انا اول مره بالموقع وكثير عجبني ونفسي تشاركوني افكاركم نفسي في مشروع صغير ما تكون تكاليف المشروع اكثر من 150 أو 200 الف
اتمنى ما تبخلون بالافكار ولو في حدا بدو يشارك مافي مشكلة يذكر الفكرة ويرسل التفاصيل وانشالله يصير الخير

هههههههههههههههههههه الله يوفقك
مشروع ضخم يا الحبيب اول شي يا مرحبابك الف وسعدنا بوجودك>>>لو يشوفني ع هالترحيب عطوني اشراف هههه
شوف المشاريع واجد بس اكلونا هالهنود والعراقيين والسوريين الله ينصرهم ولا ننسا بتاع كلو المصري
من ناحيتي مشروع ع قد فلوسك
اول شي
1اشتر100شياه غنم =100الف
2هندي راعي للغنم=14000
3وايت سكراب=25الف
تبن وتكرمون عنه شعير للغنم=10الف
4خيمه ام عمود من الحراج =الف ريال
وهالحين يطلع الناتج150الف ريال
اول شي اشترهم بكره خل شغلك حار بحار
وربهم لين يقرب عيد الضحى يصير عندك حوالي130راس
تبيه الواحد 1500
يطلع ربحك خلال 3شهور 45الف
والله يرزقك>>>ع فكره ترا ماني تاجر فيها بس لي خبره لان الصمان مليان منهم ههههههههه

بداية أسأل الله أن ييسر لنا ولكم مافيه الخير

وقبل كل شي يجب أن تباشر عملك بنفسك

هناك عدة اقتراحات وإن كانت مكررة ولكن يقد تجد فيها الفائدة

وكما قيل لنجاحك يجب عدم وضع البيض بسلة

-مؤسسة نقليات ( نقل بضائع - سطحات - أشخاص . . .)
- مغاسل ( ملابس - مفروشات - خزانات مياة...)
-بوفيهات ومطاعم ( سندوتشات - مشويات - بروست . . .)
-استيراد سيارات
-بيع التجزئة بشكل عام ( شراء بالجملة والبيع بالتجزئة )
- توزيع بضائع ( بقالات - مطاعم - قطع غيار . . . )
.
.
.
والقائمة تطول

وفقكم الله لكل خير