شباب وش علم كلية الملك خالد العسكريه
لذا الدرجه ماتمشي الا بوااااسطه وليش الملك خالد خصوووصا

وش سالفتكم مع الواسطة !!

أعرف ناس كثير دخلوا كلية الملك خالد والحربية والجوية بدون أي واسطة

معدلاتهم عالية و شخصياتهم متميزة و لائقين طبياً وهذا المطلوب للقبول في الكليات

الواسطة موجودة لكن ما تلغي حقك في القبول

اه يـ الواسطه بس الله يرزقنا

الحرس= واسطاااااااااااااااااات

اسمحوا لي يااخوان بشطح عليكم شوي
اذا الله كاتب لك شي بتاخذه بواسطة او بدون
بس الواحد يفعل الاسباب
اتوقع اكثر واحد سعى في الوظائف انا
وماعمري توظفت الا بواسطة حتى كاشير في بلشرف قبل 10 سنوات كان بواسطة
كنت مقدم على مكتب العمل واحاول فيهم ابي اي وظيفه ماحصلت
طبعاً كانت شهادتي ثانوي
اخرتها حصلت موظف عندهم بالصدفه يبيع في كشك جوالات
وقلتله انت في مكتب العمل الله يرحم والديك وظفني
قال ابشر تعال بكره عندنا وظيفة كاشير في بلشرف تبيها !!
قلت تم
ومن بكره طبع لي خطاب ومباشره في بلشرف
والراتب 1500
شي يرفع الضغط صراحه لكن وش تقول !!!
الى الحين3 وظائف كلها واسطه ماعدا اخر وظيفه شركه ويحمدون ربهم اني متوظف عندهم
طبعاً سعووووووووده
مايحتاج واسطه
الحرس الوطني اتوقع تقهويت في 5 مكاتب عمدا
ومدني في المرتبه 14
كله عشان جندي اول او عريف !!!
اخرتها مااتصلوا فيني الا بعد سنتين يوم جاء دوري بالسرا !!!
ومره دخلت على فريق تبع وزارة الدفاع انا واخوي كنا مرسولين له من رجال قوي
واخوي برضوا يعرف الفريق
قبل نطلع من عنده قال فلان بن فلان يامر امر
و ابشر موضوعه ان شاء الله منتهي (( يقصدني ))
وعليها للحين 7 سنوات

العجيب ان ناس يتصلون فيني يقولون فيه وظيفة في البلدية تبيها ؟؟
او الاتصالات او الجوية او الدفاع الجوي وكلها مدنية
اقول اوكي
اروح اقدم اوراقي واخرتها ولاشي
سبحان الله يمكن ربي رادني من شي
الواحد مايتحطم الواسطه موجوده محد ينكر
وللاسف انها توصل لقطع ارزاق بعض الناس

لكن الواحد يسعى بكل الطرق

الله يوفقنا وياكم

(لواجتمعت الامه على ان ينفعوك بشى لن ينفعوك الا بشي قد كتبه الله لك ولو اجتمعت الامه على ان يضروك بشى لايضروك الا بشى قد كتبه الله لك)