غرفة التبريد وبأقل التكاليف

الدهريزز · #1 (**permalink**) 20-06-2013, 09:22 PM

السلام عليكم ورحمة الله وبركاته
هذا الموضوع طرحته لاني وجدت اخوي خايفن الله يسال عن غرف التبريد وحبيت يستفيد الجميع من الموضوع
بالنسبه لغرف التبريد معروف ان اسعارها مبالغ فيه عند الشزكات جدا جدا
الاسعار تبدا من 40 وفوق
وان شاء الله الخطوات اللي بذكرها راح تخفض الاسعار الى النصف
اولا
تروح على محلات الزجاج والامنيوم تكلمهم انك تبغى غرفة زجاجيه بالمساحه اللي انت تبغاها و تاخذ العامل معك على شان يشوف المحل وكم المساحه اللي راح يقدر يستخدمها طبعا الجداران لازم تستخدمها من ضمن الغرفه عشان التكاليف تخف عليك يعني اذا محلك 5 *8 والغرفه اللي تبغاها 5*3 كلمه يسوي واجه وسقف بس لان الواجه راح تغطي الخمسة متر والسقف بيغطي الغرفه

ثانيا
تشتري كميه من عازل الحراره حق المباني تحصله عند محلات ادوات البناء تجيب عامل تخليه يفردها على كامل الغرفه ممكن تكلف الف ريال مع حق العامل

ثالثا
تشتري الكمبرسر على حسب مساحة الغرفه اللي عندك
تحصل قوه مختلفه تحصل نص حصان وحصان كامل وثنين حصان
بالنسبه لاثنين حصان قيمته 7 الاف ومع التمديدات والمكثف توصل قيمته الى 12 الف

رابعا
تشوف لك عامل يركب الكمبروسر مع تمديداته ولازم يكون فني وفاهم الشغله عشان مايخرب عليك الكمبروسر

نجي للتكاليف
غرفة الزجاج مع التركيب تكلفتها على حسب المساحه تقريبا من 4 - 5 الالف
العازل وحق التركيب تقريبا بالف ريال
الكمبروسر مع تمديدات على حسب قوة الحصان اثنين حصان يكلف 12 الف
فني التكييف من 3- 4 الاف

هذا وبالله التوفيق
واي استفسار انا حاضر

ابي اي اسم · #2 (**permalink**) 21-06-2013, 01:19 AM

عزيزي
1- هل سبق ان قمت بعمل غرفه تبريد
2- كم مساحتها وكم كلفت
3- يوجد بعض المعلومات ناقصه اتمني ان يكون هناك صور لكي يستفيد منها الجميع
4- ما نوع السقف الذي يتم وضعه لغرفة التبريد
5- هل الغرفه زجاج كامل يعني تشوف اللي بداخلها
اذا الاجابه نعم شو رايك بالزجاج السكريت قوي
اتمنى ان اتواصل معك لانه لي رغبه في بناء غرفه تبريد عالي

اشكرك على طرحك للموضوع

الدهريزز · #3 (**permalink**) 21-06-2013, 09:07 PM

اقتباس:

المشاركة الأصلية كتبت بواسطة ابي اي اسم

عزيزي
1- هل سبق ان قمت بعمل غرفه تبريد
2- كم مساحتها وكم كلفت
3- يوجد بعض المعلومات ناقصه اتمني ان يكون هناك صور لكي يستفيد منها الجميع
4- ما نوع السقف الذي يتم وضعه لغرفة التبريد
5- هل الغرفه زجاج كامل يعني تشوف اللي بداخلها
اذا الاجابه نعم شو رايك بالزجاج السكريت قوي
اتمنى ان اتواصل معك لانه لي رغبه في بناء غرفه تبريد عالي

اشكرك على طرحك للموضوع

اهلا اخوي
1- نعم قمت بعمل غرفة تبريد
2- مساحتها 5*3 *2 كلفتي 19 الف
3- باذن الله راح ارفق صور للغرفه اللي سويتها بس للاسف غير متواجد في المدينه اللي فيها الغرفه
4- المنيوم
5- نعم زجاجيه بالكامل ماعدا الجدران لان الجدار يغني عن الزجاج طبعا الزجاج يكون كل متر يكون فيه عمود المونيوم عشان يدعم الزجاج هذي النقطه يعرفونها محلات الزجاج جيدا
الزجاج السيكورت غالي شوي الافضل الزجاج العادي بشرط مقاومته للبروده
6 - حياك الله اخوي باي وقت ارسلي رقمك وان شاء الله اتواصل معك

العفو يالغالي

بطالة مقنعة · #4 (**permalink**) 22-06-2013, 10:14 AM

ياليت يكون الموضوع مدعوم بالصور والتفاصيل الصغيرة والكبيرة ... والله يجزاك خير ويرحم والديك

مستقبلنا · #5 (**permalink**) 22-06-2013, 10:15 AM

هل الفكرة تنفع لغرفه تبريد (مخزن ) يعنى احط فيها البضاعه كمستودع وبعيده عن المحل
هل الزجاج يتحمل البروده وانت عارف ان المخزن ما افتحه إلا إذا جبت بضاعه او ابغى أخذ بضاعــه
الارتفاع للاعلى 3 متر
العرض 4 متر
الطول 7 متر