[align=center]
صبحكم الله بالخير والإيمان ورضا الرحمن ...

ااتمنى تقرون الموضوع للأخير .. ترى راي كل واحد ووحدة يهمني جدا ..

كثيرين هم اللي بدأو تجارتهم ودخلوا السوق من أضيق أبوابه .. طلبوا كميات قليلة بالدرازن او بالمئات او العشرات خل نقول من اي بضاعة كانت على أمل انه يقدر يصرفها ويستفيد منها .. البداية كما تعرفون اعزائي وهذا ما يخطط له الكثيرون ..

هي النت ..

سواء منتديات مثل منتدانا الشامخ او عبر وسائل التواصل الاجتماعي مثل الانستغرام والفيسبوك والتويتر ..

نجي اللحين للنقطة الأهم وهذي هي خلاصة المووضع ونقطة حوارنا اللي اتمنى اسمع منكم افكار ونصايح وحلول ..

ليش فلان مع انه حاول بكل الطرق انه يصرف بضاعته لكنه ما قدر .. طول الموضوع ومحد اشترى منه !! مرت شهور وشهور وما باع إلا يمكن حبة او حبتين !!! تكدست عنده البضاعة وصاده الياس !!!

بعض التاجرات مثلا حاولت تنوع من بضاعته وتسوي عروض لكن سبحان الله ما توفقت ؟؟!! حاولت بكل الطرق اللي تعرفها وعملت مثل ما عملت صديقتها الناجحة فلانة بس للاسف ما قدرت توصل حتى 10% من ما وصلت له .

شنو هي الأسباب بنظركم ؟؟؟

ليش البضاعة تركد وما تنصرف عند البعض ؟؟؟؟
ليش الناس تشتري من فلان وعلان وما يشترون منه ؟؟؟
ليش كثيرين يسألون ويطلبون وان جا وقت الجد ما تلقى أحد ؟؟؟
ليش الأقارب دايما تشوفهم يوقفون حجر عثرة في طريق الواحد لما ينوي يبتدي ؟؟؟
ليش البعض محبط لدرجة ينكد عليك ويعفس لك فكرتك ويصرفك عن هدفك وهو انك تكون تاجر ناجح يالسوق ؟؟؟؟
ليش تلقى من يحاربك ويكيد لك وانت توك صغير بالسوق ما بعد خطيت الخطوة الثانية ؟


أسئلة كثيرة وانا متأكد انك انت او انتي ربما صادفك هالشي في فترة من حياتك او صادف احد من هلك او او ... ابغي اعرف رايكم في الموضوع وشلون نقدر نطور من اساليبنا وشلون نقدر نصرف بضايعنا الراكدة ؟!!

الف تحية للجميع مسبقا .


مع الف تحية : اخوكم ومحبكم : دلني عالسوق .
[/align]