المشاركة الأصلية كتبت بواسطة جعجع

يابنااااات تراكم تبالغون بالخوف والتردد وهذا اللي يضيع عليكم الفرص

لو بس وحده منكم كلفت على عمرها و نسخت اسم الشركة اللي بالايميل وحطته بقوقل بيطلع لها موقع الشركة الرسمي

او ع الاقل راجعوا مشاركات الاخ برايت وير وشوفوا اعلاناته السابقه كانت عن نفس الشركة و فيها اجابه لكل استفساراتكم عن بيئة العمل ومقر الشركة ونشاطها و ساعات العمل

بس مشكلة اغلبنا مايبي يسوي شي ولا عنده استعداد يبذل ابسط مجهود .. يبي كل شي جاهز عنده
بعدين يجي يقول والله دورت وظيفه ومالقيت !!

و اللي خايفه ترسل سيرتها تكفييييين يعني وش بيسوون فيها العالم ؟ حتى لو شخص لعاب و
عرف اسمك ورقمك وخير ياطير ؟ وش بيسوي لك ؟ اقصى شي بيدق ويزعجك مسوي عارفك
سكري بوجهه و احظري رقمه وانتهت الحكايه

ومحد يقدر يوظف بشكل وهمي عشان السعوده الا بأرقام الهويه وهذا الشي الوحيد اللي لاترسلونه مع سيرتكم الذاتيه , وحتى لو احد استغل اسمك تكلمين التأمينات ويسقطونه فورا
وصلى الله وبارك

اما الاختلاط .... ماراح اقول اقبلي او ارفضي لانها حرية شخصية وقناعات

بس ياليت كل وحده قبل ماترفض الشي تروح وتجرب وتشوف بنفسها

غلط وجهل اننا نرفض اشياء مانعرفها ولا جربناها ونحكم عليها من كلام الناس او من نظرة المجتمع

واللي بتقول الشيخ الفلاني حرم و الشيخ مدري مين جرّم
اقولك طيب اقري اراء اخرى و قارني بينهم

عموما في كل امور الحياة مو بس بهالمسئلة .. ابسط شي الواحد يشغل عقله و ينظر للموضوع بمنطق ومن جميع الجوانب و يبحث عن الاراء المتعدده في هالجانب وفي الاخير حكمي "عقلك" و قرري واختاري
لاتخلين احد بهالدنيا يقرر بدالك او يفكر عنك
مهما بلغت مكانته وعلمه والمسمى اللي يسبق اسمه
كلنا عندنا عقول و لنا حرية التفكير و تقدير الامور
و ما اهلك الامم السابقه الا انهم وجدوا ابائهم كذلك يفعلون
و انهم اطاعوا سادتهم وكبرائهم فأضلوهم السبيل

دائما خلي عقلك وفكرك حر محد يملي عليك تصرفاتك او يعلمك الصح من الغلط
انتي ناضجه بما فيه الكفايه لتتخذي قرارتك و تميزي بين الخطأ والصح و تتحملي مسؤلية اختياراتك

ادري طولت وشطحت وبتطبون فيني بس تراها نصيحه عامه في هالحياة مو بس في مجال العمل
ذبحتنا التبعيه والجمود و تعطيل العقول

المشاركة الأصلية كتبت بواسطة الرياض الوسطي

السلام عليكم
الله يوفق الجميع
ويكفيكم شر الاختلاط
بالنسبه لحكم الاختلاط محرم شرعا الا بحاله واحده اذا منحده مررررررررره والحمدالله يوجد الكثير من الوظائف الغير مختلطه
مدارس ومعاهد والخ وربي يوفق الجميع
ولاتقول العقلانيه والخ لان الاختلاط البعد عنه افضل
والعقل علي قولتك )له تاثير بالمشاعر .
واتحدي صاحب المقوله اللي ذكر العقلانيه يوافق ان اخته تعمل بمكان مختلط اتحـــداه

المشاركة الأصلية كتبت بواسطة مايخيب من رجاه

صديقتي جتكم اليوم وقلتو اكتفوو ليه تعنونها الضعيفه من اول تقولون فيه
وقلتو فيه اختلاط ليش اجل تكتبون قسم نسائي
لأن الموظفات بعبياتهم في شغلهم مافي راحه اي وقت يدخل رجال

والله يوفق الجميع