عطيف مع مين تحكي لكن ارجع واقول مبني الضمان كبير وعدد المراجعات كثير وانا من وجة نظري المتواضعه وجود بوفيه لبيع الكافي والمي وبعض الماكولات الخفيفه مهم مثله مثل اي مكان حكومي ترا حتى المدارس يبيعون فيها ماكولات منزليه وبالهبل اي مكان خاص بالنساء لازم يكون كذا ((مركز غرناطه مول شهير شمال الرياض من تدخل تلقى حريم باسطات جوا مو برا فما بالك بالضمان الله عاد حسستوني ان الضمان شي اقول خلونا ساكتين بس ))

الله المستعان

خليهم يترزقون عادي المهم الرزق الحلال ولا تنحوج لي الناس تحملي الريحه لين تخلص معملتك ومن سنه لسنه انتي راح تحضري ويكون ربك فرجها عليها حسبي الله ونعم الوكيل

هو صح رزق..بس من غير اللائق مكان رسمي وتقديم معاملات رسمية حكومية فيه بسطات وروائح؟؟؟اجل اسمحو للكل يبسط في المستشفيات والمطارات والجوازات والاحوال ...الخ

صدق من قال الرازق في السماء والحاسد في الارض

الضمان مكان للمحتاجين واللي رايحين يسألون و يأخذون اموال زكاه

وماهو قصر ولا مكان راقي

ترى هم احسن منا على الاقل باعوا وخذوا ثمنها بجهدهم , احنا اللي رايحين نطر ونأخذ زكاه

(( الا اذا انتوا مو محتاجين ومناشبين الفقراء هذا شيء ثاني ))

لان مايحس بالفقير الا اللي مثله

وسامحوني على كلامي وصراحتي

بس شيء غريب صراحه! عندك استعداد تقطعين رزقها ويمكن هي بأشد الحاجه لهذا الرزق وترسلين لصحف بس علشان مظهر لائق !!!

تخيلي نفسك محلها ويجي واحد يقطع ضمانك ويقول الضمان طراره !!

يعني الحين صار البيع غير راقي والسؤال واخذ الزكاه راقي !

يأختي كلنا معهم في الهواء سواء والمكان كله على بعضه حق ناس محتاجه ولا مجال لكلمه راقي او لائق

في مكان نمد يدنا فيه للغير ونأخذ فلوس.

وقطع الرقاب ولاقطع الارزاق

لاحول ولاقوه الا بالله

استعيذي بالله من الشيطان الرجيم و الله يرزقك ويرزقهم ويرزقنا ومانحتاج لاحد .

يسلم تمك يانكا ///اانا من مقطوعه لمقطوعه اروح الضمان واقول بنفسي يارب اغنيني عنه وتكون هذي اخر مره اجي هالمكان اللهم ارزقنا الرزق الحلال وبارك لنا فيه : رباه نصرك مالنا إلاك
نرجو إله العرش منك رضاك
رخصت دماء بني الحنيف وأجلبت
جندالمجوس تجوس بين حماك
انصر عبادك مالنا من حاجة
إلا إليك ولا نريد سواك

ياحبيباتي مو معقوله محد فهمني غير المنتصره بالله
يااخوات يعني انا شريره والاحسوده للدرجه ذي
وبنزل موضوع عشان حاسدتهم طيب ليش احسدهم
مو انا محتاجه مثلهم
لكن ياحبيباتي الله يرضى عليكم خلو عنكم العصبيه والنرفزه وافهمو الموضوع مع انه واضح مايحتاج اشرحه
انا اقول مبنى حكومي رسمي
يعني تتخلين نفسك داخله مستشفى وعلى يمينك ويسارك بسطات وحطي بين بسطات قوسين
انا ماقلت كشك مرتب ومصرح وماخذ مكان مناسب في الدائره او المستشفى هذا اوكي على الاقل يعرض بضاعته بشكل مرتب ورسمي ومكان مناسب
لكن تخيلي لو انها بسطات وجلابيات وكشري وحريم باسطات في الارض في ممرات المستشفى الرئيسيه والا الاحوال والا المحكمه بالله عليكم تشوفونه عادي؟
انا كم مره رحت المحكمه وفيه بسطات لليل لكن حوالينها من الخارج وعند المداخل من الخارج
اللي يبيع مساويك والامنتو الخ
عادي مااانتقدتهم ولاعمري فكرت انتقدهم
لكن داخل مبنى رسمي ووين ؟؟ بين كراسي الانتظار امام شبابيك المراجعات
والضمان من اسمه ضمان وسند بعدالله من الدوله ماتسمعين الميزانيه لما يقولون مدري كم مليار لصالح الضمان والشؤن الاجتماعيه ؟؟
هذي زكاه؟ لو زكاه مااعطو المطلقه اللي ابوها هامور ولااعطو الارمله اللي تركلها زوجها ارث وبيوت ووالخ
هذا سند سند وحق لهذي الفئات على الدوله لو هو مجرد زكاه كانت الدوله وضعت شرط الفقر على المستحقين لكن مو فيه هالشرط والدليل المطلقات والارامل بعضهن طبعا وليس الكل
هذي اموال من الدوله حق للمواطن وليست زكاه وان كانت فيها زكاه وتدعم منها فما فيها شي
الغني يعطي الفقير وهكذا

فراشه دارين انه محل حكومي بس انتي كل يوم تروحين الضمان في السنة مره

لا ياحبيبتي اسمحي لي اصحح لك معلومتك يانور عيني

اموال الضمان هي اموال زكاه كلها وليست من الحكومه واللي يأخذها وهو مو محتاج حرام شرعا

والكل يعرف انهم اموال زكاه

واذا مو مصدقه هذا موقع الضمان

شوفي الفقره الثالثه ياقلبي

http://www.mosa-d.gov.sa/daman/wathekh.html

وبأمكانك سؤال من تريدين .

اما كونه مبني رسمي او غير رسمي هذا مايعطيني مبرر اكون سبب بقطع رزق انسان فقير خاصه لسبب تافه

والله لو انا اللي بكون سبب بقطع رزق وحده وزياده عذابها , ضميري بعذبني لدرجه ممكن يقتلني .

فستهدي بالله ياقلبي واتركي الخلق للخالق