السلام عليكم ورحمه الله وبركاته

ياخوان معي 5 مليون واكثر

والان ابحث عن فكره استثمر فيها الفلوس
اشتغلت في العقار ولكن لكل شي نهايه انتهيت كل مشاريعي بالعقارات بسبب العمال هربو بعضهم ولا يوجد لدي مؤؤسه ؟

رايكم

وافكر الان في فتح موسسه نقل طلاب وطالبات مدارس مدري احد منكم يعرف لها واساسيات والرخص من الوزاره الخ

العقار الابن البار

اشتري عماير واجرهم

اولاً

الله يبارك لك في مالك

ثانياً

إشتر أرض تجارية وابنها شقق مفروشة لا تقل عن 18 شقة
بأكثر من توزيع مع مراعاة وجود مواقف ومخرج طواريء وتكون خاضعة لشروط الدفاع المدني
واجعل الواجهة محلات تجارية تخدم الشقق وبإذن الله لن تخسر
وبعد ما تنجزها إذا حبيت تشغلها بنفسك او تأجر العمارة .. في الحالتين ربحان
أخوك مستأجر عمارة وخلال الشهرين هذي بيكون الإفتتاح بإذن الله

هذي نصيحتي لك وهناك المزيد بما أن لك خبرة بالعقار ولديك مؤسسة

مشروع اعادة تدوير الزيت

[align=center][/align]
تواصل معاي خاص وابشر بمشروع يطلع لك ذهب ......

تبا مشروع حلو
اشتر فيها كلها اسلحه ودبابات وصواريخ
وارسلهم للجيش الحر
غيرك مليارات تبرعو فيها واكسبو الاجر دبلاتها
والله يغفرلك عزيزي

خذ لك فرة في الصين .. و الهند .. والمصانع
وتمش
بس مجرد تتمشى في ذيك الاماكن بتلاقي انواع الفرص تجي مخك

وش رايك تفتح لك محلات تجاريه مختلفه


مثلا تفتح مطعم وتفتح محل ثاني تحطه كوفي ومحل ثالث تحطه بيع ملابس جاهزه ومثلا تفتح لك مغسله ملابس

يعني عده نشاطات

ويكون عندك مكتب او مقر شركه اي شي تدير امورك



بتكون ان شاء الله ربحان


،،،،،،،،،،،،،

طبعا مو شرط تفتح مثل المحلات اللي قلت لك بس هذي مجرد مثال


واذا اعجبتك هالشغله وسويتها

لا تنساني ترا بتوظف بالشركه هااه ههههههههه بس بح بح الراتب نبي فوق ٧٠٠٠ هههههههههه


الله يوفقك ان شاء الله

الا يبغى اشغل له فلوسه يرسل لي رقمه ع الخاص ربح مضمون 100% وبدون خساره وانا مسؤول عن كلامي
وفي عقود تضمن لكم حقكم لكل 500 ربح خمسة الالاف شهريا