السلام عليكم

حبيت أسئلكم ما هي طبيعة إختبار اللياقة في الكلية الأمنية و الحرس الوطني و الحربية في التقديم للطلاب الجامعيين؟

معقولة محد رد

-

هذا اقتباس لـ أحد المواضيع الموجودة بهالمنتدى

اقتباس:

شفت أغلب الأخوان عندهم اسئلة عن اختبار اللياقة قلت خلني اكتب الموضوع الموضوع باقسمه إلى ثلاث اقسام القسم الاول الحضور القسم الثاني اختبار اللياقة القسم الثالث اختبار التحريري بسم الله القسم الاول الحضور للكلية الحربية الي بالعيينة (طبعا غير البوابة الي سلمنا فيها الملفات) الي يسأل عن البوابة خل البوابة حقت تسليم الملفات على اليمين وخلك ماشي سيده لين مايجيك جسر خذ يمين مع المخرج تلقا بوابه على اليمين مكتوب عليها رئاسة هئية الاركان خلك منها تلقا قدامك بوابة مكتوب فوقها كلية الملك عبدالعزيز الحربية طبعا لا تدخل مع البوابة تقلى على يمينك شبك وعلى بوابة الشبك جيب الشرطة العسكرية طبعا هذا مكان الانتظار عاد انت خلك داخل الشبك لين تجي الباصات انا تقريبا جيبت على 3 ونص والباصات جت تقريبا حولال4 ونص إذا جت الباصات تبي تشوف العالم تركض لها لا تشيل هم الي مايكفيهم الباص ياخذهم راعي الجيب حلو نسيت قبل لا تركب لازم يكون معاك الكرت الاصفر وبطاقة الاحوال واهم شيء جيب معاك حول العشرين الريال ان اقول ليش شوي وطبعا لازم تكون لابس بدلة رياضية اللون عادي مهو مهم ولا تنسون الجزم وانت بكرامه لانها مهمه عاد بعدها يبي يحرك الباص يتجه فيكم للملعب داخل الكلية هذا بخصوص القسم الاول القسم الثاني اختبار اللياقة طبعا تكونون توكم نازلين من الباصات تدخلون الملعب الي محتاج دورات مياه وانتم بكرامه يلقاة علي اليسار داخل المبنى بد ما تدخلون الملعب يبي يقلون لكم المدربين اجلس على المدرجات (الكراسي ) والملعب قدامك (اجل وين يبي يمون رواكم ) بعد ما تجلسون يبون يشرحون لكم طريقة الاختبار طبعا بالترتيب بشم و بطن وقفز ورى بعض بعدها راحة بعدين الجري(هرولة) يبون ينادون بالاسامي كل اسم له رقم يعني يبي يصير كل شغلم بالارقم (يعني مافيه تزاحم العالم علشان تصير الاول)ويرتونكم ويدونكم على اللجنة كل اربعة ورى بعض تمارينهم يعني المراقب عليهم واحد يخلص الاولى يروح لثاني وكذا وبعدها بطن الاول يلتفت عليك وانت عليكم تثبن رجوله وبعدها تعكسون وبعدها قفز على الارقام وكذا وبعد ما تخلصون يخلونكم تصفون على مكان بداية الهرولة لين تخلص كل الناس التمارين الثلاث يعني هذي الراحة طبعا الحربية والدفاع مع بعض بكل شيء واذا خلصو الجميع يرتبونكم على 80 ينطلقون مع بعض 4 فرات على الملعب عندك 6 دقايق يعيطك الدرجة الكاملة اهم شيء تخلص قبل 10 دقايق الي يخلص اكثر من 10 ماله درجة انت هرولت وصرت الاول بس غلطتي كنت افتح سيقاني على اخر شيء ما خلصت الفرة الاول إلا وانت تعبان يعني نصيح تسحب بالهرولة اول فرتين وحاول تدز بالثانيات وبعدهما يخلصون ال80 ترتاحون ويجيبون 80 غيركم وكذا طبعا فيه مقصف يبيع لكم ماء وعصير وسندويش وغيرها انا هذي المشكلة الي صارت لي نسيت اخذ فلوس تخيلو من صحيت الفجر لين اتهاء التمارين وللحين ما شربت ماء نطردت لين رجعون برى الكلية واخذ الماء من اخوي يوم جاء يعني العن جدفي وتقريبا هذا كل ما يخص اختبار اللياقة وبخصوص الباشم الوقت مفتوح معاك يعني جيب الي تقدر عليه والافضل فوق ال30 والبطن معاك 30 ثانية جيب الي تقدر عليه والقفز يشفون كم متر نقزت وبكذا خلصنا اختبار اللياقة القسم الثالث اختبار التحرير بعد ما يخلص الكل الجري يجمعونكم ويبي يهايط عليكم واحد يقول هذا جري كيلو وبغيت تموتون اجل شلون تحملون 5 كيلو يوميا يعطيك من الكل هذا وبعداها تطلعون من الملعب ترحون داخل الكلية وتوفقون داخل ماكن يبي يجي نقيب ويطلع الدفاع الجوي لحال والحربية تضلون واقفين بعد ما يمشون الدفاع الجوبي يرتبون الحربية على الارقام الي قلت لكم عنها وبعدها يدونكم الدور الثاني طبعا الدرج طويل وهذا هو الدور الثاني ويبي يجلسكم قدام المطعم (الي هو فيه اختباركم ) ويشرح لكم طريقة الاختبار والاختبار طبعا كل انجليزي وتبون تشوف الي يشرح للدفاع الجوي مدرسين امريكان ان ماخاب ظني بس لا تشيلون هم انشاء سهلات وبعدها يجلسونكم على الكراسي بالارقام ويوزعن الاسئلة مثل القدرات وهذا كل شيء بعدها ترجعون للباصات علشان ينزلونكم طبعا يبون يقولون لكم النتايج انت شيكو على الموقع يعني بالعربي ما يدرون

يعطيك العافية أخوي ما قصرت

الامنيه اطاله وجري على السير