خريجين وخريجات الكليات التقنية التخصصي يبيكم... أو اي دبلوم

alenazi · #1 (**permalink**) 11-01-2007, 12:50 AM

السلام عليكم ورحمة الله وبركاته،،،
كلامي واجد اللي بيختصر المشوار ينزل لين ما يجيه كلام لونه احمر ويوقف ويقرأ.. لازم اقولكم قصتي يالله بسم الله نبدأ,,,

اليوم رحت لمستشفى التخصصي لطب العيون عشان والدي الله يطول بعمره له موعد وقالوا بعد ساعه يعني عندنا انتظار قلت لابوي انتظر هنا بروح وارجع لك .. قلت خلني مثل ياسر التويجري ابيع الخجل قلت الواحد لا صار طول عمره خجول ابد ما راح يسنع نفسه .. ( ياتعيش ذيب ولا نهشتك الذيابه ) ورحت اسال عن التوظيف عندهم .. طبعاً مو لي والله قلت ابي ابحث بقد ما اقدر للاخوان العاطلين ولا انا الحمدلله وظيفتي موجوده ما احتاج وبنفس الوقت عشان ربي يوفقني على قد نيتي
اخلص بس<<
المهم درعمت على واحد شايب قلت شلون نظام التوظيف هنا قال والله زي ما انت شايف كله شغل بشغل مانرتاح ولو دقيقه قلت الله يعينكم زين ورى ما يحطون اكثر من موظف عشان يريحون الموظفين من الارهاق،، حبيت اساله بطريقه غير مباشرة بس كأنه فهمني المهم قال الحين فيه وظايف معلنه قلت وش هي قال ما ادري ،، قلت هات رقم التوظيف قال ماني حافظه بس بدق على التحويله ،، دق على التحويله وخلاني اكلمهم من تلفونه وقلت لهم سمعت عندكم توظيف ..الخ
قالوا
ايه عندنا الحين محتاجين خريجين كليات التقنية او اي شهادة دبلوم معترف فيها قلت وش التخصصات قال:
1- حاسب آلي
2- محاسبة
3- تسويق ( ماني متأكد )
4- ميكانيكا ( بعد ماني متأكد )

فيه وظايف غيرها والله اني ناسي لاني انشغلت مع ابوي ما جيت الا آخر الليل،،

بس انتم اتصلوا او روحو وقدموا،،، اذا قالوا عن طريق الفاكس قولوا مو مشكله وخذوا عنوانهم وروحوا لهم ماعليكم من الفاكس،، لحد يستحي اكشخ وتوكل على الله وروح ،، بالنسبة للبنات ما ادري كيف نظامهم بس في كل الحالتين اتصلوا واستفسروا

هاتف: 4821234 -01
فاكس: 4821908 -01 ( عناية ادارة الموارد البشرية )