المشاركة الأصلية كتبت بواسطة خريجةمتعطلة

السلام عليكم ورحمة الله وبركاته

وصبحكم بالخير جميعا ..

معليش يا بنات في شي يقرقع بقلبي ودي اقوله ... وكثير منكم راح يزعلون مني بس ماعليه ازعلوا .. اهم شي ارتاح

لانكم وبصراحة " مسختوها " ... انتوا ايش ؟!! .. مسختوها ... مـ سـ خـ تـ و هـا .. وطبعا ما تعرفون ليش .. انا بقولكم ..

اولا : الموضوع تحول من تجمع إلى " تحلطم " بقدرة قادر .. سبحانه وقدروا عليه ..

ثانيا : الموضوع صار محبط + ... بدل ما يكون محفز ومفيد وهذا هدف صاحبته لما فتحت هالتجمع ..

ثالثا : الموضوع صار فيه كمية غباء مو طبيعي .. وعذرا على هالكلمة .. ولاسباب منها :

1- السؤال يتكرر ستمية الف مرة واجابته وحده .. ويرجع يتكرر .. وتتكرر الاجابة .. ثم يتحسفون انهم ما سالوا ويرجعوا يسالون .. وخذي لك عاد ..

2- عندكم رقم اسفل نموذج الطلب للاستفسار .. حبيبتي اذا مو مصدقة احد ولا هو مقنعك كلام حصريات مثلا او اي متقدمة داقة عالديوان ... يختي دقي انتي واقطعي شكك باليقين وفكينا ..

3- في بنات عسولات .. فدييييييييييييييتهم ... افادونا باسئلة للمقابلة .. ومعلومات عن الديوان .. وكل شي ... تجين تسالين عن المقابلة مرة ثانية وشوله ؟ نخترع لك شي ثاني مثلا ؟!!

4- حبيباتي اللي شغلتهم بس التطير والتشاؤم .. الاعداد كبيرة والوظايف قليلة ... طيب ؟! ... وش مزعجك انتي ؟ .. طيب يوم انك عارفه انه مستحيل التوظيف خلاص لا تروحين ... شغل التنكيد عالخلق وتوقفين باول الطابور ترا مرة بايخ ,,

5 - الاخ حصريات ما قصر اجتهد ... ثم اجتهد .. ثم اجتهد ... وقالكم فيه اختبار طباعة واشياء بسيطة .. وقال الموضوع سهالات .. وشرح لكم الالية والكيفية والكمية والطريقة ولو بيده سدح لكم كروكي كمان فيه شرح مفصل للمداخل والمخارج وكم نافذة بالمبنى حتى وكل شي وعدد الجدران اللي بتحيط بالمكان ... حتى الاثبات وضح انه لا بااس بأي اثبات ولوحبيتي جيبي جارتك تحلف لهم كمان انه هو انتي مقدمة الطلب ....

عقب ذا كله ترجعين انتي وهيا تعيدين وتزيدين وتكررين نفس السؤال اللي صار سامج ليه ؟! .. لا صدق صدق ليه ؟!

6- في بنات الردود بينهم احسهم شوي ويتاهوشون .. ولو رجعنا للسبب نلقاها معلومة غلط تم تصحيحها من حصريات ... سؤال للثنتين هذول ... وش تحسون فيه ؟!!

عموما .... هذه جزء من قرقعة قلبي قبل اخرج خروج نهائي من هالموضوع ولي عودة مرة ثانية عقب مقابلتي اسدح لكم وش صار فيها ولو اني متاكدة اني راح اعيد اجاباتي مليون مرة بس كويس في نسخ ولصق

وشكرا لكل من ساعدت في اعطاء معلومة وشكرا من القلب لكل من اتصلت عالديوان واستفسرت .. ولكم دعوات من القلب .. وشكر خاص لحصريات مو عشانه جاوب لا ... لكمية صبر ايوب اللي فيه وهو يجاوب على نفس السؤال في كل مرة ... اما الباقين اللي بيزعلون مني احب اقولهم ... آآآآآآسفة بس شسوي حديتوني