تجمع المتقدمات على ديوان المظالم 1434هـ

وظيفتي الجميله · #**661** (**permalink**) 19-08-2013, 09:09 PM

انا معي الدوره اللي طلبوها ولا طلع لي الجدول

بنت الشهري · #**662** (**permalink**) 19-08-2013, 09:13 PM

السلام عليكم صبايا
موقع الديوان مايفتح عندي ليش ابي اعرف طلع جدول عندي او لا

خطيره · #**663** (**permalink**) 19-08-2013, 09:51 PM

حسبي الله عليهم لما شفت الجدول جاني امل انو انقبلت
لعب بالاعصاب

حصريات · #**664** (**permalink**) 19-08-2013, 09:57 PM

اقتباس:

المشاركة الأصلية كتبت بواسطة مبرمجه عاطله

الله يجزاك خير ويسعدك دنيا واخره انا عندي استفسار في المقابله الشخصيه يطلبون اوراق يعني الوثائق مثل الشهادات والدورات لاني ادرس عن بعد ولازم ارسل شهادتي الثانويه الاصل للجامعه بهالفتره وابي استفسر هل يؤثر دراستي عن بعد على الوظيفه وشهادتي الثانويه الاصل راح تكون بالجامعه وقت المقابلات للديوان هل يطلبونه اوكيف انا ماعندي مشكله اقدر اروح للجامعه واخذها بس حييت استفسر لانهم كلهم صايرين بوقت واحد

لا بالمقابلة بس احضار بطاقة الاحوال أو دفتر العائلة وتوصلين هناك يطبعون لك بياناتك وعقبها تتوجهين لصالة الحاسب تختبرين وبعد الحاسب تدخلين على المقابلة
لكن الأفضل لك انك تجهزي أوراقك من الان وبالنسبة للشهادة الثانوية مب لازم الأصل تقدرين تطلبين
صورة طبق الأصل وهالشيء سهل تروحين للإشراف التربوي الي بمنطقتك وتقولين أبي صورة طبق الأصل لشهادة الثانوية وهم يعطونك اياها.
وبالنسبة للدراسة ماتتعارض مع الوظيفة بس انتي مقدمة بالثانوية والمرتبة الرابعة مايحق لك بعدين اذا اخذتي الشهادة الجامعية انك تطالبين بالسادسة الا عن طريق مسابقة وظيفية أو بالترقية
والأمور تساهيل وماهنا تعقيد إن شاء الله

حصريات · #**665** (**permalink**) 19-08-2013, 10:08 PM

اقتباس:

المشاركة الأصلية كتبت بواسطة ذاكرة

الله يعطيك العافية ويسهل أمورك يارب
حبيت استفسر
- هل اختبار الطباعة يتطلب سرعة طباعة معينة والا الأهم 20 كلمة بالدقيقة وبس؟
- وايش هي أهم المعلومات اللي مفترض نعرفها عن ديوان المظالم؟
- وايش المهام لوظيفة كاتب(المرتبة السادسة) عشان لو انسألنا عنها في المقابلة؟

شكراً مقدماً وعذراً على أسئلتي الكثيرة

بالنسبة لإختبار الحاسب هم بيشوفون انتي تعرفين للطباعة والا
يعني بعضهم يدور الحروف بالكيبورد وبعضهم اخطاءه كثيرة
الأهم إنك تجيبي 20 كلمة صحيحة بالدقيقة وكل ماكنتي سريعة كان افضل لك
حاولي من الحين تدخلين برنامج اللورد وتدربي على الطباعة
بالنسبة للمعلومات عن الديوان : الديوان يعتبر جهة قضائية مرتبطة مباشرة بالملك ومختصة بالقضاء الإداري والتجاري والجزائي ( الادارية : حقوق وظيفية - مطالبات حكومية - تعويض / التجارية تكون بين شركات تجارية / الجزائية تكون قضايا جزائية مثل رشوة تزوير اختلاس مال عام ) طبعاً رئيس الديوان هو معالي الشيخ عبدالعزيز النصار . باقي المعلومات بذكرها في رد جاي ان شاء الله عشان استذكرها بشكل صحيح
مهام وظيفة الكاتب هي مثل مهام وظيفة الناسخ لإن حالياً ماعاد فيه شيء اسمه كتابة باليد
بس المسمى يحطونه عشان شاغر الوظيفة فإن سألوك عن مهام عمل الكاتب تقدرين تقولين
هو كتابة الخطابات والقرارات وممارسة أعمال الناسخ
بالنسبة لمهام عملكم بتكون هي قيد دعاوي واستقبال المراجعات وتسليم الاحكام

موفقه

حصريات · #**666** (**permalink**) 19-08-2013, 10:15 PM

اقتباس:

المشاركة الأصلية كتبت بواسطة كليمانس

حصريات
وظيفة باحث شرعي ممكن معلومات عنها

طيب تقولين تبدأ المقابله ب2 من الشهر الجاي طيب فرضا صادق موعد إختباري بقياس وش الدبره

