السلام عليكم ورحمة الله وبركاته يااخوان هنا تجمع للشباب اللي قبلوهم وحطوهم في الانتظار
نتمنى ان تواصل من خلال هذا المتصفح عن اخر اخبار المقبولين في قائمة الانتظار
.................................................. ..............

انا يااخوان قدمت على الامنيه ولا اخفيكم سر تخصصي هو لغة عربية
ومعدلي مقبول
وقلت والله بقدم على الامنيه وبحط جيد وان مشت معي مشيت مع الناس
المهم مالكم بالطويلة
عديت من البوابه وعملت البصمات وسويت الوزن والطول وكل شيء اجتزته
انا طولي 170 ووزني 81
المهم عديت الوزن والطول ورحت للتدقيق على الوثائق
ويوم نادو بأسمي قدمت اوراقي وشهاداتي الرسميه ويوم شاف معدلي مقبول قال نعتذر منك
قلت طيب مافي اي مجال قال انا رح احط اوراقك في الانتظار طيب قلت له ممكن تعطيني الاستماره
قال لا الاستماره تدبس فيها وثايقك ورح تكون عندنا في الانتظار
فما ادري ياشباب حركتي هذي حد قد سوى مثلها والا لا وهل ممكن يستدعوني طالما انهم حطوني بالانتظار والا لا ؟
اللي عنده اي فكره بالله ينورنا والله يجزاكم خير

الانتظار اللي عدوا الطول والوزن

ولا اللي ماقبلوا مبدئي

الانتظار يالغالي اللي يدقوون على وثايقه ويشوفونه جايب مقبول وهو كاتب جيد في تقديمه من خلال الانتر نت نفس حركتي
انا في الانتر نت كتبت معدلي جيد وانا بالاساس معدلي مقبول
ويوم سويت الطول والوزن والبصمات وعديت كل شيء وصلت الى اخر مرحله وهي مرحلة التدقيق في الوثايق
يوم شافو معدلي مقبول قالو لي نحطك في الانتظار
هذا كل اللي صار معي
بس انا اتسائل هل في احد سوى مثلي من قبل وقبلوه مع العلم انا تخصصي لغه عربيه ؟

اخوي ماودي ازعلك بس ابي اكون صريح معك مستحيل تنقبل وانت معدلك مقبول ولا بعد تخصصك لغه عربيه نصيحه لاتضيع وقتك من الاستحاله قبولك

عدنان يالغالي الرزاق بالسما
نحمد الله على الصحه والعافيه اللي له رزق بياخذه
انا كل اللي سويته عباره عن مجازفه وتجربه حبيت اقوم فيها واقتنع اذا في قبول او لا

قدم على المخدرات قسم ما تندم

اخوي انا لما جيت ادقق الوثائق اليوم
كان جنبي واحد مسوي نفس حركتك وقالو له انت مقبول
بنحطك في الانتظار عشان لو نقص العدد نناديك
وقاله طبعا من المستحيل نقص العدد لانه بالعادة يزيد ما ينقص
واول ما راح ذاك وجاء دوري الضابط قال للي جنبه قال له حط الملف هذا برى
ولكن نسبة القبول للي معدله مقبول تكاد لا تصل 1%
وما قلتها من باب التحطيم بالعكس والله اتمنى لك الخير بس مابيك تتعلق .

اخوي انا من دورة الدبلوم السابعه ومن واقع خبببره اقولك مستحيل احد ينقبل معدله مقبول خذ العلم الاكيد

الله كريم