لاحول ولاقوة الا بالله

انا قبل شهر كانت تتواصل معاي وحدة من مندوباتهم كل ماقولها طيب لية ماتخذون فلوس الدورة من الراتب تقول ماينفع انت ليش خايف احنا عندنا نظام طفشتني لين قلت ماعندي فلوس صارت ترسل على الاميل دروس تقول انت شوف الدورات راح تعجبك والله الحمدالله اني مارسلت لهم فلوس

الحين ياكثر الشركات الي زي كذا توهم العاطل
وهنا مافي نظام عشان نعرف ان الشركة نظامية ولالا المفروض في تعليمات ل طالب العمل عن كل شي نظاميا في الشركة الي راح توظفة

شكراً لك على النقل

الشركة تستاهل ماجاها ..

مدير الشركة مصري وسبق أن عرضوا علي العمل معهم ولما عرفت اشتراطهم الدفع رفضت قال لي مو مشكلة سوقي لنا براتب من غير ما تدفعي قلت عملكم محرم فكيف أسوقه !

أساسا أي شركة من هالنوع معروف أنها تمارس النصب

أي أحد يشترط عليك العمل مقابل الدفع فهو نصاب من جانب ويحل الحرام من جانب آخر لأن اشتراط الشراء محرم حتى لو بهللات

وتأكدوا أن ما فيه أحد يستقطب العشرات ( إعلانهم للمسوقين بعدد مفتوح ) للتسويق له بستة آلاف وعمله مشروع ! الأعمال من هالنوع دائما مضروبة

ما أنسى أقدم الشكر لمعالي وزير التجارة جزاه الله خير

هالوزير من يوم استلم الوزارة وهو يقدم عمل رائع

وعلى فكرة الشركة تعرض ٦٠٠٠ لجر طالبي العمل بالمبلغ وهي في الحقيقة تأخذها مضاعفة بالدورات الوهمية عن طريق النت

تقدم حزمة دورات وكل دورة بمبلغ لا يقل عن ٥٠٠ ريال

الحمدلله رب العالمين

شركة ماجستي من شركات النصب والإحتيال والتلاعب بالاموال
وفيه كثير شركات مثل هذا النوع [[[ خصوصاً في مجال التدريب عن بعد !! ]]]

طبعاً اكبر مصيبة يسوونها انهم كل مره في مقر وكل مره للشركة اسم
وكمان حتى العناوين وارقام الهواتف وكل شيء يتغير بشكل دوري
حتى يكسبوا اكبر عدد ضحايا

احذروا يا اخوان من هالشركات

ملاحظة مهمة :
أي شركة تطلب مبلغ لدورة او لخدمة مقابل توظيفك لا تتعامل معهم
كمان اي شركة تقولك ادفع قيمة منتج وبتكون مندوب معنا لا تتعامل معهم لانك بتورط في النهاية ..

اللهم بلغت اللهم فأشهد...

السلام عليكم

الله يبشرك بالخير

والله يقويهم ويكشفون باقي شركات النصب