السلام عليكم


هناك شخص بدون مزايا

بحث بدون اي فائده

له قصه مع البطاله

ولكن بطاله مقسمه الى قسمين


بدات البطاله من عام2007

ومثل اي شاب يتخرج من الثانوي قال نجلس نرتاح سنه وبعدين ربك يحلها

السنه صارت سنتين من البطاله،،، عاطل لا يعمل

اليوم مثل امس وبكرا مثل اليوم

كان روتين لمده سنتين نفسه ماتعير يطلع من البيت يروح الاستراحه يرجع من الاستراحه الفجر ينام يقوم باليل يروح للاستراحه ،،،،الخ

في يوم من الايام جت فكره النحس بالنسب له طبعا اللي هي فكره الابتعاث
طلع بعثه راح وكان من دون اي تفكير اهم شي يستانس يروح المعهد يدرس ويطلع يفلها وناسه مع العيال وكانه في استراحتهم بالسعوديه الى درجه انهم مسوين شقه هو ومجموعه من السعوديين ( هالشقه مثل الاستراحه يجون يتكون فيها وبلوت وفله حجاج)

خلصه السنه ونص حقه اللغه طبعا ماجتاز اللغه لان نص هالسنه ونص كان بالسعوديه

عموما رجع لسوديه نهئيا لانه ماجتز اللغه قعد بالسعوديه سنتين عاطل

ثم بعدها طلع يجرب مره ثانيه حظه بالبعثه لكن هالمره لـ امريكا لكن هالمره مو بعثه فقط راح يحاول يسترجع مافاته ويدخل الجامعه

بقى على دخوله الجامعه مستوى واحد فقط للاسف ماقدر يكمله

رجع لسعوديه

عاش البطاله مره ثانيه


انقسمت البطاله تلى القسمين ذولي

قسم كان برا السعوديه ولا قدر يسوي شي

وقسم قاعد بالسعوديه مايسوي شي

صحيح انه اشتغل شغلات عاديه لكن للاسف مافاده شي


ليه هو شخص بدون مزايا لانه يحس انه مايقدر يسوي شي
يحس انه فاششل

ماله موهبه ماله اي شي يحس انه انسان عايش على البركه

مثل ماتجي تجي

تتوقعون وش النصايح اللي اقدمها له

مع العلم انه حاول يثقف نفسه حاول يسوي شي يقرا كتب لكن للاسف كل اللي يقراه يتبخر بسرعه

مايقدر يخزن الشي بداخله


تتوقعون راح يعيش على هالحال ولا في يوم من الايام راح يلقى مميزات ومواهب داخله ؟



اتمنى اللي عنده نصايح يحطها عشان انقلها له




مع العلم بخصوص التوظيف

من كثر مارسلت السي في حقه

حتى وظايف البنات ارسل لهم يرسل السي في حقه كثير للاسف محد قبله
محد قاله تعال نوظفك

محد قال نساعده بوظيفه وبي يرزقه منها


الله يكون بالعون


شكرا لكم

موضوع جميل
ونشكرك ع حسن المعامله معه
نصيحه بوسط العنين
خل يروح مكه لحاله>>>في نتيجه له بذن الله
الصلاه يتعلق فيها بأوقاتها
كثرة الأستغفار
استغفر الله وأتوب أليه
من فوايد الاستغفار الي ذكرة في القران [ويمددكم بأموال وبنين ]
والله يوفقه ويوفقك ع حسن نيتك فيه والله يكثر من أمثالك

وعليكم السلام ورحمة الله وبركاته

أنا لست ذو خبرة ولا أهلً للنصيحة ولكن هي خربشات تقولها له بعد التحية والسلام:

1- قال تعالى ( إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنفُسِهِمْ ) خل هذه قاعدة في حياتك وهي البداية لك ولغيرك

2 - إنسى شيء إسمه سهر وشلة واستراحة وكلام فاضي <<-- كل هذه الاشياء ما جابت لك نتيجة ولا تكون / الشقي / الذي يتعظ من نفسه ويتعظ منه الأخرون.

3 - عدل وضعك مع ربك ولا تنسى صلاتك بالمسجد ( لا تقولي أنا أصلي ) فيه بعضهم صلاتهم زي قلتها وما يحتاج أوضح أكثر وإن شاء الله إنك مو منهم.

4- أترك التحلطم والتشكي ومافي شيء يجيك بالساهل بس مع العزيمة والاصرار تشق الصعاب.

