التخصص علوم الحاسب
المعدل 3.55 من 5
بكالوريوس غير تربوي
مقدم امس الاربعاء على جدارة تعلمي وغير تعليمي واختر الادارات والمدن عندي كم سؤال
1- كم انتظر وتاتيني الوظيفة الادارية شهر شنة 10 سنوات
2- هل الوظائف الملحقيات والسفارات تبع جدارة
تكفون جاوب لاني ابي أتوظف حشان اعرس أنا ما عاد صبرت وتوني متخرج ابغا الزواج

هههههههههههههههه
مشوارك طويل دامك متخرج الحين
دور لك وظيفه من الحين
والله يرزقك بالزوجه الصالحه
^_^

up up up

كل شيء بعلم الغيب مانقدر نتكهن متى تتوظف
بعضهم تقديراتهم منخفضه وتوظفوا عشان مناطقهم ماتقدم لها أحد غيرهم ماشاء الله وفي اللي معاهم ماجستير وللحين ماتوظف .. الأرزاق بيد الله ..
بس مايمنع أنك ماتأخذ بالاسباب وتعتمد على تقديم واحد
قدم في أكثر من مكان سواء خاص أو حكومي وتخصصك مطلوب بس أدعمة بتعلم اللغة الأنجليزية مهم مهم أغلب الوظايف يطلبون لغة سجل بأرامكو بتعليم عالي وجداره وأذا لك رزق ما حد ماخذه غيرك
وبالنسبه للسفاره ما أعتقد لجداره دخل هم ينزلون أعلان أو أنت قدم بنفسك. بس لازم تكون اللغة قوية
الله يرزقك ويكتب لك الصالح ..
موفق

نصيحه مني سجل الان بالعسكريه مع انك كاتب ما ابي العسكريه
وتزوج وكمل تربوي وسجل بجداره ومتى ما جات جداره افصل من العسكريه وكمل بالمهنه اللي تحب
وبكذا تكون حققت حلمك بالزواج وماراح عمرك عاطل وع فكره الحاسب له مجالات مختلفه بالمستشفيات والمحاكم
دور لعل وعسى تقبل
وبالتوفيق

توكل على الله.

وابحث في أي مجال لاتنتظر شيء واحد .. لأنك محكوم بوقت وأنت ماتبي يضيع وقتك بالانتظار بينما تقدر تستثمره وتجمع دخل لمستقبلك.


عندك بالموقع هنا قسم الوظائف المدنية تابعهم وقدم ليه لا تتوظف وظيفة معينة تدر عليك دخل بدل العطالة وتضييع الوقت لحد ماينزل تعيينك بالحكومي كمدرس؟


تقديمك بجدارة تمام .. لكن حدث بين فترة وفترة بخصوص الوظائف الإدارية.

أما التعليمية ينزل لها إعلان وتدخل تحدث حسب مناطق الاحتياج وتنتظر المطابقة والترشيح زي مايصير حاليا مع الرجال ولهم موضوع مخصص مثبت تقدر تتابعهم وتستفيد.