السلام عليكم ورحمة الله وبركاتة
مساء الخير للجميع

انا اشتغلت بشركة منتجات تجميل كبائعة بصراحة العمل ممتع ورائع
بس
#كان في مديرة سعودية تقول انها مديرة جميع الفروع بالمملكة في الشركة
كانت تتصل علي تهزئني هي واخواتها عشان اتاخرت او عشان السواق حقهم الي بيرسلوة
المهم قرفتني فالشغل كلمت صحبتي عنها قالت كلمي المدير واشتكي له منها
(( المشكلة فالمدير)) كلمتة وقالي طيب بكلمها وقعد يقول ابغا اصير صاحبك وانتي فاهمة كلامي واتكلمي معايا زي الناس ومايحتاج اعلمك وانا تكلمت معاه باحترام وعلاقة موظفة بمدير محترمة طنشتة وقفلت
#وكان عندهم مواصلات سواقينهم كلهم مو محترمين يبغوني اطق حنك وسواليف وضحك معاهم بالسيارة وجاتني ازعاجات من واحد هندي منهم الساعة 2 و 3 بالليل وطبعا يرسل كلام وسخ عالواتس اب رجعت كلمت ((المدير)) قالي عادي احنا فشركة ولازم تواجهي زي كدة وتتكلمي مع السواقين عادي بس انا الهندي دا اوقفة عن الازعاجات وصرت اروح مواصلات على حسابي
# الراتب عندهم بالتدريج اول شهر 1500 ثاني شهر 2000 ثالث شهر 3000 ويستمر على كد
كانت مدريتي المسؤولة عن الفرع تقولى لازم كل يوم تبيعي اقل شي ب 300 اذا ماجا زباين او احد اشترى تهزيء وليش كدا مع اني اقنعهم وارغبهم بالهدايا بس ما يشتروا اتنقلت لفرع تاني جديد وعندهم محل وكشك فيوم افتتاح المحل كلمني المدير ويصرخ ويهزء واني خسران ادفع اجارات وانا خليتك بالمحل هدا عشان اثق انك لازم تدخليلي بالشهر اكثر من 19 الف قلتلة انشاء الله واحاول بس زي ما انتو عارفين السوق هو الي يحكمك وطبعا انا كنت ابيع فالكشك والمحل رايحة جاية والمفروض يجيب موظفة تانية بس يبغا يوفر فلوس يعني استغلال تام (( وطبعا المدير كان معتمد على الاجنبيات موظفهم بالفروع الي تدخلة 19 الي 20 وهو يقول انو يبغا يوظف الناس الي تتعب وتبا تشتغل من جد وتجيب فلوس مع العلم انو لمن نقلني بس عشان الجوازات لانة كانت اجنبية الي تيبع بالمكان الجديد الي نقلتلة)) وعلى فكرة او شهر اشتغلت فيه جبتلهم 9000 والتارقت 5000 ومافي ولا زيادة الا يقولي انتي كنتي جيدة فالمبيعات !!
# طلبت اجازة اختبارات اسبوعين طبعا هوا يبغا يوفر فلوسة عشان يشتري فيها المنتجات ويستغلني بالشغل والكرف, قبل موعد اجازتي بيومين جات المديرة السعودية سوت لي مشكلة من الهوا وقالت انتي بكرا لا تيجي خلاص مفصولة .. قلت الحمد لله جات منك طيب ممكن استلم الراتب
طبعا اشتغلت بالمحل والكشك لمدة اسبوعين ودخلتلهم 6000 واعطوني راتب 1300 وفنفس اليوم الي فصلتني المديرة منه جابت بنتين وحدة بالمحل و وحدة بالكشك !!!!
# طالبت بمستحقاتي كاملة (لايوجد) شهادة خبرة برضو لا يوجد قعدت اشحت من المدير شهادة الخبرة 3 اسابيع مو راضي يقول مني مجبور اسلمك هيه وانتي ماكملتي 3 شهور ((النظامي اصلا اغلب محلاتة الي فاتحها بدون تصريح من البلدية)) وقبل ما استلم شهادة الخبرة بيومين يقولي انا اجيب لك هيه بالبيت او نتقابل بمول وانتي تفهمي الباقي طبعا وساخة لابعد الحدود والحمد لله اني طلعت من عندهم بسلام ..

صبايا انا قلتلة اذا ما حتسلمني شهادة الخبرة حشتكيك بمكتب العمل طبعا خاف لانة عارف انو اغلب شغلو مو نظامي ...

هذي معاناتي بشغلي هل تصرفي كان صحيح ؟

أهلاً وسهلاً أختي

أسمحي لي بتدخل قليلاً

أو شي أختي يعوضك الله أن شاءالله خير منها بأذن الله


1- لو صار عملك أقل من ثلاث شهور تعتبر فترة تجربه ولايحق لك شهادة خبره
2- أهم شي أختي الحين بعد ماتقرين رسالتي تدخلين على موقع وزارة العمل
وموقع التأمينات الأجتماعيه وتتأكدين بأنه تم أسقاط أسمك منهم

لو حصلتي أسمك بتأمينات ومكتب العمل

سأشرح لك تفاصيل طرق التعامل معهم

وفقك الله

ما دخلوني بالتأمينات ولا مكتب العمل


بس انا كرفت وتعبت واشتغلت مكان موظفتين
وربي كنت اشتغل بكل امانة
عشان ادخلهم المبلغ الي يبغوة
مع تهزيء كمان

الحمدالله على كل شي أختي وأن شاءالله بيعوضك الله بأحسن منها

وبصراحه كان المفروض أنتي طالبتي من البدايه بتسجيلك بتأمينات ومكتب العمل

اشتكي للهيئه

بلغي الهيئة
اقسم بالله العظيم حرام عليك لو ما بلغتي الهيئة وحتتحاسبي عند ربك يوم القيامة
واذا ما تبغي هاتي اسم الشركة عالخاص وانا ابلغهم

هذا المدير واشكاله لاعب في بنات الناس الكلب عديم الدين والخلاق
هذا الكلب يمنع البنات الكفاءات ويوظف بنات اي حاجة عشان يمشو معاه في اللي يبغاه
وكمان يمنعو الشباب من الوظايف عشان يوظفو بنات ويلعبو بمزاجهم
نفس الكلام وزارة الصحة ووزارة العمل بالمناسبة
والهيئة طايحين في هالمراهقين شبابنا لاضعاف المساكين اللي حتى سيارة ما عنده على ايش لبسك مو عاجبني شعرك طويل شكلك بنية
دنيا قرف يشيخ كلها مظالم في مظالم

لازم يصير فيه عبرة يتمسك من الهيئة هو وعشرين واحد كلب من اشكاله مرو علي لازم يعملهم كمين ويتمسكو الكلاب هذولا

حسبي الله ونعم الوكيل على كل ظالم
الله يعوضك بأفضل من هالوظيفه ان شاء الله بس ليش نسكت على الظلم لازم يكون عبرةة لكل واحد هدفه الوحيد يستغل بنات الناس وحاجاتهم ...

الله يصلح بعض البنات لما تسكت للسائق الاجنبي وعن تحرشاته هي بالاسلوب هذا تخليه يتمدى معاها ومع غيرها مايصير لازم توقفينه عند احده ولا تخلين احد يوقفه عند حده

بصراحة انا لو مو محتاجة الوظيفة كان فصلت واخاف اني ابلغ الهيئة المشكلة حتكبر وتوصل لاهلي
عالعموم المديرة كمان زي المدير بالضبط اصلا ما وظفها مديرة الا لنها عطتة وجة