حســـــــ.ـ.ـ.ـ.ـ.ـ.ـــآويــــ....ـــه

majed27 · #1 (**permalink**) 17-06-2008, 03:11 PM

السلام عليكم
... تعالووووووو شوفوا شالمدح الي مادحينه في أخوانا الحساويه
... صج لهم الفخر واحلى فخر
.. .. تفضلوا

والله ونعم فيكم يا اهل الأحساء

.. ايـش عليكم .. يا الحســــــــاويه
.. يا مهندسين …. أو مدرسين.. او رتب في .. العسكريه
.. والسيارات ... تموتون .. في الكابرس
.. بشرط .. بيضه من بره .. ومن .. داخل .. عنابيه
.. ايش عليكم .. يا الحســـــــــاويه
.. عندكم ... عين ام سبعه.. عندكم ... عين الجوهريه
.. عندكم .. جبل قاره .. مع .. سوق
.. القيصريه
.. وكلامكم .. تمطونه .. مط
.. صاير مميز .. وله .. نغمه .. موسيقيه
.. ايش عليكم .. يا الحســــــــاويه
.. في .. اعراسكم .. تحبون ... العنيه
.. البنت مهرها .. اربعين .. والثياب.... بعشرين.. وشويه
... وعمتك ... وعساها .. ما حبتك
.. واجب ... تحب راسها ... وقت .. الصباحيه
ايش عليكم .. يا
الحســــــــاويه ..
.. حريمكم .. اما .. معلمه .. أو .. جامعيه
.. توفر .. لك .. القرش .. تحطهم .. في ... جمعيه
.. وتعينك .. يشهد الله .... ما هي .. رديه
.. ايش عليكم .. يا الحســــــــاويه
.. فيكم .. صفات الطيب .. و ناساً اجتماعيه
.. فيكم... كريم النفس.. و فيكم .. قوي .. الشخصيه
.. وصدقوني .. لو ادور .. كل السعوديه
.. ما راح .. القى مثلكم .. يالحساويه
ايش عليكم .. يا الحســــــــاويه
******
كيف تعرف الحساوي؟؟

-1 اذا صلى الفرض وانتهى من صلاته... وانتهى من التسبيح التفت على اللى في
يمينه وسلم عليهم والتفت على اللى في شماله
وسلم عليهم

-2 اذا شافك وقابلك في الطريق سلم عليك سواء كان يعرفك او ما يعرفك

-3 اذا جاورته ما لقيت من وراه اذيه , يعني ارقد وآمن

-4 تلاقيه بسيط , طبيعي , سموح , وسيع صدر , وعلى نياته

-5اذا طق عليك الباب عطاك سله فيها ارطب خلاص او غر واذا جى وقت الصرام ما
نساك من التمر الزين

-6تلاقيه غارس في بيته فسيله وتشوفه مهتم فيها بنفسه

-7 تلاقي عنده سيارتين , الاولى كابرس يروح عليها الشغل , والثانيه سوبر حق
طريق مكه

-8 تلاقي طموح ابناءه اذا تخرجوا من الجامعه انهم اما يصيرون مدرسين في
الحكومه او مهندسين , وازيدك من الشعر بيت .. كل واحد منهم
يبي يتزوج مدرسه ويسكن في شقه لحاله

-9 اجتماعي من الطراز الاول , يعني ما تمل من سوالفه
-10 يزعل لكن قلبه ابيض بسرعه ينسى وعلشان كذا ما تلاقيه حقود .. واذا كان
حقود يعنى شاذ عن القاعده

-11 اذا شاف شي غريب
اول مره يشوفه او يسمع فيه .. قال .. الله شذاذاااا ..

-12 اذا قلت له... على كيفك... رد عليك وقال... ما يحصل

-13اذا جاء شهر رمضان طق عليك الباب وعطاك صحن هريس من طبخ ام عياله
وتلاقيها
متنغصته حق زوجتك

-14 اذا طلع تقاعد... تلاقي طموحه عماره في الخبر او الدمام... ومزرعه في
الحسا فيها بركه سباحه .. وتنور حق المندي

-15 يخاف من العين .. علشان كذا تلاقيه يقول لك .. قول ما شاء الله

> -16 اذا كان ساكن في الدمام , الخبر , الظهران , الجبيل او اي مدينه اخرى ,
وجا ء يوم الاربعاء حرك ونزل الحسا , و فوق كذا يحب يقضي العيد يم اهله
وجماعته هناك..

-17 ما ينساك في العزايم والمناسبات , يعرف الاصول وكريم

-18 اذا شميت ريحة المشموم ' الريحان ' في بيتك اعرف ان زوجته كانت تزور
زوجتك

19 يستانس وينبسط الى من شاف له ناس من اهل الأحساء

مع أطيب تحية

شهري وبس · #2 (**permalink**) 17-06-2008, 03:16 PM

ونعم فيهم

The CrowN · #3 (**permalink**) 17-06-2008, 03:23 PM

والله وميه نعم باهل الحسا
بس الصفه هاذي حلوه

اقتباس:

-11 اذا شاف شي غريب
اول مره يشوفه او يسمع فيه .. قال .. الله شذاذاااا ..

المميزة2006 · #4 (**permalink**) 17-06-2008, 03:40 PM

تسلمووون يااخواني ونعم فيكم والله
وهذا فخر لنا يالحساويه
تشكر ياصاحب الموضوع

زيدان · #5 (**permalink**) 17-06-2008, 03:58 PM

لقيت نبذه مختصره عن اهل الحسا ..

ونعم فيهم وبنفوسهم الطيبه ..

شكرا لك ياماجد ع الموضوع الجميل ..

سآحب ع آلدنيآ جلنط · #6 (**permalink**) 17-06-2008, 04:10 PM

والله ونعم فيهم وفي طيبة قلبهم

سلمت ماجد

فضل · #7 (**permalink**) 18-06-2008, 02:08 AM

فديت أهل الحسا

ونعم الجيرة ونعم الناس

أم الوظائف · #8 (**permalink**) 18-06-2008, 02:20 AM

والله ما لقيت لين الحين من كل سكان السعودية بمثل طيبة قبل الحساوية...

ناس قلوبهم بيضاء نقية .. تعرف منهم الخير وما تشوف منهم الردية...

حريمهم عسل على عسل... ورجالهم اهل علم واخلاص...

كرمهم وانشد انهم اهل كرم..

والله لو اكتب مجلدات في مدح اهل الحسا عزالله ما وفيتهم قدرهم...

ياليت اهل السعودية قلوبهم مثل قلوب الحساوية..

مافيه عندهم واسطه ومحسوبيه.. وهذا حضري وهذا بدوي وما نوظف فلان لانه من القبيلة الفلانية وغيره.. ومافيه قلوبهم حقد ولا غل...

تبارك الرحمن عليكم ياهل الحسا وجعل دياركم عامره بالمسرات.. والله يوفقكم ويهب لعيالكم المناصب ..وعساكم دايم على القوة..

جانيت · #9 (**permalink**) 18-06-2008, 02:25 AM

-18 اذا شميت ريحة المشموم ' الريحان ' في بيتك اعرف ان زوجته كانت تزور
زوجتك
ومنكم نستفيــــــــــــــد
بسلامتهـم..واللـه عمري ماسمعت عنهم شي
بس صفاتهـم حلـوة..والنعــــــــــــم