السلام عليكم ..
قريت انا وياكم معلومات كثيرة ومتناقضة حول التوظيف في ماك او في هرفي
مما خلاني أشيل عفضي وأروح لهم وأتاكد بنفسي ..
وجاي اليوم أنقل لكم المعلومات من مصدرها تفضلوا

بالنسبة لماكدونالز /


- مكان العمل يتم تحديده من قبل الشركة ويتحدد بعد المقابلة .
- الشفت حقك راح يكون 9 ساعات وما تقدر تختار الفترة ويتم تحديدها من قِبل مديرك .
- الإجازة : احتمالية دوام خميس وجمعة إحتمالية كبيرة لكنها ليست إجبارية .
- الراتب : بداية العمل تستلم 4500 ومن أول شهر بعد .
- يشترطون انك موب طالب ، ويوقعونك على ورقة تنص على ذلك ، لأن احتماليه يكون شفتك صباحي .
- مكان التوظيف : في الطابق الثاني في العمارة التي خلف ماك حي الربيع الواقع في شارع الملك عبدالعزيز بإتجاه الشمال عند دوار الأمير سعود بن محمد بن مقرن .





بالنسبة لهرفي /

- غالباً مكان التوظيف يكون في الشمال وتقدر تستفسر منهم .
- الشفت الرسمي للطلاب هو من 6-12 من السبت للثلاثاء وإجباري الدوام اربعاء خميس جمعة من 6-2 .
- الإجازة : يومين إجازة تختارها من السبت للثلاثاء .
- الراتب : (أول ثلاث شهور تدريب): 4050 – 300(تأمينات) = 3750 ريال .
- الراتب : (بعد ثلاث شهور تدريب) : 4850 – 300(تأمينات) = 4550 ريال .
- تعتبر 800 ريال من الراتب مكافأة تميّز في حالة حضورك وعدم تأخيرك (ممكن تاخذها وممكن لا) .
- مكان التوظيف : في حي المصيف بين مخرج 4-5 بإتجاه الشرق قبل شركة سدافكو(حليب السعودية) ادخل يمين امش شوي بتلقاها على اليسار .




إن شاء الله افدتكم؟

ينقل للقسم المخصص

__________________
ومن يعمل من الصالحات وهو مؤمن فلا يخاف ظلما ولا هضما

جزاكم الله الف خير

فيها موارد بشريه ؟ وأنا من أهل الأحساء يسادي أروح؟

ياستر وش هالتشدد والدوام الطويل الي عندهم

بالرغم من انهم يكسبون ذهب

يعني بامكانهم يزودون الموظفين وبالتالي تقل عدد الساعات

لاكن وش نقول الطمع يقل ماجمع

طيب التوظيف فوري وش اخذ معي لاني ادرس بالجامعة