اخوي مستعبط هل عندهم اختبار السمع مثل اختبار الجوية

اذا فيه ماراح اروح لهم , اقسم بالله اختبار تعجيزي ,

ولله مواصل من امس وماسك خط الرياض

والنفسية تحت الصيانة -_-

تمسو على خير وعدنا لمن قمت من النوم

يعطيك العافية اخوي مستعبط
بسألك عن اللياقه يقولون فيها طرد صح ؟ انا ان شاء الله احسن ليآقتي من آلحين !
والمقآبله وش اكثر شي يسألون عنه أو يركزون عليه ؟
انا مقابلتي الاسبوع الجاي دعوآتكم
وبالتوفيق للجميع وفالكم القبول يارب

نوم العوافي سلطان وفالك القبول والجميع يارب
وش رايكم في قروب واتس اب للمقبولين بالحرس؟

راحت أحلامي .. راحت عليك خلاص كمل في الامن .. لان مايقبلون الا خريجين هالسنه وطلع المبدئي



اتمنى لك التوفييييييق ياشنب

صباح الخير
وينكم ياشباب

السلام عليكم ورحمة الله وبركاته

نبدأ على طول ^ــ^

خويي راح لهم امس الساعة 6 بالزي الرسمي كامل

خش على تدقيق الاوراق بعدين عطوه بطاقة عليها صورته ورقم الطلب

وخش على المقابلة الشخصية على طول

اول ماجاه سلم عليه وقال عرف بنفسك بعدين قال تعال قرب

واقرا القطعة اللي عنده قراها ( حاول تقراها بصوت عالي وجهوري )

بعدين قال وش تتكلم عنه القطعة بعدين قال اكتب على السبورة ( الخرج تقع جنوب بقيق )

وبعدين قال هل هذا صحيح ؟ الجواب لا

بعدين قال خلاص وطلع راح للكشف الطبي

تفصخون ملابسكم وتخلون عليكم السروال الصغير ويعطونكم شاش تلفونه عليكم

وتخشون على فحص الاسنان وفحص الجسم اللي تنزل سروالك ههههههه

وبعدها تطلع الساعة تكون 9 ونص تقريبا ويعطونك بطاقة مراجعة ترجع لهم العصر الساعة 4

ورجع لهم بلبس رياضي كامل

واختبار تحريري ورقة وحدة اسئلة عادية ومنها انقليزي سؤالين

وبعدين تروح لأختبار اللياقة

تسوي بشم في 10 ثواني يقول العسكري اللي عنده حبيب يقول خلص سرعة ومشاه
وبعدها تسوي شد البطن

وتطلع للمضمار

تاخذ لفتين 800 متر في 3 دقائق ونص

وبعدها خلاص تروح ويقولون لك تجينا بكرا الساعة 5 الكشف الطبي النهائي

وانا موعدي السسبت والله يستر لايكون مثل الجوية اتعب نفسي فالاخير طرد

وعليكم السلام
يعطيك العافية سلطان
طيب بسأل الكشف الطبي النهائي بعده شي ولا خلاص ؟

نتائج القبول بعد الكشف النهائي ولا قبله ؟

تم تحرير الرد من قبل الإدارة