السلام عليكم ورحمه الله وبركاته
يا اخوان هذي اول مشاركة لي في هذا المنتدى الاكثر من رائع وحاب اخذ رايكم في موضوعي لا هنتم انا خريج قسم الكيمياء العام الماضي وكنت ايام الدراسة اسمع انه افضل الاقسام من ناحية كثرت وظائفة بعد التخرج لكن بعد ما تخرجت ماحصلت ولا وظيفة لي سنة عاطل قدمت على سابك وارامكو بس ماقبلوني طالبين معدل 2.50 وانجليزي تحدث وكتابة وتدريس ما اجتزت اختبار المعلمين وكل ما اقدم في مكان يقول مانبي كيمياء حتى اداري ما يقبلوني ايش السوه كفاية سنة ضاعت عليه مابي اجلس سنة ثانية ,,, طيب لو حاب اتوظف فني مختبر ايش ادروس ولا اخذ دورة ولا لازم اكمل ماجستير تكفووون الحقوني بحل والله تعبت من كثر ما اقدم ومن الطفش والعطله نصيحة تكفوووووووووووووون وبالتوفيق للجميع

ينقل للقسم المناسب

الله يوفقك يارب, حاول انك تقدم على الشركات , ضبط السي في الأول , قدم على صدارة , ساتورب و غيرها من الشركات ,, الوضع هالايام مع الشركات صعب , والواسطات , الله يعين

[align=center]


وظيفة فني مختبر تقدر تتعين عليها بشهادتك في أي مكان ..

أنصحك .. قدم على الوظائف السنوية اللي تطرحها الجامعات على مستوى الممكلة ..

لأن فيه احتياج كبير جدا في الجامعات..

وغالبا وظايفهم على المراتب 6 ، 7 ولا ترضى بأقل من كذا..

كمان فيه احتياج كبير لفنيي المختبرات في ارامكو وبترو رابغ وسابك وطالبين حديثي التخرج

وانت بإذن الله تلحق عليهم لأن مالك اكثر من سنة


وبالتوفيق يارب ...
[/align]

وعليكم السلام ورحمة الله وبركاته

شوف هذا الموضوع , فيه عرض وظيفي من دهانات الجزيرة تخصص هندسة كيمياء قدم ولا راح تخسر شيء

https://www.btalah.com/t517653.html#post7500600

وهنا كمان مدرسة هلا بجدة

https://www.btalah.com/t516342.html#post7486026

يارجل عندك هيئة الغذاء والدواء رواتب حريقة وانا مقدم عليهم

اول راتب لن يقل عن 12000 ريال غير الاوفر تايم والدورات الدخالية والخارجية وطبعا التامين الطبي موجود


والشغل ترى اي كلام وتجلس على مكتبك مرتاح ولا حولك شئ ماعندك غير هالجرايد تقراها وبس

- تابع اعلانات هيئة الغذاء والدواء بشكل مستمر
- بعض الهيئات والمؤسسات الحكومية تطلب فنيين مختبر بتخصص كيمياء
- شركات الأدوية ترغب بتخصصك جداً .. انا لا اعلم عن موقع سكنك لكن لدينا بالقصيم شركة الدوائية سبيماكو ترغب بهذ التخصص .
وهناك شركات اخرى بالدمام و جمجوم فارما بجدة وغيرها .

بالتوفيق