العمل الداخلية

شاكر لكم تعاونكم ..
والله يوفقنا وويوفقكم اجمعين ..

يحي الشامي
نصيحة ياأخوان للي حابين يتقدموا للشركة ذي شوفوا عروض ثانية أحسن لان الشركة ذي عليها شكواي كثير من موضفيها عند مكتب العمل والله على ماأقول شهيدا
قلب الحقيقة
السنبله سمعتها مو زينه ابد بسبب تسلط الاجانب فيها ومضايقتهم للسعوديين . كثير اعرفهم كانو يشتغلون فيها وقدمو استقالتهم بسبب التطنيش والمضايقات ..
هاذي ردود بعض الاعضاء هنا ع موضوع وظايف السنبلة في قسم ثاني انشالله تفيدك

اهم شي يالرجال اسأل مزبوط لانه مو كل مايقال صححيح ماتعرف يمكن تتطلع مجرد اشاعات وتروح عليك والله اعلم مابغى اشوه سمعة الشركة

<<<<<<<<<<<<<<<<<<<<<<<<<<<<<<<<

يااخوان اللي قدم وراح او اللي اشتغلوا فيها نساء او رجال ينورونا

الكل يشتكي عليهم وماحنا عارفين وين الصح وماحد يبي يحكي شكلهم موقعين الموظفين عندهم ع تعهدات طيب نورونا علشان مانتورط خصوصا الولايا والحريم مايتورطوا اذا هم مايخافوا ربهم نبغى تجربة للناس اشتغلوا في الشركة

انا بقول لكم ايش صار مع قريبتي من اسبوع

اعلنوا عن وظائف للنساء وراحت قريبتي وقدمت وعبت استمارة


واعطوها استمارة قالوا لها ارجعي البيت وعبيء الاستمارة وتجيبها اذا دقوا عليها

بعد مارجعت البيت دق موظف التوظيف قالها انهم مايوظفوا جامعيات

قالها قدمي بشهادة الثانوي

قالها:: بتشتغلي براتب اللي عندها ثانوي

مو بعدين تقولوا نبغى زيادة راتب علشان الشهادة كيت وكيت

خلاص كذا <<< قالت اوكي نبي نشتغل ونثبت لكم اننا جادات ونبي نتعلم ونشتغل


الموهم المقرف في الموضوع كل خمس او ست دقائق يتصل يقول هاتي معك ورقة الهوية


ثم يقفل السماعة <<<

ثم يدق مرة ثانية هاتي ورقة الايبان <<<

ثم يدق هاتي صورة من شهادة كذا <<<

مايقول كل الاوراق اللي يبغونها مرة واحدة

ياصبرها لو انا منها اقفل في وجه السماعة

يطفشوها من البداية ولسه ماعملت مقابلة شخصية


اتصل بعد ساعة قال لازم تجيبوا الاستمارة والاوراق الحين لان باب التسجيل بيقفل


وانا دخلتكم بالعافية وارسلي اي واحد من طرفكم يجيبها <<<<<< يبي يمنن عليهم احس انو كذاب

ثم يدق مرة عاشرة ويقول لازم تجوا الحين <<<< ؟؟

قالت من شوي تقول اي احد يجيبلكم الاوراق قال/ لا ,,المقابلة الشخصية الحين <<<

لسه مابدأوا الناس معهم شغل كذا يعملوا

في عز الظهيرة راحت لهم ثم جاء مسؤول اكبر من الاول يقول انه مسؤول توظيف <<<<اجل

هذاك اللي اعطاها الاستمارة ويتصل كل دقيقتين

على الناس ايش وظيفته ا وقال لهم انه هو المسؤوول << كام عندهم مسؤوول بالضبط

المهم قال المسؤول مكان القاعة حق المقابلات مشغول الحين في اجتماع

والوظيفة هتكون في مصنع تابع لهم مو عندنا << يستهبلوا هذول

انتهى....
______

السؤال المهم ماعرف له اجابة

هل هذا تصرف فردي من موظف مايعرف ابسط اساليب الادارة ؟؟

او انهم اصلا شركة مافيها تنظيم وتنسيق كل شيء بالبركة كل واحد يدق وستهبل ؟؟

او انه تطفيش مخصص ومع سبق الاصرار والترصد للسعوديين ؟؟

او تطفيش لانو مايبغوا جامعييين ؟؟

او تعاملهم مع الموظفات كيف ؟؟؟؟؟ مابغى اظلم احد ؟؟ ويارب مانظلم احد

لكن تصرفاتهم واتصالاتهم الكثيرة تخلي الفار يلعب في عبي وفكري وعقلي ا

واحيانا اقول اكيد يبوا يطفشوا السعوديين علشان يخافوا ويهربوا صح ولا نحن طيبين كثير

ومافي بلاوي في هذه الشركات

اكثر شركة غامضة هذي الشركة

وكل من يشتغل فيها يهرب مايقول تجربته ..وناس تقول مشاكلهم كثيرة في مكتب العمل


بعدين يهذول اصحاب الشركات والجيوب المنتفخة والعقول الصدئه يقولوا لنا عبارتهم الشهيرة



ا(((انتم ياسعوديين ماتبوا شغل مانتم جادين ))


طيب ويش تسموا هالتصرفات والتطفيش قبل المقابلة الشخصية

ماقووول غير حسبي الله ونعم الوكيل في اللي حطم احلام وآمال اولادنا وبناتنا


وسلامتكم

جزاك الله خيرا