السلام عليكم ورحمه الله وبركاته


مبروك لجميع المقبولين في تجسير جامعة المجمعة

كثير منكم عنده استفسارات وأسئلة عن الدراسة وش راح ندرس

وين ندرس ؟ متى نداوم ؟ وكثير أسئلة !!!


طبعا اللي جته رسالة قبول نهائي و راح عطوهم أوراقه بتجيه رساله برقم الأكاديمي والرقم السري

يدخل يشوف جدوله وأموره بالبوابة الأكاديمية

على هذا الرابط

http://edugate.mu.edu.sa/mu/ui/home.faces

والدراسة راح تبدأ 24/10/1434 هـ

مع الطلاب

طيب أبي أعلمكم شغله جميع التخصصات وأماكن تنفيذ الدراسة







طيب الواحد يسأل وش راح ندرس

حسب اللي موجود بالموقع أننا راح ندرس من جديد بدون السنة التحضيرية


طبعا الخطط الدراسية موحودة على الموقع

من هنا
التحميل


طبعا موجود بالخطة الدراسية أننا راح ندرس 8 مستويات
واللي أعرفه أنه مافيه صيفي بالجامعة

يعني راح ندرس 4 سنوات

والله حرام أكملها سنة التحضيرية وأخذ هندسة من جديد ومضمونة وبكالورويس منتظم أحسن من أخذ بكالورويس متوازي بنظام التجسير يمكن محد يعترف فيه ولا أحد يبيه لما نتخرج !!!

والإ شرايكم ؟

طبعا مدري يمكن تكون 3 أترام بالسنة ونخلصها بسنتين ونص بس ما أظن أبد !

وعندي مشكلة وأعتقد البعض منكم يعاني من هالمشكلة بعد

ما يبي يخسر وظيفته بالرياض وينقل للمجمعة يدرس !

لأنكم تعرفون صعبة الواحد يستقر ويحصل وظيفة حاليا !

خاصة لكنت مرتاح فيها والشركة كويسه ..

تتوقعون نقدر نداوم بالرياض وندرس بالمجمعة ؟؟


والله المغامرة هذي ناوي عليها وبقوة بس خايف الدراسة تكون بلوشي واخر شيء محد معطينا وجه !!


انتظر مشاركاتكم وارائكم

وأي سؤال أنا حاضر باللي أقدر فيه