السلام عليكم


بصراحة انا ودي اعمل اي مشروع صغير كبداية لي واطوره مع الوقت
ابغى اضمن مستقبلي ومستقبل عيالي لاكبروا
مو معقولة بقعد طول عمري اعتمد على الضمان
ومثل مو عارفين ان المطلقة في مجتمعنا حقوقها محفوظة مشاءالله
ولان ظروفي ماتسمح لي اطلع من البيت ولاعندي حرية اروح وارجع فراح اعمله في البيت

المهم ولا اطول عليكم
بعطيكم المشاريع الي فكرت فيها وابي من اصحاب الخبرة يعلموني بايجابياتها وسلبياتها وانسب مشروع + ميزانيته

1 _ اشتري اغراض من موقع الكتروني ( اكسسوارات / ساعات / شنط / جزم ) واتفق مع مندوب واتاجر فيها الكترونيا .

2 _ اشتري شقة او عمارة او محلات واقوم بتأجيرها . << ما اعرف اذا مسموح لي او له عمر محدد ( عمري 24 سنة)

3 _ افتح صفحة خدمات في مجال التصميم .


علما ان ميزانيتي 0

وافكر في قروض بنك التسليف
ولهالسبب ابي مشروع مضمون عشان ما ابتلش


منتظرتكم

كيف تشتري عماره وميزانيتك صفر الله يرزقنا ويرزقك

طيب عادي تدخلي النت دام ماتروحي وتجي

عندي مشروع انك تبحثي شركات تدور على مشاريع وافكار وتقولي عندي مشاريع لكن مقابله مبلغ مادي

وبكذا تتفقي معهم وتجمعي على ذلك


ومشروع ثاني ان شاء الله يفيدك بس يبيله انتظار

وهو سوق ذهب لانزل اشتري ولاغلى بيعي

اذ تبين مساعده كيف تشتري بالذهب وتبيعي وتعرفي وش ربحك قولي وان شاء الله افيدك

وسمعت المطلقه تقدر تاخذ قرض خذي بيت او شقه على حب القرض اجريه منها تسددي القرض ومنه يكون لك ضمان

فيه فكرة مشروع على الانترنت لا تحتاج راس مال لكن الارباح بسيطة.

بالتوفيق

جزاكم الله خير

انا افكر اشتري عمارة او شقة من قروض المطلقات واقوم بتأجيرها

كم بيكلفني ؟؟

وهل في حد معين للقروض؟؟

بالتوفيق

لك رساله بالخاص

اسالي بقسم الضمان الاجتماعي هنا بالمنتدى

اكيد مابيقصرو وبيفيدوك كثير

احساسي تاخذ وقت

فنصيحه ابدئي بشي بسيط منها تشغلي وقتك ومنها تفيدي نفسك ماديا

بتقولي ايش :

اولا حسب مجتمعك اللي انتي فيه وش يحب وش ممكن يتقبل هذا اهم خطوة بنجاح المشروع لاتعتمدي على تسويق النت البداية تكون من مجتمعك وحبه حبه تطلعي بالتجارة الاكترونيه

مثلا اذا تحبي الطبخ شوفي لك اي قسم منه وابدعي فيه
طبخ شعبي او حلى او اي شي

اذا تحبي الخياطه هذا موسم
هالسنه صايرة بزود موضة جلابيات الشالكي مترها رخيص ومرغوبة برمضان وعالعيد

اذا تبي شي جاهز وتبيعي

شوفي مجتمعك وش يرغب
بنات كثير حلو جيبي اكسسواريز وشنط

او عطور او فساتين سهره


البداية البسيطة بعد تفكير ودراسة هي اول خطورة لنجاح

موفقه اختي وربي يخلي لك اولادك وربي يرزقك من اوسع ابوابه