ديوان المظالم يعلن عن وظائف نسائية بالمرتبتين الرابعة والسادسة 8/20

شوويش · #**1011** (**permalink**) 30-06-2013, 03:51 PM

بنات بسالكم انا ساكنه برررا الرياض ومن ضمن المدن مافيه المنطقة او المدينة اللي ساكنه فيها وحطيت الرياض ورقم بيت اختي لانها ساكنه بالرياض تحسوووى فيها مشكله ؟؟؟؟

أبتسام · #**1012** (**permalink**) 30-06-2013, 03:53 PM

اقتباس:

المشاركة الأصلية كتبت بواسطة إخْتِنَآق ©

بسم الله الرحمن الرحيم

قال صلى الله عليه وسلم ( لا يؤمن أحدكم حتى يحب لأخيه ما يحب لنفسه )

هذا الرد اللي قلت لكم عليه فيه ملخص تقديمي وتجربتي

1 : رابط التقديم

https://jobs.bog.gov.sa/BogReqruitment/Register.aspx

راح يفتح معكم الموقع تجيكم هالصفحه

عبوها زي ماانا موضحه لكم وياليت اللي ماعندها ايميل في الجي ميل تسوي لها افضل لان الهوتميل معلق من امس , وانتبهوا تنسخون الايميل
لان بيكتب لكم خطا في الايميل
في كثير بنات شفتهم يشكون من هالمشكله
بعدها رآح ننتقل للخطوه الثانيه اللي هي ارسال رابط التسجيل على الأيميل ..

2

اضغطوا على الرابط وراح تفتح معكم صفحه تختارون كلمه المرور وتضغطون تسجيل
اللي مايفتح معها الرابط تنسخه وتحطه فوق بالمتصفح
مكان الروابط وتضغط انتر راح يفتح بعدها راح تجيكم صفحه اقرار بالموافقه على الشروط حطوا صح وآنتظروا شوي راح تحمل صفحه جديده فيها كلمه موافق وغير موافق اضغطوا موافق ( هالمشكله اللي تعاني منها الآخت وردةة عطر )

3

بعدها راح تجيك تعبئه بيانات عاديه اسمك عمرك جوالك وايميلك ومدينة الاقامه والرغبات المكانيه بعدها اضغطوا استمرار راح تجيكم الموهلات العلميه ..

* من الاسئله بهالجزىيه اللي موب واضحه لكم : اللي هي اسم الموسسه التعليميه
يقصدون لو كنتي بتقدمين بشهادتك الثانويه اللي هو اسم المدرسه او لو كنتي بتقدمين بموهلك الجامعي اسم الجامعه وبعدين اضغطوا استمرار ..

4

راح تجيكم صفحه هل لديك دورات تدريبيه اضغطوا نعم وانتظروا شوي لين تحمل الصفحه وراح تنقلكم لصفحه الدورات لاتضغطون انتم استمرار لانه غلط وراح ينقلكم للصفحه الثانيه بدون ماتسجلون الدورات

بعدها تعبون البيانات زي ماهي موضحه وبعدها استمرار ..

5

بعدها راح تجيكم صفحه الصور انا عن نفسي صورتها بالجوال وحملتها ع اللاب وبعدها دخلت موقع لتصغير الصور وغيرت حجمها منه خليتها 350 للطول والعرض وهذا الرابط

http://resizepic.com/

* اللي تبي شرح للموقع راح تلاقيه في الصفحات اللي قبل راده على وحده من العسولات

بالنسبه لي ماحبيت فكره الرسام وتغير صيغة الصور لـ GIF او الوورد وجربتها وحسيت الصور موب واضحه وفاقده لدقتها كثير وراح تشوفون بالصوره اللي تحت ان صيغةة صوري كانت jpg عادي اي صيغه اهم شي موب PHP او HTML

* ملاحظه : لازم حجم الصور مايتعدا الـ 400 وعند رفع الصور لازم كل صوره لوحدها وبعدين اضغطوا حفظ بعدين اختاروا الصوره الثانيه وحفظ وهكذا ...

من يجيكم لون الرابط أزرق زي كذا معناه تحملت الصور تمام ويمديكم تضغطون عليها تشوفون شكل الصوره اما اذا جاء لونها احمر معناه ماتحملت

بعدين أستمرار

بعدها اقرار ان بياناتك صحيحه وكل شي تمام وبعدها راح يطلع لكم ملخص ورقم الطلب ياليت تصورونه او تنسخوونه احتياط او تطبعونه او ترسلون النموذج على البريد

وبس ان شاء الله استفدتوا من شرحي واي شي يصعب عليكم انا هنا

..

ماابي منكم الا دعواتكم ان ربي يحقق لي اللي ببالي ويرحم وآلدي

يعطيك ألف عافية اختي الله يوفقك ويسعدك والشرح واضح
واللي تحتاج اي مساعد في التسجيل انا على استعداد تام

بالشكرتدوم النعم · #**1013** (**permalink**) 30-06-2013, 03:56 PM

اقتباس:

المشاركة الأصلية كتبت بواسطة روح مطير

بنات ماعليكم أمر....

وش الأوراق"المرفقات"المطلوبه

وأصورها كلها بصفحه وحده؟

الاوراق ماينفع مع بعض
الوثيقة
وكلات العائلة او الاحوال
و
الدورة
كل ملف لوحدة

بالشكرتدوم النعم · #**1014** (**permalink**) 30-06-2013, 03:57 PM

اقتباس:

المشاركة الأصلية كتبت بواسطة شوويش

بنات بسالكم انا ساكنه برررا الرياض ومن ضمن المدن مافيه المنطقة او المدينة اللي ساكنه فيها وحطيت الرياض ورقم بيت اختي لانها ساكنه بالرياض تحسوووى فيها مشكله ؟؟؟؟

راح يكون فيها اختبار ومقابلة شخصية في حال قبولك
يعني لازم تكوني في الرياض

وردة عطر · #**1015** (**permalink**) 30-06-2013, 03:59 PM

ابشركم ... تم التسجيل والحمدلله ...
بقولكم وش سويت اخذت جهاز اختي وسجلت من متصفح الفاير فوكس ... ومشت اموري

والحمد لله ... بعد نرفزات وطلعة رووووووووووووووووح ههههههههههه الله يوفقنا جميع

وردة عطر · #**1016** (**permalink**) 30-06-2013, 04:02 PM

انا ماعندي درواااااااات معي بس شهادتي الجامعه وقدمت والله يكتب اللي فيه الخيررررر

بالشكرتدوم النعم · #**1017** (**permalink**) 30-06-2013, 04:02 PM

اقتباس:

المشاركة الأصلية كتبت بواسطة صآرحيني

أكبر غلط غلطته إني دخلت دورة لغه وانا عندي دورة حاسب وهي المطلوبه .
لكن سبحان الله كتبت اللغه ونسيت الحاسب مع انه هي الشرط ووللأسف الشديد مافيه خاصيه تعديل.

انا عندي دورة انجليزي و دورة ثانية قلت بسجلها بدل دورة ادخال النصوص ولانه الموقع مش و لا بد قلت بسجل بسرعة بعدين اعدل واخرتها ارسلولي رقم طلب شكلة ماقدر اعدل باحول ادخل الموقع بشوف اذا فيه امكانية التعديل الى الان موقادرة ادخل