السلام عليكم ورحمه الله وبركاته

اعزائي اعضاء حلول البطالة الي اغلبهم ترك مقاعد الدراسة بإنتظار الوظيفة او في طريقه لتحقيق احلامه
احنا درسنا وتعبنا وتعلمنا وماندري ايش درسنا وكيف نجحنا الحين كبرنا وبدأنا الان نستوعب بعض الدروس الي ايامها كنا نحفظها ونسمعها وبعد مننجح تتبخر مواد كثيرة دراسناها بس ماكنا نعرف ايش المطلوب بالضبط يمكن لان المدرسين ايامها مايعرفو يوصلو المعلومة او يمكن لان اعتمادهم كان على الكتاب المدرسي وبس ولكن الان والحمدلله تطور الوضع وتفتحت العقول وصار بإستطاعة الطالب يتعلم الي يبيه بالطريقة الي يبيها ليش هالمقدمة الطويلة العريضة لاني اكتشفت للاسف من خلال اطلاعي وقرأتي انه في مواد كثيرة انظلمنا وماتعلمناها ولا اخذت حقها بالتعليم فمثلا عندنا مادة التاريخ هالمادة كنت احقد عليها واتخنق لما ادرسها ولكن لما صرت اشوف مسلسلات تاريخية يجيني فضول اكثر اتعرف على الشخصيات والاحداث الي صارت وصرت انا الي احكيها واشرحها
كمان مادة التجويد للاسف لما كبرت فهمت اهميتها وقد ايش تساعدنا على حفظ القرآن
فعلا ودي من الاعضاء يتفاعلو ويقولو ايش كان نفسهم يتعلمو او كيف كان نفسهم يتعلمو لعل وعسى يجي يوم وتتعدل فيها الاوضاع ونصير مجتمع متعلم ومثقف محب للعلم مو كاره لها وممكن الامنية تتحقق وتصير حقيقة