السلام عليكم يا اخوان انا متخرج من الجامعة وعاطل لي سنة ولم اغير مهنة هل مهنتي الان طالب ولا متسبب لاني مارحت الاحوال ولا غيرت شي الشي الثاني في موسسة مقاولات وديكور ابغى انقلها باسمي صاحبها مايبيها ولا يبي وجع راس قلت اخذها واشتغل فيها
هل لازم اروح اغير مهنة متسبب ولا عادي اقدر انقلها بدون علما ان عليها اربعة عمل وابي انقل العمل بعد ايش الاجراءت اللي لازم اسويها وهل لمهنة متسبب اضرار بعدين اني ما اقدر اكمل درسة ماستر او لو قفلت الموسسة معاد اقدر اتوظف حكومي وشكرا

مهنة طالب لاتستطيع تفتح فيها سجل تجاري

وتعديل المهنه بسيط نموذج بالأحوال و 2 شهود وتتعدل من طالب الى متسبب


أيهم أفضل كلهم واحد سواء كنت طالب ولا متسبب


بس المتسبب تقدر تمارس النشاط التجاري

وفقك الله

تحياتي لك لآخونا النشط (وراء الوظائف)
اجابك على الجزء الاول المهنة
انا اجيبك الجزء الثاني
اجراء تنازل من فرع وزارة التجارة عن السجل والترخيص
وتنازل عن العمال من مكتب العمل
بس قبل كل الاجراءات تتأكد من الالتزامات لمؤسسة قد يكون عليها التزامات وهي اتجاه التأمينات والغرفة التجارية وحقوق العمال وبالتوفيق للجميع

نسيت اقول لك تستطيع توظف وتدرس بالوقت الحاضر قد يتغير النظام مستقبلا الله اعلم
بس حافز والضمان لا تسطيع الحصول عليها

انا غيرتها الاسبوع اللي طاف ماذكروا شهود بس اخر شهادة حصلت عليها الاصل وصورة
مع النموذج فقط عشر دقائق وهي مغيره
الله يوفقك

يعطيكم العافية ماقصرتوا