من أضحي به قياس والا الديوان

والله يوفقك ويكتب أجرتس

الباحث الشرعي ياطويلة العمر هو بمعنى معاون للقاضي وهالمسمى ماله وجود بالديوان اساساً بس هم يحطون هالمسميات عشان الخدمة المدنية هي الي تصنف الشواغر
وللمعلومة العامة الباحث الشرعي يكون معاون للقاضي في البحث عن تأصيل الأحكام ومساعدته في البحث عن التشريعات وتجهيزها له عشان يكون يحكم القاضي ويسهل عليه الاجراء بس مثل ماقلت لك هالمسمى ماله وجود وبيكون عملك يـآ إستقبال مراجعات أو قيد دعوى يعني تجيك وحده تبي تشتكي جهتها الوظيفية تجين انتي تشيكين على اوراقها كاملة والا وعقب تعطينها رقم وتقيدين هالرقم بالمعاملة وترسلينها لقسم الدعاوي والاحكام وعقب لا صدر فيها حكم يرسلونه لك وانتي تسلمينه المراجعة --> هذي اختصار الشغلة للكل ، يعني لو ثلاث بالقسم يكفون وزود

مودي مشاري · #**667** (**permalink**) 19-08-2013, 10:15 PM

اخواتي العزيزات

اللي طلع لها الجدول واللي ماطلع لها الجدول

على حد سوااء حننتظر نزول اسماء المرشحات خلال العشرة الايام الجايةة,,

بمعنى اخر .. اللي نزل لها الجدول لساا ماصارت مرشحه الا بعد نزول الاسماء
واللي مانزل لها لسا ماصارت مستبعدة الا بعد نزول الاسممااءء

الاعصااب تعبانه بسبب ضغط الموقع .. ومايحتااج كماان انتم تزيدو الوضع ...

خلونا نتوكل على الله ..

بالنسسبة لسؤالك عزيزتي عندي دورة سكرتاريه سنه وتخصصي مطلوب والحمدلله ومانزل لي جدول ف صفحتي بس مايمنع اني اتمسك بالامل ..

عندي طلب واحد بس الردود اللي تجي بعدي لو حبذا انكم تشيكو على المشاركات من بعد صفحة 63 حتلاقو اجابات عن كل استفساراتكم ..

ودمتم بخير

حصريات · #**668** (**permalink**) 19-08-2013, 10:16 PM

بالنسبة للجداول مثل ماوضحت لكم
وجاني خبر إنه جاري العمل بالموقع على النتائج يعني ترقبوها

حصريات · #**669** (**permalink**) 19-08-2013, 10:18 PM

اقتباس:

المشاركة الأصلية كتبت بواسطة كليمانس

حصريات
وظيفة باحث شرعي ممكن معلومات عنها

طيب تقولين تبدأ المقابله ب2 من الشهر الجاي طيب فرضا صادق موعد إختباري بقياس وش الدبره

من أضحي به قياس والا الديوان

والله يوفقك ويكتب أجرتس

نسيت اجاوبك عن الموعد وتعارضه مع قياس
ترا الوضع تساهيل ماهنا مشاكل يعني لو مثلاً صار موعدك الاثنين وكان بنفس اليوم اختبار قياس تعالي لهم الاحد وقولي لهم عندي بكره موعد لقياس وعندكم مقابله راح يراعونك ويسون لك المقابلة أو يقولون لك تجين بموعد ثاني هم يحددونه

سنه أولى بطاله · #**670** (**permalink**) 19-08-2013, 10:19 PM

اقتباس:

المشاركة الأصلية كتبت بواسطة حصريات

الباحث الشرعي ياطويلة العمر هو بمعنى معاون للقاضي وهالمسمى ماله وجود بالديوان اساساً بس هم يحطون هالمسميات عشان الخدمة المدنية هي الي تصنف الشواغر
وللمعلومة العامة الباحث الشرعي يكون معاون للقاضي في البحث عن تأصيل الأحكام ومساعدته في البحث عن التشريعات وتجهيزها له عشان يكون يحكم القاضي ويسهل عليه الاجراء بس مثل ماقلت لك هالمسمى ماله وجود وبيكون عملك يـآ إستقبال مراجعات أو قيد دعوى يعني تجيك وحده تبي تشتكي جهتها الوظيفية تجين انتي تشيكين على اوراقها كاملة والا وعقب تعطينها رقم وتقيدين هالرقم بالمعاملة وترسلينها لقسم الدعاوي والاحكام وعقب لا صدر فيها حكم يرسلونه لك وانتي تسلمينه المراجعة --> هذي اختصار الشغلة للكل ، يعني لو ثلاث بالقسم يكفون وزود

أخي الكريم حصريات ، أنا أتصلت عليكم بالديوان قبل أمس واعطيتكم سجلي المدني وطلعت
مقبولة بحمدالله؛ لكن للاسف لمن فتحت موقع الديوان لقيت الجدول ولكن لايوجد تحديد لموعد ولامكان المقابلة ولامدتها وش السبب لو سمحت

؟؟

تجمع المتقدمات على ديوان المظالم 1434هـ

إستفسارات ونتائج الوظائف المدنية

السلام عليكم هنا تجميع المتقدمات لديوان المظالم وان شاء الله نستفيد من بعضنا انا الى الان ماسجلت الموقع غير موجود والصفحه ماتفتح

تجمع المتقدمات على ديوان المظالم 1434هـ

تسجيل الدخول

تجمع المتقدمات على ديوان المظالم 1434هـ

إستفسارات ونتائج الوظائف المدنية

السلام عليكم هنا تجميع المتقدمات لديوان المظالم وان شاء الله نستفيد من بعضنا انا الى الان ماسجلت الموقع غير موجود والصفحه ماتفتح

تجمع المتقدمات على ديوان المظالم 1434هـ