15-06-2013, 11:06 PM
|
 |
عضو نشيط
|
|
تاريخ التسجيل: Jun 2013
المشاركات: 137
معدل تقييم المستوى: 24
|
|
اقتباس:
المشاركة الأصلية كتبت بواسطة عاطل رقيب اول
بسبب نفسية بعض المدربييين الوسخه
بيعاملوو المستجدين معامله جدا سئيه وانواع الاهانات وقلة الادب منهم
مايكفي المستجد نفسيته تعبانه بسبب النظام الصارم من ناحية قلة عدد ساعات النوم او المجهود البدني او بعده عن اهله وانقطاع شبه تام عنهم
يقوم يكمل عليهاا المدرب المريض ..!
واستغرب من الناس الي تقول الميدان او العسكريه مصنع الرجال..!
يعني المدني ماهو رجال ؟؟
ياخوي ترا الموضوع موضوع تحمل فقط لاغير ف لاتقولي مصنع رجال وكلام فاضي...
|
انا مقدم على العسكرية والله يحقق لي الي اتمنى ويوفقني
وان شاء الله ماني هارب من الدورة لو ايش
بس كلام الأخ عاطل رقيب اول صحيح ، يعني أي رجال مدني مب رجال
عشان يثبت لكم انه رجال لازم يروح عسكرية يمكن رغبته وظيفة ثانية غير العسكرية
يعني يغصب نفسه على العسكرية عشان يثبت لكم انه رجال، او رغبته عسكرية وقدم وما اقبلوه
وصار مدني .
فيه ناس عندهم ظروف، بعضهم جسمه ضعيف ومافيه لياقة او لياقته ماشي الحال
وبعضهم جسمه قوي من كثر الرياضة والاكل المفيد ولياقته فل وتمام التمام
ويفصل ذاك ويستمر ذا
والسبب اللياقة مب المرجلة ، وبعضهم عنده اسباب وظروف ثانية
والله العسكرية مالها دخل بالمرجلة ابد بس واحد عنده لياقة وجسمه قوي من كثر الرياضة
ويضغط على نفسه ويتحمل وبس، وذاك يطلع ويفصل هذا الفرق ولا يمديه يضغط على نفسه زي ذاك
ويقعد ( هذا في حال ماكان عنده ظروف مثل ضعف اللياقة وقلة ممارسته للرياضة وامراض وظروف اخرى )
واصلا ياكثر الملعنة الموجودة في العسكرية مثل السب والاهانة والجزاوات وغيرها
مالها دخل بالحرب ولا راح تنفع الواحد بالحرب لو انه يطبقها، زي السب والاهانة والهياط ورفع الصوت
و حرق اليد بالشمس
والي يزحف على ظهره في عز الحر وغيرها من الجزاوات والملعنة، كلها خرابيط مالها داعي بالحرب
انا لو اني بحرب ماني قاعد ازحف بظهري بالشمس على ارض حاره بعز القايلة والحر
بقوم وبحارب لو سويت كذا دعس علي العدو ووطاني ههههه
وللمعلومية العسكرية في الدول الثانية يدخلونها حريم بعد مثل الجيش الكوري والبريطاني والامريكي
ومثل الشرطيات في الدول الثانية الغربية والاوروبية ياكثر مانشوف شرطية وحريم عسكريات
البعض عندهم تفكير متخلف ان العسكري هو بس الرجال والمدني مو رجال
وان الي يفصل مو رجال بعض الي يفصل عنده ظروف وبعضهم كذا رغبته يفصل بكيفه
اذا بيقعد مغر رزقه واذا بيطلع محد راده بس مب معناته انه مب رجال
هذا بس توضيح للي تفكيرهم كذا ان الي يهرب صار حرمة مب رجال
المرجلة تدرون بوش المرجلة بالطيب والردى ، الطيب والنشمي هو الرجال
والرخمه هو الردي والي مافيه فزعة ولا مرجلة
والله يوفقهم الاشناب الي بيدخلون اي دورة منحدين ويدورون رزقهم
وان شاء الله محد منهم يفصل وان كلهم يلقون رزقهم ويتوفقون
التعديل الأخير تم بواسطة معالي الضابط ; 15-06-2013 الساعة 11:10 PM
|
العرض العادي
