الضمان مكان للمحتاجين واللي رايحين يسألون و يأخذون اموال زكاه

وماهو قصر ولا مكان راقي

ترى هم احسن منا على الاقل باعوا وخذوا ثمنها بجهدهم , احنا اللي رايحين نطر ونأخذ زكاه

(( الا اذا انتوا مو محتاجين ومناشبين الفقراء هذا شيء ثاني ))

لان مايحس بالفقير الا اللي مثله

وسامحوني على كلامي وصراحتي

بس شيء غريب صراحه! عندك استعداد تقطعين رزقها ويمكن هي بأشد الحاجه لهذا الرزق وترسلين لصحف بس علشان مظهر لائق !!!

تخيلي نفسك محلها ويجي واحد يقطع ضمانك ويقول الضمان طراره !!

يعني الحين صار البيع غير راقي والسؤال واخذ الزكاه راقي !

يأختي كلنا معهم في الهواء سواء والمكان كله على بعضه حق ناس محتاجه ولا مجال لكلمه راقي او لائق

في مكان نمد يدنا فيه للغير ونأخذ فلوس.

وقطع الرقاب ولاقطع الارزاق

لاحول ولاقوه الا بالله

استعيذي بالله من الشيطان الرجيم و الله يرزقك ويرزقهم ويرزقنا ومانحتاج لاحد



قسم بالله قلت اللي في بالي بالضبط

الله يوفقك يارب ويسهل امرك



ولصاحبة الموضوع اذا انتي موظفه في الضمان وتروحين يوميا ذاك الوقت اعترضي وازعلي

يعني جت على هذي ؟؟؟

كل شي في الضمان غلط في غلط

الله يهديكم كلام فراشة صحيح ومعاها حق ٪ ماحد قال اقطعو رزقهم بس يبسطون في دائرة حكومية !!معليش هذي فوضى

الاختلاف في الرأي لايفسد للود قضيه واشكركم على النقاش الراقي اللي يدل على رقي اخلاقكم وانا مارح اقطع رزق احد الله لايقولها ورأيي بحتفظ فيه لنفسي بس مازلت متمسكه فيه واشوفه شي غلط

بالنسبه للي يقولون انه مبنى للفقراء والمحتاجين ومو لازم يكون فخم ومنظم ياخي ليش اشبهم الفقراء والامايستاهلون مبنى منظم وراقي
انا عارفه خانك التعبير لكن صدقني مهما كان مافي زي النظام والترتيب وهالشي يفرح كل فئات المجتمع خاصة الفقراء

الله يرزقهم ويرزق المسلمين

ههههههههههههها