المشاركة الأصلية كتبت بواسطة غآمض

بالنسبـه للبرنامج اليومي للـ 45 يوم في الدفاع الجوي َ

وهذا شرح ممل وبأركز واشرح مع إني جوعآن وباقي ساعتين ع الفطور ~

اول شي وقت دخولك للكليه الساعه 4 العصر ، يجمعونكم داخل الكليه عند البوابه لمدة ساعه تقريبا ..، بعدين يبدون ينادون بالاسماء والي يسمع إسمه يرد بـ ( أمـرك ) : طبعا هذي كلمه راح تجد صعوبه بالغه في إنك تتعود عليها لكن تراني اقولك من الحين ، اذا دخلت العسكريه لاتقول انا وانا وكرامه ومن هالكلام ؟ ورب البيت راح تتعب اذا فكرت كذ1 ؟ وخذها نصيحـه من انسان جرب هالشيء ، المهم نكمل : بعد ماينادون بالاسماء تركبون بااص لونه ابيض َ .

وتدخلون داخل الكليه : وتنزلون سريه سريه ؟ ( بيجي واحد الحين مسوي انا الموخ ؟ وبيقول كيف يدرون اني انا بالسريه هذي وغيري بالسريه الي هناك .؟ ) ، اقولك : يوم ينادون بالاسماء ترا ،/ الورقه الي ينادون فيها هذي سريه ( ابو بكر مثلا ) ، وفيه ورقه ثانيه ( سريه عمر ) و ورقه ثالثه ( سريه عثمان ) ..!!~

فهمت الحين ؟ : المهم تصفون طابور وشناطم مازالت معكم ؟ ويتم التفتيش ويرسلونكم للمستودع عشان تستلم بطانيه واغراض النوم~ ، بعد كذا تنزل شنطتك الي داخل فيها ويعطونك شنطه تحط فيها اغراضك الي بالشنطه القديمه ~َ : ويجي الظابط المسؤول عن سريتك ويوصي طالب او طالبين ( طبعا فيه طلاب نهائي مسؤولين عنكم / يسمون : هيئه السيطره ) / يناديهم الظابط ويقول اجمعوا سريتي عند السريه و كل طالب مستجد يعرف وين مكان غرفته ؟ وطبعا تهرول الله لايهينك بشنطتك ؟ ويجيك يقولك حطها فوق راسك وهرول يالله ، انت بما إنك مستجد يعني ماراح يصير شي : فلذلك انصحك تهرول وهي في يدك وليس فوق راسك . حتى لو صايح عليك اسسحب

هههههه : المهم تتعشون بمكان اسمه ( الميز ) : تاخذ صحنك وسكينه وملعقه و ( شوكه : للإتكيت فقط ) ، وتستلم وجبتك وتتشعى وترجع لسريرك ونوم ~ ، تصحى الفجر : عندك يومياُ : بعد صلاة الفجر مباشره : هرولـه على الاستاد الرياضي ~

طبعا المشوار من مكان سكنك الى الاستاد الرياضي تقريبا : 600 متر أو اكثر ؟ طبعا تروح للاستاد هروله ، وتاخذ على مضمار الاستاد الرياضي لفتين ( اول 4 ايام ) ، بعد كذا 3 لفات ، و4 ، واخر اسبوع بالاستجداد اذكر اخذنا ( 7 لفات ) ع الاستــاد / عشان اللياقه تكون فــُـل ، وعندك بعد الهروله مباشره تمارين تقويه وانت بالاستاد ، بعد ماتخلص ترجع هروله للسكن ، تغسل ويدق بروقي يعني تجمعوا يا ابطال ؟ وتروح تفطر ، بعد الفطور عندك حصتيـن : تدريبات مشاهـ ،/ والمدربين باكستانيين ، وانواع الضحك اول يومين ؟ اذكر اول مادربنا يتكلم عربي ( مكسر وانواع الضحك عليه ) ، بعد كذا بتستحي على وجهك وخلاص ماعاد صار يضحك ههههه ، تتدربون ساعتين تقريبا ؟ وتعب بصراحه ونفسيــه ززفت / بعدين يجمعكم الظابط ويتفلسف عليكم شوي ، عشان ماترتاحون بالسكن ؟ حركـآتهم قديمه وقسم / بعدين يقول يالله رح السكن قبل الصلاه بـ 10 دقايق ؟ عشان تستحمل وتصبر؟ انت عاد تروش اي كلام وصل ، بعد الصلاه عاد قمة الهيـآط يكون ؟ ( ) اقولكم ليه : يجيونكم هيئه السيطره وطبعا ( هيئه السيطره تراها معكم وين ماتروحون / من اول ماتصحى من النوم وهو معك مايفكك الا وقت النوم ، يعني يوم تروح للملعب تراه معك ويوم تتغداء معك وتتعشى معك وكل شي معك ، واحلا وقت لهم معك الظهر ) واقولكم ليه ؟ الظهر يصفونكم وينزل الكاب من راسك ويخلي وجهك للشمس َ لاتقول ابي امي اكره الشمس ؟ خلك رجل واستحمل : يحطك بالشمس حتى وقت الغداء طبعا هالكلام بعد الصلاه على طول ؟ يعني تقريبا نص ساعه او اكثر وجهك ع الشمس و واقف ، بعد كذا تتغداء ؟ بعد الغداء يبقى تقريباً : نص ساعه ع الصلاه او اكثر ؟ على كيف هيئه السيطره يسوون الي يسوونه ؟ النص ساعه هذي : فيه نادي يبيع عصائر واكل وفيه TV وكل شي ، احيانا وقليل جدا : بعد الغداء تروحون للنادي " واذا مارحتوا للنادي احتمال 40 % تروح للسكن ، واحتمال 60 % ترجع تكمل الشمس الحارقه : لذلك لاتفكر دايم بالنادي عشان ماتتعب ؟

المهم يجي وقت صلاه العصر وتصلون طبعاً : بعد الصلاه مباشره عندك حصه شبه ثابته بميدان الكتيبه ( يعني بجنب السكن ع طول مسافة : 10 متر بس ) / عندك مشااه ، حصتين ،/ ساعه ونص تقريبا ؟
تخلص من الحصه قبل صلاه المغرب بـ ربع ساعه ، بعد الصلاه عندك حصه هروله على نفس الميدان / بس تكون هروله خفيفه واغلبها تدريبات تقويه ~ بعد كذا تصلي العشاء وتتعشى وترجع تنفذ اعمال اداريه : يعني تنظف وتمسك المكنسه والشطافه وتشتغل زيك زي اي عامل هندي بالشارع ؟ ثم تغسل ونووووووم وهكذ1 وعادي لاتفكر بالكرامه قلت لكم ؟ يعني نزل كرامتك عند الباب وادخل نصيحه .

هذي تقريبا يوم مطابق لايام الـ 45 ، بس هذا اول اسبوع واذا جاء التعليم بـ ثاني ، اسبوع : يتغيـر النظام ويصير رااااحه اكثر ؟ لان اذا جاك التعليم ؟ يصير ماعندك الا حصه بعد صلاة الـ فجر ؟ وبعد االفطور كله بالتعليم ؟ يعني رااااااااحــــــــه اكثر .


تقبلوـآ تحيـآْإتي ~َ

غ ـآْإمض ~

المشاركة الأصلية كتبت بواسطة ابن طراد

و الصور مكشوف الراس او بشماغ وكم عدد الصور المطلوبة

المشاركة الأصلية كتبت بواسطة محمد راجح

ياشباب الي فحص هل يدققون فالوزن انا وزني 54 اقل وزن كم ؟
وش اسئلة المقابلة ؟