[align=center]السلام عليكم ورحمة لله وبركاته

مساكم الله بالخير

عندي مبلغ اربعين الف ريال وهو مبلغ المكافئة الجامعية كنت اجمعها الحمد لله
والوالد بيساعدني بعشرة الالاف وناوي الايام القادمة باذن الله اشتغل لهذا الموضوع واجهزه

والمحل على حسب ميزانيتي اما بيكون بقالة او مغسلة وانا محتار بينها للان
وخايف من مكاسب البقاله ماتكون مرضيه وخايف من المغسله من خراب الالات والعامل اللي يتقن شغلته

والأهم واللي ابغى اعرفه ماهي الطريقة القانونية حتى افتح محل
ماعندي خبره بهذه الامور وين اروح وين اجي وايش المطلوب والوالد كبير بالسن ماله شده روح وجيه ولاحتى عنده محلات او خبره سابقة هذا بالاضافة لموضوع للعامل كيف اجيبه

وشكراا [/align]

أســأل الله أن يوفقكـ ويرزقكـ
كل شي سهل الحين
بالنسبة لسجل التجاري تقدم عليه من النت
وبالنسبة للعمال لازم تسعود لو واحد واذا كنت متفرغ سعود نفسك
ولا شف لك اسم سعودي وسجله فالتأمينات حتى تحق لك التأشيره

السجل التجاري من النت لأهل الرياض على ما اعتقد .
والباقي لازم ينكرف ( الله يعين بس )

شاكر لكم يا اخوان هذه معلومه ومنكم استفدناها
الله يعطيكم العافيه

بالنسبة للبقالات
أهم شيء الموقع والعامل الأمين
الله يوفقك

هل إذا جاب سعودي وسمحوا له بالفيزا وبعدين مشى السعودي يكون الشغل نظامي ولا لازم السعودي يكون متواصل معاه..؟

حبيي لو فصلة السعودي لزم تنزل أسمه من التأمينات وإذى نزل إسمه من التأمينات صرة في النطاق الاحمر ويجب أن تجب سعودي جديد وتسجله مرة ثانية الامر ليس مؤقت وزارة العمل عارفة إن إغلب اصحاب العمل بيسون كذا عشان كذا صارت المنشأة مربوطة باالتأمينات مباشرة يعني لو فصلته لزم تدور غيره ولا لا تستفيد إي شئ وحتى العامل اللي راح تجيبه بعد الثلاثة أشهر يرحلونه لك بسبب النطاق الاحمر هذا أذى ما سكرو محلك ولا عطوك غرامه هههههههههههههههههههه

انصحك فالمغسلة وتكون عند شقق عزاب موقع خطير
بالنسبة للاجرائات مالي اي خبره فيها
بالتوفيق ان شاء الله

الله يرزقك
يا الحبيب عندي محلات للاجار بس متاجرتها الحكومه مني خمس سنين ولا كان اخدمك
انت مستجد ومقبل ع خير ان شاءالله
اعلمك حاجه وخله براسك زين اول سنه سنتين يمكن خساره وثم تبدا بالربح ان شاءالله
وخل فيها جوائز فاين بس الي باخر المملكه يجيك
موفق

هذه اليومين قاعد ادرس البقاله والمغسله وبشوف الانسب
وبفتح موضوع ثاني بعد ما اقرر عن مستلزمات البقاله او المغسلة ومتطلباته واللي تحتاجه ان شاء الله
وجزاكم الله خير ماقصرتم