اقسم بالله تعبت نفسيا كلما اقدم على وظيفة يقولون لي انت مدعوم حاولت احذف الدعم رفضوا وينافخون بعد مسوين فيها معهم حق السالفة ومافيها اني قبل 3 سنوات دخلت معهد تدريب منتهي بالتوظيف ولا اعرف وش صندوق الموارد ولا شي ووقعت ومادريت الا منزلين اسمي بصندوق الموارد 7 شهور + التامينات وماعطوني الا راتب يمكن 2800 ريال خلال ال 7 شهور المهم انا احسبها هدية منهم ويوم خلصت الدورة ماداومت بالشركة ابد وتورطت كلما اقدم على شركة يقولون انت مدعوم قسم بالله كرهت نفسي رحت للشركة يقولون حنا حذفنا اسمك منتهية خدماتك وصحيح كلامهم ونزلوني من التامينات ومكتب العمل لاكن للحين معلق اسمي في الموارد البشرية كلما اشيك سبق لي الدعم بالشركة وش الحل ياخوان رحت اشتكيت بالرياض لين دخت موظفين صندوق الموارد من مديرهم لفراشهم خايسين قسم بالله وحاطين مبزرة ينافخون ومتسلطين ولا يتفاهمون والله تعبت نفسيا

هههههههههه

طيب لو قلت لك ان الدعم ماراح ينحذف من الموارد الا بعد خمس سنوات يعني جبت العيد


فيه شركات مهي مدعومة من الموارد رح قدم عليهم وابعد عن اي شركة مدعومة من هدف

حتى انا مدعوم من الموارد وراح اقدم على شركة مدعومة من هدف

انا مثلك اخوي توهقت بالموارد دعمت مع سعودة سابك والبرنامج سئ لانه تطوير وليس تعليم كان التعليم سنة على ثلاث فصول الفصل الثاني اختبارات الصغير عديتها بس الاختبار النهائي فشلت فيه باقي لي درجتين وما عديت الاختبار النهائي فشلت فيه باقي لي درجتين وعادوا لي الاختبار وباقي لي خمس درجات وطلعوني من البرنامج بعدين كل ماروح شركة ترفضني وكل واروح شركة رواتب على 10 الف ريال مقاول مع ارامكو اجتاز الاختبار مع المقابله لكن العائق الموارد البشريه رحت حق الموارد طرحت لهم موضوعي قالي احنا ندور لك شركة اذا صار شئ بنتصل عليك بعد فتره حصل لي شركة مقاول مع ارامكو سويت مقابله في وسط قاعة الموارد البشريه مع مسؤولين التوظيف بعد اجتزت المقابله بعد شهر قالوا تعال وقع عقد وبعد شهرين سويت الفحص الطبي وكل شئ تمام الحين جيت بدوام حق التدريب في معهد الميناء بس قبل ماخش المعهد قلت استفسر من الشركة لانهم ماسجلوني بالتامينات ولاشئ المهم قالي الموظف حق الشركة انت كيف تجي تدوام بالمعهد وانت غير مقبول حسيت جاتني صدمه كيف وشلون قالي انت مدعوم في هدف قلت خلاص بشوف الموارد البشريه هدف الو الحين انا في المعهد لكن موظف الشركة قال لاتداوم انت غير مقبول قالي موظف الموارد اصلن موظف الشركة مابي يشغلك وياهم قلت شلون قال احنا نعيد دعمك بس الشركة شكلها ماتبيك بعدين اتصلت على الشركة قالت لهم انتم ماتبوني اشتغل معاكم قالي الموظف لا احنا نبيك بس السستم لايقبلك سكرت بابهم وفتح باب الله ليومك مش قادر اتوظف والسبه الموارد البشرية
والله هذا حلفت لكم سبب البطاله
(هدف الموارد البشريه )
والله ياخوك مثلك تحطمت وتعبت نفسي صرت اكره الدنيا والله لاحول ولا قوة الا بالله لان مابيدنا حل حتى حافز مو راضي يدعمني يقولي انت غير مؤهل وانا لي سنه عاطل

والحل اصبر الله يعوضك وتتغير الانظمه ولا اصبر الله يخلف عليك بالجنه وحسبي الله على كل سبب بالبطاله

اخوي هل جربت تطلب منهم طلب إعادة الدعم من الصندوق؟



بعيدا عن دعم الصندوق...

الشركة اللي تشترط عدم حصولك على دعم من الصندوق اغسل يدك منها واعرف انها شركة ضعيفة

إجتهد على نفسك وطور نفسك ذاتيا,, وراح تلقى شركات كثير تطلبك وانت ساعتها اللي تتشرط

اخي عبدلله في اعادة دعم لكن تقدر تقول تشتغل من غير تدريب يعني في شركات براتب 3000 ريال والصافي 2600 ريال بعد الخصم التامينات ونادرا تحصل شركة تطلبك لان الحين اغلب الشركات صارت عندها حجه تقدر تصرفك بكلمة انت مدعوم مسبقا
والشركات الحين في تدريب منتهي بالتوظيف في هذا البرنامج لاتستطيع التوظيف بسب الدعم الموراد البشريه السؤال ليش الشركات لاتريد مسبقا الدعم وليش الموارد لاتدعم التدريب من جديد؟؟
لماذا لايوجد حلول انا فشلت في احد البرامج التدريب بعدين توظيف خلاص فشلت ليش لا استطيع التدريب مجددا يعني خلاص انتهى الامر لانك مدعوم مسبقا في الموراد البشريه

اعتقد انك متوظف في السابق سعودة فقط.. لكن العيب اللي عندك انت المفروض تكون ملم بكل نظام الموارد البشرية قبل توقيع العقد .. بس انا اشوف بعض الشركات حرامية يستغلووووون صندوق الموارد البشرية عشان يسرقون الرواتب اللي مفروض تصرف للموظف.. صندوق المواراد البشرية يصرف 1500 و لازم الشركة اللي تبي دعم ان لا يقل راتبك عندهم عن 3000 ريال و انت تقول كنت تستلم 2800 ريال..طيب و ين باقي الراتب؟؟ انت المفروض تطالبهم بحقووقك

كان الله في عونك يا اخي الكريم

و يرزقك الرزق الطيب

انا غلطت نفس غلطتك

و الحمد لله على كل حال

شركات المقاول تبـع ارامكو هل فيهـا هذا النظـام الموارد البشرية ؟

انا على وشك وظيفه مع شركة متعاقدة مع ارامكو !

اللي يبي يعرف هل هو مدعوم بالموارد او لا

https://www.hrdf.org.sa/hafezcheck