امممممم انا موظف فيها راح يوظفونك في خليجية سنتر الي ع مخرج سبعة

اسمع نصيحة اخوية اذا حصلت وظيفة ثانية روح لاتجي لشركة زين واذا تبي تقابلني انا مستعد

عبود الروقي

ارسلي خخخاص .. رقمكك او اي شي يتعلق فيك ابي اتووواصل معكك

ولد اخوي شغاله فيها والحين بينحاش منها كله يسحب عليهم ههههههه

يقول يوم كانو معه شركة الحلول الممتازة كان الميزات افضل والدوام كويس

اما من جت الادارة الاردنيه وصارت الرواتب سئيه ونظام الشفتات اسؤا كانهم يبون يكرهونك بالعمل جدا سئيه صارت ..........

يالغالي معليش على دخلتي في موضوعك لاكن انا لي اسبوع ادور فرعهم الرئيسى اذا كنت من اهل الرياض ممكن تدلني ووين فرعهم اابي مبيعات وزي كذا يحطوونني في فرع

الله يوفقك

وعليكم السلام ورحمـة الله وبركـاته

ماشاء الله تبارك الله إن شاء الله أنها تكون بدايـة موفقة وعالم جديد تقبل عليه يفيدك في مجالات كثيرة ويعرفك بزملاء اصحاب خبرة تستفيد منهم وتفيدهم وتعملون بروح فريق واحد بإذن الله تعالى

شركة زين السعودية للإتصالات المتنقلة من المعروف عنها أن مجالاتها واسعة وإعتنائها بالموظفين لإنشاء بيئة عمل مريحة بكل رفاهية ..تقدم إنتاجية تكون في حوافز مادية ومعنوية شهرية

بالنسبة للدورة الخاصة بخدمة العملاء عن طريق السماعة .. مدة الدورة سابقاَ شهر كامل وإذا كنت إنسان سريع الفهم تفهمها بأسبوعين ،،، نظام الكمبيوتر إنجليزي لكن راح تستوعبه بسرعة

راح تقدم الخدمات والمنتجات الخاصة بشركة زين للعميل عن طريق سماعة .. قيمتها 300 دولار تقدمها لك الشركة كعهدة شخصية تحافظ عليها

طريقة الدوام :: خمسة أيام بالأسبـوع و 2 يوم راحة

( إذا أنت شخص كل شهر مواظب على حضورك وعدد ساعات عملك ما تفرط فيها! وتاخذها بكل حرص! ،، أنا أضمن لك أنك أنت بنفسك تختار دوامك وأيام الأجازة متى تكون )

غير كذا .. راح يكون دوامك شفتات كل أسبوع أو أسبوعين ينزل جدول جديد من الشركة على نظام اوراكل ..

الدوام تسعة ساعات من ضمنها ساعة بريك ولو أنت شاطر تخلي الساعة البريك هذه(ربع نص ربع)

من 6 الصباح الى3 العصر
من 3 العصر الى 11 المساء
من 11 المساء الى 8 الصباح

وفي عدة دوامات موجودة بالجدول بس ذكرت لك الي أفتكرها .. بأمكانك تبدل مع زملائك دوامك وأيام الأجازة عن طريق نظام اوراكل الخاص بالموظفين .. راح يناسبك الوضع إذا أنت شخص حر وتحب عملك.

تجيك مميزات كل بعد فترة على الأيميل الخاص بالشركة .. خصم لوقت اللياقة .. تظليل العوازل للسيارات ،، أشتراكات شوتايم ،، خصم على أكثر الماركات العالمية ( بونص شهري وسنوي على حسب إنتاجية الموظف.

إذا جبت أفضل موظف شهري .. فوق راتبك تنزل 2500 وإذا افضل موظف في المملكة ( مراكز الإتصال الخبر الرياض جدة ) تنزل لك 1500 زيادة .. الحسبة بتكون 4350 + 2500 +1500 = 8350

الله يوفقك
تحياتي لك


للأمانة منقول: https://www.btalah.com/showthread.*****..#ixzz2WxGZmeHZ

ما أختلف مع بعض الأخوان من ناحية إختلاف المميزات بين الحلول الممتازة او رواسي او ريـادة أو اي شركة أخرى متعاقده مع زين .. لكن بالنهاية هي وظيفة تجلب دخل ،، والقليل من المواظبة وحرص الموظف على أداء عمله .. ما يجعل مجال للأخرين للعثور على ثغره او خطاء لدى الموظف.

ولا تسمع لغيرك كثير

الله يوفقك،،،

بالتوفيق اخوي ... افادوك الاخوان