الله يسعدكم اللي رديتوا علي ؛؛
الحمدلله أموري تمام من ناحية الكتابة بس خوفي من تحديد السرعة بالطباعة العمياء ومثل ماقلت سابقا بيد وحدة ماشاء الله سريعة بس اللي اقصده بنفس هالبرنامج يعتبر صح علي والا لازم نفس طريقة البرنامج اللي هو ذاكر ؛؛؛:
وياأختي تقولين مافي طباعة ممكن مافي للوظائف الثانية صح لكن الكاتب الى الان ماأحد ذكر كيفية المقابلة ؛؛؛وبانتظار الأستاذ حصريات ؛؛وبالتوفيق للجميع ..

حبيت افيدكم وش صار معي اليوم
اولا موعدي 4العصر وصلت الساعه3ونص وطلعت 4ونص
كنت على المكتب رقم 6 طلب رقم السجل وقال اسمي قلت نعم قال اي جامعه متخرجه وماهو التخصص
بعدها قال ماهي الدورات اللي حصلتي عليها وسال عن مدة دورة ادخال البيانات
وسالني عن اخر بحث في الجامعه قال تحدثي عنه &&&&&والله خربطت مادري وش قلت
وقال لو طلب منك عمل بحث على ماذا تستندين !!!!!! تفلسفت وخربطت من عقلي
وبعدين قال افتحي الورد وطلب كتابة كلمتين وقال نسقيهم 😭وحست الدنيا وقااااال خلاص
دعواتكم يابنات اذا مانقبلنا يعوضنا الله انتظار السنين خير

الدآنه
الاختبار مافيه طباعه ابد ابد ابد
طريقة الاختبار تجلسين على المكتب بخصوص الكتابة راح تكتبين جملة بسيطة جدا على برنامج الوورد مثلا اكتبي ديوان المظالم او بسم الله الرحمن الرحيم او اي جملة ثانية ما راح بشوف كيف كتابتك بيد وحدة او ثنتين اكتبي بالطريقة اللي تناسبك انتي بيد وحدة او ثنتين المهم لا تخطين خطأ املائي احتمال يقول كبري الخط حطي الجملة بوسط الصفحة لوني الخط هذا بالنسبة للكتابة على برنامج الوورد
اما بخصوص الاسألة تختلف من لجنة الى لجنة ولكن الغالب يسألون في البداية وش تعرفين عن ديوان المظالم متى تخرجتي هل سبق توظفتي واذا ما عندك وظيفة كيف استثمرتي وقت هل كنتي تبحثين عن وظايف وش تعرفين عن الوظيفة اللي متقدمة عليها هل عملتي بحث وانتي بالجامعة واذا فيه تكلمي عنه باختصار ويسألون وش هي القضايا اللي تدور بديوان المظالم يعني وشهي القضايا اللي يختص بها الديوان
نقطة مهمة
تسلسلك بتقديم المعلومات للشخص اللي يسألك مهم
ثقتك بنفسك حاولي تكون قوية وﻻ تخافين

فالكم الوظيفة يبنات
بس بسألكم من فين ناخذ الرقم واضح المكان يعني
واللي تقول موعدها الساعه خمسه وراحت ثلاث
وخلصت اربع ونص يعني مافي تنظيم ولا التزام بالساعة اللي هم محددينها لنا
بغيت استفسر لان انا موعدي الساعه اربعه لو جيت ثلاث ونص وفي بنات موعدهم
خمس والا ست جاين قبلي يدخلون يعني قبلي !!!!
مدري هذا اللي فهمته منكم هالشي يعني مايسبب زحمة وتاخر للبنات للي مواعديهم بدري
ولا تطر لي وحده وتقول حسد وما حسد هههه ماره هالعلقيات علي هههه بس انا اقصد من كلامي المفروض كلن يختبر في موعده المحدد تنظيم عشان مايكون زحمه وفوضى وتقبلوا تحياتي والله يوفق الجميع
كلامكم عن المقبلات يفتح النفس ويشرح الصدر,,,
واستفسار ي انا كان
لاني انا من خارج الرياض وبجي بنفس اليوم من السيارة للمقابله
عشان كذا استفسر عن سالفة الارقام فيها تنظيم اولا لاني مابغى اطول اكثر من ساعتين
وراي طريق برجع بعد ماخص المقابله وانا موعدي الساعه اربعة
واستفسار اخر احد من المتقدمات على كاتب راحت للمقابله
كل اللي يكتبون باحث شرعي !!!

وحده تقول ان الشيخ سالها وش انظمة وقوانين المملكه ؟
وش انظمتنا يابنات ؟؟
وبعد سالها وش امر فيه الملك عبدالله ؟؟؟

دالين دام موعدك الساعة 4 تعالي 3 او 3 وربع بتاخذين رقم اول ما توصلين من الاستقبال وراح تدخلين وان شاء الله ما تتأخرين ما راح يكون فيه متقدمات كثير وبتكونين من اول المختبرات وبالتوفيق

مشكور اخوي عزااام على الرد
وانشاء الله بحاول اجي بدري على حسب
اللي بيجيبني لانه يبي لي ساعتين مسافة الطريق
من غير الزحمة اول ماندخل الرياض الله يسهلها ياااارب

الانظمه سهله الشريعه مت كتاب وسنه واجماع وقياس
بس وش امر فيه الملك ؟!! حافز هههههه
امزح لاتصدقون بس ممكن نقلب السؤال بسؤال اخر لهم مثلا ممكن توضح
ياشيخ متي الاوامر اللي تسالني عنها في عالعام هذا مثلا
اوممكن تكون الاجابه امر الملك بانشاء ديوان المظالم وجعله محكمه مستقله
مرتبطه فيه !!!
ترا الاجابات من راسي هههههه

بنات الرياض الموقع وين
ابي الموقع بالتفصيل؟؟؟؟