هلا أختي أن شاء الله تسهل أمورك
بالنسبة للنقل الخاصة بالظروف الخاصة يحق لك التقديم حتى لو انت موظفة جديده في تعميم صدرمن وزارة التربية والتعليم ولا احد يقولك لا يحق لك ومديرات المدارس نايمات في سبات الكرسي ما يعرفوا شى كل معلوماتهم غلط أو قديمه . وبالنسبة للوضعك اسألي إدارتك اللى رفعت لك الطلب وخصوصا القسم إلى رفع لك الطلب. بالتوفيق

شكرا يا حلوات الله يسعدكم ماقصرتوا .. انتهى انا ابويه اللي ارسلي الطلب والخطاب والشغلات هاذي مو الادارة . ابويه ارسلها لمكتب الوزير والوزير كان في المغرب . ؟؟؟؟؟؟ شي محزن وش السوااااات والتلفونات ماترد والعالم اختفوا .. الحمد لله
شكرا لكم

لااازم لاازم ترفعيها لاداارتك التابعه لها مدرستك ليييش؟
لان لهم شرووط لازم ماتتوفر في منطقتك الي تدرسي فيها عشان يتم النقل وهادي ما حد راح يفهم فيها الا ادارتك
ادا عندك خلفيه بشروووط النقل الظرووف الخااصه راح تفهمي الطبخه صح

ياعسل فاهمتها مية مرة بس احنا ماوافقوا يرفعون لنا .. قالوا جدد . بالله يعني الجدد مالهم ظروف . فعشان كذا ارسلها ابويه لمكتب الوزير . لاكن الوزير راح المغرب ويوم رجع نسى القلم اللي يوقع فيه فرجع سافر ياخذة

صح كان اول الموظفة الجديدة ما تطلب نقل ظروف خاصة بس صدر تعميم جديد هالسنه لذلك يسمح لك بطلب نقل ظروف خاصة عن طريقة إدارتك. الحين المطلوب منك احد من اهلك يروح الوزارة يتابع الطلب . أما بخصوص الاتصالات ما راح تلقى رد منهم لأنهم في فترة إجازة وأكيد الدوام مسحوب عليه بالتوفيق

ماعندي علم لكن أسأل الله أن ييسر لك أمرك ويفرج همك ..
وحشتينا لو ذكرتينا <| مسوية قافية أنا ووجهي

http://vb.chat-qlbi.com/t36665/

صح الجدد مو كل الحالات يرفعون لهم
محددين بس حالتين اللي هي مرض احد الابناء او الزوج والحالة الثانية وفاة المحرم

باقي الحالات لازم بعد انتهاء سنة التجربة هذي التعاميم وقعنا عليها واكيد مرت عليكم

هلا ام روان .. مامر عليه ولاتعميم ترى مو كل المدارس يورون التعاميم لنا . كلها اجتهادات ننبش ورا حقوقنا ماندري عن شي . مع اني انا اشوف التعاميم كلها بمدرستي لاكن يمكن ما انتبهت ابراء للذمة . واللي يهمني الحين كيف اعرف قبلوا اوراقي ولا لا . والله يعين