إذا بدأت تطبق الأربع بحذافيرها والتزمت فيها ( تراني ما أقصد تصير مطوع ولكن تعدل من وضعك الحالي ) ذيك الحزه حط لنفسك أهداف لتحقيقها , هل ناوي تدرس بأحد الجامعات أو تتوظف وعلى ضوءها تبدأ بالتخطيط السليم بعد التوكل على الله.

فرضاً تقول ناوي أدرس انتساب تخصص إدارة أعمال وأتوظف حتى إذا تخرجت أكون جمعت مابين الخبرة والشهادة وتعطيني ترقية بعد مرور أربعة سنوات من العمل أو حتى أفكر بالانتقال إلى شركة أخرى
أو فرضاً تقول ناوي أدخل التدريب المنتهي بالتوظيف حتى أخذ الدورة التدريبية ثم أطبقها لمن أتخرج وبعد ذلك أبحث عن الدورات التطويرية كي تزيد من ابداعك بالعمل وتتفوق على زملائك.

حكاية إنك فشلت بالوظائف وأنك بدون مزايا هذا لانك ما طورت نفسك ولم تصقل مواهبك بالتدريب والتطوير , خلنا نفرض اشتغلت حارس أمن , هل فكرت تدخل دورات أمن وسلامة حتى تزيد خبرتك ومهاراتك ولمن تقدم على شركات أخرى تحسب لك وتزيد من راتبك <<<-- هذا مثال بسيط وقس على ذلك بقية الوظائف

حكاية إنك تقرأ حتى تتثقف ثم بعدها تتبخر , هذا لانك فارغ من الداخل ولا تملك أي هدف وتقرأ فقط لأجل أنك قرأت , أما لو كنت تقرأ لأجل هدف معين مثل وظيفة تشتغل عليها في هذه الحالة راح ترسخ المعلومة والشيء اللي تقراه راح يغذي عقلك وتستطيع أن تستفيد من الأفكار التي قرأتها وتطبقها بعملك وتصبح لك انجازات تضمنها بالسيرة الذاتية.

حكاية أنك ترسل السيرة الذاتية حقته , هل فكر صاحبك بقراءة مواضيع كيف تكتب سيرة ذاتية بإحترافية ؟ وخاصة أن خويك قد اشتغل بوظائف سابقة.

أما حكاية إنه هل راح يبقى على حاله أو يكتشف ما بداخله , هذه اجابتها فوق بالآية الكريمة إذا هو ما بدأ فما راح أحد يجيه للبيت ويقوله قم معي أغير وضعك.

غير من وضعك الحالي وابدأ حياة جديدة / لا تحطم نفسك / حدد أهدافك وأولوياتك / وخذ الأمور بروية وصبر ولا تستعجل النتائج وإذا عجزت مره فحاول أخرى وإذا تعثرت فجرب ثانية وإذا سقطت فقم وواصل ثالثة حتى تصل إلى مبتغاك

وفقنا الله وإياكم جميعا.

طيب لوانتم قريبين من بعض اقصدمدينتكم وحده ليه ماتكون القائدله وتاخذبيده لبرالامان ترى موضروري تقوله انك بتأخذه معاك عشان تغيره ومن هالكلام اطلب منه يروح معاك لاحدى الدورات لتطويرالذات بعضهامدتهايوم واحد وممكن على يدينك يتحمس ويتغيراحنا فينا طبيعة ياالبشرلما يجينا احد يطلب مننا نتغيراونتفاعل استحاله نتجاوب خصوصا لكان الاسلوب لاذع وجارح اثني عليه امدحه ولوشفت عنده موهبة اوشغلة يتقنها شجعه بس بدون مبالغة وتكرار عشان مايمل والناس بعضهم سمعي يعني يتعلم عن طريق السمع ولايركز على الاشياءالنظرية تتبخر معلوماته والعكس بعضهم بصري يركز على الاشياءاللى حوله ويتعلم نظري اكثرمن انوا يحب يسمع فااعرف شخصية صاحبك اي نوع عمليه نظرية اوسمعية وحاول تبرمجة على هالاساس بدون توضح له مباشرة ولوتجيب له كتاب يفيده افضل كبداية والله يخليكم لبعض ماشاءالله عليكم ..واذا انه يتكاسل اوعده باي شي تقدرتحققه له لوتفاعل معاك وراح للدورات تقدروا تشوفونها على النت ..

هذا الحساب جيد لتطوير الذات والحياة

https://twitter.com/t6weer7iatk

أحدها:
تقول الحكمة الهندية : من أراد #النجاح عليه أن يتغلّـب على أسس الفقر الستة : -النوم -التراخي -الخوف -الغضب -الكسل -المماطلة