السسلام عليكم
شباب نبي كل واحد دخل المقابله الشخصيه يقول وش صار معه بتفصيل
ووش ينصح الشباب فيه
فالكم القبول يازكرت

ياعيال الي راحو ، اشرحو لنا المقابله وش الاسئلة ، التحريري وش الاسئلة ؟



علموووووونا ياشيخ

« كلمات الفرج : لا إله إلا الله الحليم الكريم ، لا إله إلا الله العلي العظيم ، لا إله إلا الله رب السماوات السبع ورب العرش الكريم »
عن النبي صلى الله عليه وسلم ، قال :
« دعوات المكروب : اللهم لا إله إلا أنت ، رحمتك أرجو فلا تكلني إلى نفسي طرفة عين ، وأصلح لي شأني كله ، شأن الدنيا والآخرة ، في عفو منك وعافية ، لا إله إلا أنت »

السلام عليكم ورحمة الله وبركاته

احدثكم الان من مقهى بجانب الكلية

رحت لهم اليوم الساعة 5 ونص وخشيت

الملف المطلوب اللي يجي من ورا لون ومن الامام شفاف

وتلقا الهنود يبيعون الواحد ب5ريال

دخلت المسرح جلسنا تمشي بالطابور يدققون اوراقك يشوفون مختمة او لا ( واللي ماهي مختمه يخلونه يكمل ويرجع لهم اليوم الثاني مختمة )

وياخذون الصور ( واللي مامعة صور يقولون اطلع صور وارجع )

بعدين ياخذون ملفك ويعطونك استمارة الكشف الطبي وكرت فيه صورتك ورقم الطلب

تروح للمقابلة الشخصية

المقابلة الشخصية بالتفصيل

دخلت وانا قبلها كنت استغفر وادعي وربي الهمني وكنت اردد اية ( واخفض لهم جناح الذل من الرحمة وقل ربي ارحمهما كما ربياني صغيرا )

ويوم دخلت قالي عرفني على نفسك
بعدين عطني نبذة عن دراستك فالثنوية وكم نسبتك وكذا واي مدرسة

بعدين قال اقرا القطعة ( اقراها بصوت عالي وجهوري )

بعدين قالي تكلم عن بر الوالدين فعلى طول قلت الاية اللي كنت ارددها قبل الدخول

وقال اطلع السبورة اكتب منهو وزير الداخلية وتجاوب انت ..

بعدين رحنا الكشف الطبي تخش محل التغيير وتفصخ ملابسك تخلي السروال الصغير عليك
ويعطونك لبس شفاف اصفر تلبسه

وتخش على العيادة يحط السماعة على صدرك وبعدين يقول اجلس وقف

بعدين تقرب منه يدخل يده داخل السروال ويقول حط وجهك يسار وكح

والسلام مسك الختام

عاد العصر برجع لهم عشان الاختبار التحريري واللياقة دعواتكم

نصائح للقابلة الشخصية

اعرف اسماء الوزارء والمناطق

واسالتهم بين ثمرات الصلاة وبر الوالدين والتدخين وماشباها

واذا جلست على الكرس لاتشبك يديك او تحركها لانها تدل على الارتباك

بس ضعها على ركبتيك

وبالتوفيق لكم

شيء حلوو

مشاء الله ياسلطان ..

بالمقابلة الشخصية أفراد ولا ضباط ؟؟

وكيف العدد كثيرين ؟؟

المقابلة مقدم ومعه مدني

ومافيه ززحمة كل شي مرتب

ترتيبهم افضل بكثير من كليات وزارة الدفاع

أها سهالات إن شاء الله والله إني خايف من إختبار اللياقة

.. الله يوفقك يارب

متى موعدك

حاول تقوي لياقتك الايام هذي